19 වැනි ආණ්ඩුක්‍රම ව්යවස්ථා සංශෝධනය විවාදය අද (27) ආරම්භ වූයේය. ජනාධිපති මෛත්‍රීපාල සිරිසේන මහතා අදාල පනත 10.11ට පාර්ලිමේන්තුවට ඉදිරිපත් කෙළේය. එහිදී ඔහු පැවසුවේ මෙම පනත ඉදිරිපත් කිරීමට ලැබීම ඓතිහාසික වරප්‍රසාදයක් බවයි.
යුදමය කාලසීමාවේ සිදුවූ අතුරුදන්වීම් පිළිබඳව සොයාබැලීම සඳහා පත්කළ ජනපති කොමිසමට සාක්ෂි දුන් පුද්ගලයින්ගෙන් 60%කට ආසන් ප්‍රමාණයක් එල්.ටී.ටී.ඊ, සංවිධානය අදාළ අතුරුදන්වීම් සඳහා වගකිව යුතු බවට සඳහන් කර ඇතැයි කොමිසන් සභාවේ සභාපති ලෙස කටයුතු කළ විශ්‍රාමගත් විනිසුරු මැක්ස්වෙල් පරණගම මහතා කියයි.
19 වැනි ව්යවස්ථා සංශෝධන කෙටුම්පත සම්මත කෙරෙන තුරු සිදුකෙරෙන අඛණ්‌ඩ සත්‍යග්‍රහය සදහා වන පාගමන මේ වන විට පාර්ලිමේන්තු වට රවුමේ පොළිස් මාර්ග බාධකය ඉවත්කරමින් ඉදිරියට ගමන්කරමින් සිටී.
ප්‍රවීණ රංගන ශිල්පී දයා අල්විස් මහතා අද(27) පෙරවරුවේ ශ්‍රි ජයවර්ධනපුර ශික්ෂණ රෝහලේ දී අභාවප්‍රාප්ත වී ඇත.
තඹ කන්ටේනර් නිදහස්‌ කරන්න නි. ඇමැති කළ බලපෑම් රේගුව බල්ලට දමයි
රුපියල් මිලියන සියයක රේගූ බදු වංචාවක්‌ හේතුවෙන් රේගුව විසින් රඳවාගෙන සිටින පුද්ගලික සමාගමකට අයත් තඹ කන්ටේනර් දෙකක්‌ නිදහස්‌ කරන ලෙස ඉල්ලමින් නියෝජ්‍ය ඇමැති සුජිව සේනාසිංහ විසින් ශ්‍රීලංකා රේගුව වෙත බලපෑම් කර මාධ්‍ය වාර්තා පලවී ඇත. එහෙත් රේගුව එම බලපෑම් නොසලකා හැර අදාල පරීක්ෂණ කටයුතු සිදුකරමින් පවතින බවද වර්තාවේ.
ජනපති හා පරාජිත ජනපති අතර සාකච්ඡාව ඉදිරි දින කිහිපය තුළදී
වත්මන් ජනාධිපති මෛත්‍රීපාල සිරිසේන මහතා සහ පරාජිත ජනාධිපති මහින්ද රාජපක්ෂ අතර සාකච්ඡවක් ඉදිරි දින කිහිපය තුළදී පැවැත්වීමට දෙපාර්ශ්වය තීරණය කර ඇතැයි වාර්තාවේ. පසුගිය 25 වන දිනද මෙලෙස සාකච්ඡාවක් සඳහා මහින්ද රාජපක්ෂට ආරාධනා කළ ද ඔහුට අධික වැඩ ඇතැයි කියමින් ඒ මඟ හැරියේය.
දහ නව වැනි සංශෝධනය පිළිබඳ විවාදය අද (27) සහ හෙට (28) පාර්ලිමේන්තුවේදී පැවැත්වේ.
අද රටේ විදේශ ඇමැතිවරයාවූවට වඩා මංගල කෙරෙහි අපගේ ගෞරවයක් එදා සිටම තිබිණි. ඒ ප්‍රතිපත්තිගරුක දේශපාලකයකු ලෙස ඔබ මේ දේශපාලන බිමේ තවමත් රැඳී සිටීමය. ඔබ ප්‍රාජතන්ත්‍රවාදියකු ලෙස අචලව නොබියව පෙනී සිටීමත් ඒ වෙනුවෙන් සටන් කිරීමත් නිසා මේ බිමෙන් ඒකාධිපති රාජපක්ෂ රෙජීමය පලවා හැරීමට හැකි විය. ඒ සටනේ ප්‍රධාන සෙන්පතියා වූයේ මංගල ඔබය. ඒ ගැන කිසිවකුට වාද කළ නොහැක.
