මේ වන විට ශ්‍රීලංකා නිදහස් පක්ෂය සමඟ වන ඇයිහොඳැයිය අවසන් කරගෙන සිටින එක්සත් ජනතා නිදහස් සන්ධානයේ සෙසු පක්ෂ වෙනම සන්ධානයක් ගොඩ නඟා එම මැතිවරණය සඳහා ඉදිරිපත් වීමේ සැලසුමක් ක්‍රියාවට නගා ඇති අතර එහි නායකත්වය මහින්ද රාජපක්ෂ මහතාට හිමි වනු ඇති බවත් පැවසේ. විමල් වීරවංශ මහතා එම සන්ධානය ගොඩ නැගීමෙහි මූලිකත්වය ගෙන තිබේ.
පළාත්පාලන ආයතන 335 ක් සඳහා එම ඡන්ද විමසීම සිදුවන අතර ඉන් බහුතරයක බලය අවසන් වරට එකසත් ජනතා නිදහස් සන්ධානයට හිමිව තිබිණි. මේ වන විට එම ආයතන 301 ක පාලන කාලයන් අවසන්ව පවතී.
කෙසේ නමුත් මහින්ද රාජපක්ෂ මහතා සමඟ නැගිටින්න ගිය බහුතරයක් මහජන නියෝජිතයෝ මේ පළාත් පාලන මන්ත්‍රීඑවරු වූහ. මහින්ද රාජපක්ෂ මහතාට වෙනම පක්ෂයක් තනාගෙන ඒ වෙනුවෙන් ඉදිරිපත්වන ලෙස එම මන්ත්‍රීවරුන්ගෙන් දැඩි ඉල්ලීමක්ද ඉදිරිපත්ව ඇත.
