අවුරුදු 26 කට පසුව ඉංග්‍රීසි භාෂාවෙන් කරන ලද අත්සනක් සහිතව ආන්දෝලනයකකට තුඩු දුන් නව මහ බැංකු අධිපතිවරයාගේ අත්සනින් යුතුව අලුත් මුදල් නෝට්‍ටු නිකුත් කර ඇත.

කුමන ආකාරයේ සාකච්ඡා පැවැතියද දූෂිතයන් ආරක්‍ෂා කිරීමට අවස්ථා ලබා නොදෙන බව අමාත්‍ය අර්ජුන රණතුංග මහතා පවසයි. වේයන්ගොඩ ප්‍රදේශයේ පැවැති උත්සවයකට එක්වෙමින් රණතුංග මහතා එම අදහස් පළ කළේය.

සුනාමි නිවාස ඉදිකිරීම සඳහා ඉකුත් රජය සමයේ පිහිටුවා තිබූ රාඩා ආයතනයේ ප්‍රධාන මෙහෙයුම් නිලධාරී ලෙස කටයුතු කළ සාලිය වික්‍රමසූරිය මහතා පොලිසිය විසින් අත්අඩංගුවට ගෙන තිබේ.

රාජපක්ෂ යුගයේදී ඛනිජ තෙල් සංස්ථාව බිලියන 238.85 ක පාඩුවක් ලබා ඇති බව විදුලිබල හා බලශක්ති අමාත්‍යාංශ ආරංචි මාර්ග හෙළි කරයි.

දිඹුලාගල දලුකාන ආදිවාසී නායක හන්ද්‍රගේ අමරසිංහ ඇත්තෝ රෝගාතුර වීමත් සමග එම නායකත්වය ප්‍රදේශයේ වෙනත් අයකු විසින් බලහත්කාරයෙන් පවරාගෙන ක්‍රියා කිරීමෙන් තම ආදිවාසී ජනතාවට මහත් අසාධාරණයක් වී ඇති බව ඥාතීහු පවසති.

දලුකාන, ගිනිදමන, කුඩාවැව, බෝඅත්, මිල්ලාන, යක්තුරේ, ඇල්‍ලේවැව ඇතුළු ගම්මාන රැසකට ආදිවාසී නායකත්වය මතෛක් කලක් ලබා දුන්නේ හන්ද්‍රගේ අමරසිංහ ඇත්තෝ බව ද ඔහුගේ සහෝදර හන්ද්‍රගේ සුදුබණ්ඩා මහතා පැවසීය.

ආණ්ඩුව හැම විට ම කටයුතු කරමින් සිටින්නේ ජනතාවට ලබා දුන් පොරොන්දු ඉටුකිරීමට වන අතර ඒ වෙනුවෙන් ආණ්ඩුව ගන්නා තීන්දු තීරණ ක්‍රියාත්මක කිරීමට බාධා මතු කරන නිලධාරීන්ට එරෙහිව විමර්ශන පැවැත්වීමට සිදුවන බව මුදල් ඇමති රවී කරුණානායක ඊයේ(08) අමාත්‍යංශයේ පැවැති මාධ්‍ය හමුවක දී කියා සිටියේය.

විල්පත්තු අභය භුමියේ සිදුවන වන විනාශය නවතන ලෙස ඉල්ලමින් අද(09) පාර්ලිමේන්තු වට රවුම  අසලදී සාමකාමී උද්ඝෝෂණයක් පැවැත් වුණි.

සියළු පළාත් පලාන ආයතන මේ මස 15 වනදා විසුරුවා හැරිමට තීරණය කර ඇති බව අමාත්‍ය ජෝන් අමරතුංග මහතා පවසයි. අමාත්‍යවරයා මේ බව ප්‍රකාශ කළේ අඩු ආදායම් ලාභි පවුල් වල සිසු දරුදැරියන්ට පොත් ලබාදිම සදහා වත්තල පැවති උත්සවයකට එක්වෙමින්ය.