මහනුවර නගර සංවර්ධන සැලැස්‌ම සකස්‌ කිරීම පිළිබඳ මහනුවර රැජින හෝටලයේදී පැවැති වැඩමුළුවකට සහභාගි වූ ඇමැතිවරයා මාධ්‍ය අමතමින් මේ බව කීවේය.
20 සංශෝධනය ඇතුළත් ගැසට්‌ නිවේදනය අනුව මේ රටේ සුළු පක්‍ෂ හා කණ්‌ඩායම්වලට බලවත් අසාධාරණයක්‌ සිදුවන බව රාවුෆ් හකීම් මහතා කීවේය.
20 වැනි සංශෝධනය සම්බන්ධයෙන් මුලින් සාකච්ඡාකර එකඟතාවකට පත්වූ කරුණුවලට පටහැනිව ගැසට්‌ පත්‍රයේ කරුණු ඇතුළත් කර තිබෙන බව ඔහු පැවැසීය.
ගැසට්‌ පත්‍රයේ පළකර තිබෙන ආකාරයට 20 වැනි සංශෝධනය ඉදිරිපත් කළහොත් තුනෙන් දෙකකින් පාර්ලිමේන්තුවේදී සම්මත කර ගැනීමට හැකිවන්නේ නැතැයි ද ඇමැති රාවුෆ් හකීම් මහතා අවධාරණය කළේය.
20 වැනි සංශෝධනය මේ ආකාරයෙන් සම්මත වුවහොත් සුළු ජන කොටස්‌වලටත් සුළු දේශපාලන පක්‍ෂවලටත් කිසිම තැනක්‌ හිමිවන්නේ නැති බැවින් ජනතා විමුක්‌ති පෙරමුණ, ශ්‍රී ලංකා මුස්ලිම් කොංග්‍රසය, කම්කරු ජාතික සංගමය, කඳුරට ජනතා පෙරමුණ ඇතුළු පක්‍ෂ රාශියක්‌ 20 වැනි සංශෝධනයට විරුද්ධ බවද හෙතෙම පැවැසීය.
දිවයින
