මහින්දව ගෙදර යවපු කට්ටියට රනිල්ගෙන් සංග්‍රහයක්(photos)
මහින්ද රාජපක්ෂ රෙජීමයට එරෙහිව දිවි නොතකා කටයුතු කළ එජාප සන්නිවේදන බලකායට අයත් වෙබ් සහ සමාජ ජාල ක්‍රියාකාරිකයින්ට ඊයේ දිනයේදී (31) අරලිය ගහ මන්දිරයට ගෙන්වා අග්‍රාමාත්‍ය රනිල් වික්‍රමසිංහ මහතා තේ පැන් සංග්‍රහයක් ලබා දී තිබේ.
බැදුම්කර ප්‍රශ්නයේදී අවුලක් උනා - හර්ෂ දි සිල්වා(video)
භාණ්ඩාගාර බැඳුම්කර නිකුතුවේදී අවුලක් වී තිබෙන බව ප්‍රතිපත්ති සම්පාදක හා ආර්ථික කටයුතු නියෝජ්‍ය ඇමැති ආචාර්ය හර්ෂ දි සිල්වා මහතා පවසයි. ඊයේ (31) සිරස ඉලක්කය වැඩසටහනට සහභාගී වෙමින් ඔහු මේ බව පැවැසීය.
දෙරණ ලිට්ල් ස්ටාර් දියණියට පොලිස් අධිකාරී කැත වැඩක් කරලා
ගල්කිස්ස පොලීසිය විසින් අත් අඩංගුවට ගන්නා ලද තම පියා සම්බන්ධයෙන් විමසීමට මව සමඟ පොලීසියට ගිය මොහොතේ ඊට පිළිතුරු දීම ප්‍රතික්ෂේප කළ පොලිස් අධිකාරී ඇතුළු පොලිස් නිළධාරීන් විසින් එම දැරිය ලවා ගීත ගායනා කරවාගෙන ඇති බව වාර්තාවේ.
භාරත ලක්ෂ්මන් ප්‍රේමචන්ද්‍ර ඝාතනයේ සැකකරුවන් 11 දෙනකුට අද (01)කොළඹ මහාධිකරණයේ දී චෝදනා පත්‍ර භාර දෙනු ලැබීය.
හිටපු ගුවන් හමුදාපතිවරයෙකු වන එයාර් චීෆ් මාර්ෂල් ඩොනල්ඞ් පෙරේරාගෙන් මූල්‍ය අපරාධ විමර්ෂණ කොට්ඨාශය මේ වනවිට ප්‍රශ්න කරමින් පවතී.
19 වන ව්‍යවස්ථා සංශෝධනය සම්බන්ධයෙන් ශ්‍රේෂ්ඨාධිකරණයට ගොනුකර ඇති පෙත්සම් අද (01) සිට විභාගයට ගැනේ. ඊට අවශ්‍ය අර්ථ නිරූපන ලබාදීම සඳහා ශ්‍රේෂ්ඨාධිකරණය ත්‍රිපුද්ගල විනිසුරු මඩුල්ලක් ද ඊයේ නම් කරණු ලැබීය. අගවිනිසුරු කේ. ශ්‍රීපවන්, සහ ශ්‍රේෂ්ඨාධිකරණ විනිසුරුවරුන් වන චන්ද්‍රා ඒකනායක මෙන්ම ප්‍රියසාද් ඩෙප් එහි සාමාජිකයන්.
ඉකුත් ජනාධිපතිවරණ සමයේදී ඡන්ද අල්ලස් ලෙස සිල් රෙදි ඇතුළු විවිධ ද්‍රව්‍යය බෙදා හරිමින් මහජන මුදල් අයථා පරිහරණය කළ පුද්ගලයන්ට එරෙහිව නීතිමය පියවර ගන්නැයි ඉල්ලා ගොනු කළ පෙත්සමෙහි වගඋත්තරකාර හිටපු ජනාධිපති ලේකම් ලලිත් වීරතුංග මහතා ඇතුළු පිරිසකට එම පෙත්සම පිළිබඳ නොතිසි නිකුත් කරන ලෙස ශ්‍රේෂ්ඨාධිකරණය ඊයේ (31) නියෝග කෙළේය.
