නෙත් ගුවන් විදුලියට අදහස් දක්වමින් ගල්ලප්ත්ති මහතා වැඩිදුරටත් පවසන්නේ දෙමළ ජාතික සන්ධානයට තරම් පාර්ලිමේන්තු මන්ත‍්‍රී ධුර සංඛ්‍යාවක් කිසිදු විපක්ෂයේ පක්ෂයකට හිමි වී නොමැති බවයි.
ජනතා විමුක්ති පෙරමුණට ද පාර්ලිමේන්තුවේ හිමි වී ඇත්තේ මන්ත‍්‍රී ධුර 6ක් පමණයි. ඒ නිසා විපක්ෂ නායක ධුරය දැරීමට ජනතා විමුක්ති පෙරමුණට ද බාධාවක් ඇතැයි ද ඔහු ප‍්‍රකාශ කළේය.
මේ අතර ශ්රී ලංකා නිදහස් පක්ෂයේ මාධ්‍ය ප්‍රකාෂක ඩිලාන් පෙරෙරා මහතාද 'සත්හඬ' පුවත්පතට අදහස් දක්වමින් පවසන්නේ විපක්ෂ නායකධුරය දෙමළ ජාතික සන්ධානයට දිය යුතු බවට ශ්රී ලනීපය තීන්දුවක් ගත යුතු බවය.
මේ අතර විපක්ෂනායකධුරය සම්බන්ධයෙන් ශ්රී ලනීපයේ තින්දුව ගැනීම බලය ඊයේ ජනාධිපති මෛත්‍රීපාල සිරිසේන මහතාට පවරා තිබිණි. ජනාධිපතිවරයා ගේද බලාපොරොත්තුව දෙමළ ජාතික සන්ධානයට විපක්ෂ නායක ධුරය ලැබීම බව මීට පෙර වාර්තා විය
