එහිදී අගමැති ධුරය භාර ගන්නවාද යන ප්‍රශ්නයට පිළිතුරු දෙමින් ඒ මහතා කියා සිටියේ මේ ගමන යා හැක්කේ තනි තනිව නොව සාමුහිකව බවය. තනි ගමනක් යාම මහින්ද රාජපක්ෂ මෙන් ආඥාදායකත්වයට මග පාදන බවත් තමා ආඥාදායකයෙක් නොව ප්‍රජාතන්ත්‍රවාදියෙක් බවත් ප්‍රේමදාස මහතා පැවසුවේය.
ජනාධිපති සිරිසේන පසුගිය නොවැම්බර් 05 වනදා ප්‍රකාශ කර සිටියේ තමන්ගේ කුමන්ත්‍රණකාරී සැලසුමට අනුව අගමැතිධුරය බාර ගැනීමට සජිත් ප්‍රේමදාසට ආරාධනා කළ නමුත් ඔහු එය ප්‍රතික්ෂේප කළ බවය. ව්‍යස්ථාමය අර්බුධය හමුවේ පාර්ලිමේන්තුව විසුරුවා හැර තිබිය්දී එජාපය තීන්දු කර තිබුණේ එළඹෙන මහ මැතිවරණයේ අගමැති අපේක්ෂකයා ලෙස සජිත් ප්‍රේමදාසව ඉදිරිපත් කළ යුතු බවය. එහිදි එම යෝජනාව සියලු දෙනාගේ පිළිගැනිමට ලක්ව තිබුණත් සජිත් ප්‍රේමදාස පවසා තිබුනේ රනිල් වික්‍රමසිංහගේ නායකත්වය උපදෙස් සහයෝගය ලැබිය යුතු බවත් එය ලැබෙනවා නම් තමන් එය බාර ගන්නා බවත්ය.
