සමානුපාතික ක්‍රමය හා කේවල ක්‍රමය සහිත මිශ්‍ර මැතිවරණ ක්‍රමය ආණ්ඩුක්‍රම ව්‍යවස්ථාවේ විසිවැනි සංශෝධනය ලෙස ඉදිරිපත් කෙරෙන බව දැනගන්නට තිබේ. දැනට සාකච්ඡා මට්ටමේ පවතින නව මැතිවරණ ක්‍රමය ගැන පක්ෂ අතර එකඟතාවට පසුව යෝජනාව පාර්ලිමේන්තුවට ඉදිරිපත් කෙරේ.
පොරොවකින් පහරදීම නිසා බරපතළ තුවාල ලැබූ ජනපති සොහොයුරු ප්‍රියන්ත සිරිසේන මහතා (40) කොළඹ පෞද්ගලික රෝහලක ප්‍රතිකාර ලබමින් සිටියදී අද අලුයම 3.50ට පමණ මියගොස් තිබේ.
පෙරේදා සවස 7ට පමණ එල්ල වූ මෙම ප්‍රහාරයෙන් බරපතළ තුවාල ලැබූ ඒ මහතා එදිනම කොළඹට රැගෙනවිත් පෞද්ගලික රෝහලකට ඇතුළත් කෙරිණ.
මේ මස 31 දින අවසන් වීමට නියමිතව තිබූ පළාත් පාලන ආයතන 234 ක නිල කාලය මැයි මස 15 වැනිදා අවසන් වන ලෙස දීර්ඝ කැර ඇති බව ආණ්ඩුව පවසයි.මේ ආයතන 234ට මහ නගර සභා 3 ක් ද, නගර සභා 30ක් ද ප්‍රාදේශීය සභා 201ක් ද ඇතුළත් වෙයි.
ජනාධිපති අපේක්ෂක මෛත්‍රීපාල සිරිසේන මහතාට මඩ ගැසීමේ චේතනාවෙන් “මේ සැරේ මගේ ඡන්දෙත් මහින්ද රාජපක්ෂට” යනුවෙන් සටහන් කැර අසත්‍ය තොරතුරු හා ඡායාරූප අන්තර්ජාල ෆේස්බුක් ගිණුම් වෙත යොමුකළ බදුල්ලේ පුද්ගලයකු ලබන 1 වැනි දින දක්වා රක්ෂිත බන්ධනාගාර ගතකිරීමට කොළඹ ප්‍රධාන මහේස්ත්‍රාත් ගිහාන් පිලපිටිය මහතා නියෝග කෙළේය.
ජනාධිපතිවරණයේදී ප්‍රකාශ කළ අන්දමට ජනතාවට දුන් පොරොන්දු ඉටුකර බවක් වත්මන් රජයේ පෙනෙන්නට නැති බැවින් තමා නැවත ජනතාව සමග රජයට ඒ බැව් සිහි කර දීමට පියවර ගැනීමට තීරණය කළ බව පුරවැසි බලය පවසයි.
මීළඟ ජාතික ක්‍රීඩා උළෙල යාපනය නගරය කේන්ද්‍ර කර ගනිමින් පවත්වන බව අගමැති රනිල් වික්‍රමසිංහ මහතා අද(27) පැවසුවේය.
එක්සත් ජනතා නිදහස් සන්ධානයේ උප සභාපති දිනේෂ් ගුණවර්ධන පාර්ලිමේන්තු මන්ත්‍රීවරයා වඩාත් සුදුසුම පුද්ගලයා ලෙස පත්කරන ලෙසත් විපක්ෂයට සුදුසුම නායකයාට පත්වීමට ඉඩදෙමින් ලාංකීය දේශපාලනය ප්‍රජාතන්ත්‍රවාදී ප්‍රවාහයට එක්කිරීමට දායකවන ලෙසත් සියළුම පක්ෂ විපක්‍ෂ දේශපාලකයන්ගෙන් ඉල්ලමින්ශ්‍රී ලංකා මහජන පක්ෂයේ ලේකම් අසංක නවරත්න නිවේදනයක් නිකුත් කරමින් පවසයි.
හිටපු ජනාධිපති කාර්ය මණ්ඩල ප්‍රධානී ව සිටි ගාමිණි සෙනරත් හා හිටපු ආරක්ෂක මාණ්ඩලික ප්‍රධානි රොෂාන් ගුණතිලක මහත්වරුන්ගෙන් මූල්‍ය අපරාධ විමර්ශන කොට්ඨාසය ප්‍රකාශ ලබාගෙන ඇති බව පොලිස් මාධ්‍ය ප්‍රකාශක සහකාර පොලිස් අධිකාරි රුවන් ගුණසේකර මහතා පවසයි.
