වත්මන් අගමැතිවරයා පිනා අගමැතිවරයෙක් බවට ප්රකාශ කරමින් අමාත්‍ය ඩිලාන් පෙරේරා ඔහුගේ පිංගුත්තරකම හෙළිදරව් කරගත් බව ඌව පළාත් ප්‍රධාන අමාත්‍ය හරීන් ප්‍රනාන්දු පවසයි. ඔහු මෙසේ පැවසුවේ අද(06) පැවති මාධ්‍ය හමුවක් අමතමිනි.
හිටපු ආරක්‍ෂක ලේකම් ගෝඨාභය රාජපක්ෂ මහතාට එරෙහිව තවත් පැමිණිල්ලක් අල්ලස් හෝ දුෂණ චෝදනා විමර්ශන කොමිෂන් සභාව වෙත අද (06)ඉදිරිපත් කෙරුණි.
හිටපු සමූපකාර හා අභ්‍යන්තර වෙළඳ කටයුතු අමාත්‍ය ජොන්ස්ටන් ප්‍රනාන්දු මහතා එළඹෙන 11 වන දින දක්වා යළි රක්ෂිත බන්ධනාගාරගත කර තිබේ.
ඌරන් විකිණෙනවා වගේ දේශපාලනඥයින් අලෙවි වුණා - විජයදාස
පසුගිය කාල වකවානුව තුළ උෟරන් ගවයන් වැනි සතුන් අලෙවි වූ ආකාරයටම දේශපාලනඥයින් ද ඔවුන්ගේ දේශපාලන බර අනුව අලෙවි වූ බව අධිකරණ අමාත්‍ය, ජනාධිපති නීතීඥ විජයදාස රාජපක්ෂ මහතා පවසයි. අධිකරණ අමාත්‍යවරයා මේ බව ප්රකාශ කලේ අද (06) පෙරවරුවේ ගුවන් විදුලි වැඩසටහනට එක්වෙමිනි.
රක්ෂිත බන්ධනාගාර ගත කර සිටින හිටපු අමාත්‍ය ජොන්ස්ටන් ප්‍රනාන්දු මහතා මේ වන විට (06) කුරුණෑගල මහේස්ත්‍රාත් අධිකරණයට ඉදිරිපත් කර තිබේ.
පාසල් සිංහල, මුස්ලිම් සහ දෙමළ ලෙස වෙන් කිරීමට තමන් තදින්ම විරුද්ධ බව ජනාධිපතිවරයා පවසයි. පාසල් කතා කරන භාෂාව අනුව වෙන් නොකළ යුතු බව ඔහුගේ අදහසයි.
ආණ්ඩුවට ලබාදුන් දින සියය දැන් අවසන් බැවින් ඉදිරි දින සියය තුළ රනිල් වික්‍රමසිංහ මහතාගේ යහපාලන ආණ්ඩුව පළවාහැරීමේ මෙහෙයුමට ශ්‍රී ලංකා නිදහස් පක්ෂය අවතීර්ණ විය යුතු බව බස්නාහිර පළාත් ප්‍රධාන අමාත්‍ය ප්‍රසන්න රණතුංග මහතා පවසයි. කළුතර පැවැති මහජන හමුවකට එක්වෙමින් අමාත්‍යවරයා මේ බව සදහන් කළේය.
