ශ්‍රි ලනීපය දෙකඩ කිරීම සාර්ථකයි. 26ක් රත්නපුර වේදිකාවේ
ශ්‍රි ලනීපය දෙකඩ කරමින් මහින්ද රායජපක්ෂ අගමැති කරවීමේ ව්‍යාපාරය ඊයේ (26) රත්නපුර නාගරික ක්‍රීඩා පිටිය අසල කුලී රථගාලේ පැවැති රැලියට ශ්‍රී ලංකා නිදහස් පක්ෂය නියෝජනය කරමින් පාර්ලිමේන්තු මන්ත්‍රීවරු 26 දෙනෙක් සහභාගි වූහ.
ඇවන්ට්ගාඩ් ලොක්කන්ගේ සියලුම බැංකු ගිණුම් පරික්ෂා කිරීමට අධිකරණ නියෝගයක්
හිටපු ආරක්ෂක ලේකම් ගෝඨාභය රාජපක්ෂ මහතාගේ හා ඇවන්ට්ගාඩ් ආරක්ෂක සමාගමේ අධ්‍යක්ෂ මණ්ඩලයේ සියලූම බැංකු ගිණුම් පරික්ෂා කරන ලෙසට ගාල්ල මහේස්ත්‍රාත් අධිකරණය අද අපරාධ පරීක්ෂණ දෙපාර්තමේන්තුවට නියෝග කර තිබේ.
රාජ්‍ය ආයතන ඉදිරිපිට ව්‍යාපාරික අරමුණු මත රැඳී සිටිමින් ජනතාවගෙන් මුදල් අයකරගන්නා ව්‍යාපාරික සාම විනිසුරුවරුන් වැටලීමට පියවර ගන්නා බව අධිකරණ අමාත්‍යාංශය පවසයි.
ජනාධිපති මෛත්‍රීපාල සිරිසේන මහතා චීනයේ බෙයිජින් නුවරට ළඟා වී තිබේ.
වසරකට දින 83 බැගින් වසර 3 කට ඉන්දීය ධීවරයන්ට මෙරට මුහුදු සීමාවේ මසුන් මැරීමට ඉඩ දීමට ඉන්දු - ලංකා ධීවර සාකච්ඡාවලදී එකඟත්වයක්‌ ඇති වී තිබෙන බව නිව් ඉන්ඩියන් එක්‌ස්‌ප්‍රස්‌ වෙබ් අඩවිය පවසයි.
ජාතික මදුරු මර්දන සතිය අදින් ආරම්භවේ. එය අපේ‍්‍රල් මස පළමු වනදා දක්වා දීප ව්‍යාප්තව කි‍්‍රයාවට නැංවීමට සෞඛ්‍ය අමාත්‍යාංශය පියවර ගෙන ඇත. ජීවිතයට නව නැම්මක් – ඩෙංගු වලට තිතක් යන්න තේමා කර ගනිමින් මෙම වැඩසටහන කි‍්‍රයාත්මකය.
අධිකරණයත් ආණ්ඩුවත් හෑල්ලු කරන්න මරාවාදීන්ගෙන් පෙත්සම්
මෙරට අධිකරණය වත්මන් ආණ්ඩුවේ දේශපාලන වුවමනාවන් වෙනුවෙන් පෙනී සිටින බව පෙන්වීම සඳහා කිසිදු නීතිමය පදනමකින් තොර හේතු තර්ක ඉදිරිපත් කරමින් ශ්‍රේෂ්ඨාධිකරණයට අයිතිවාසිකම් පෙත්සම් ඉදිරිපත් කර පරාජය වන්නට ඉඩ හැරීම සම්බන්ධ මහින්ද රාජපක්ෂ හිතවාදීන්ගේ සැලසුමක් ගැන හෙළිවේ.
යුක්රේනයේ ක්‍රියාත්මක ත්‍රස්තවාදී කණ්ඩායමක් සඳහා රුසියාවේ හිටපු ශ්‍රී ලංකා තානාපතිවරයා අවි ආයුධ සැපයීමේ සිද්ධිය සම්බන්ධයෙන් අන්තර්ජාතික මට්ටමේ පරීක්ෂණයක් පැවැත්වීම සඳහා ඉහළම මට්ටමේ කමිටුවක් පත්කිරීමට රජය තීරණය කරයි. මේ චෝදනාව ඉතා බරපතළ සිද්ධියක් වන අතර විදේශ කටයුතු ඇමැති මංගල සමරවීර මහතා චීන සංචාරය නිමවා ශ්‍රී ලංකාවට පැමිණි විගස අදාළ කමිටුව නම් කරන බව විදේශ කටයුතු නියෝජ්‍ය ඇමැති නීතිඥ අජිත් පී. පෙරේරා මහතා ප්‍රකාශ කරයි.
