ඡන්ද අපේක්ෂකයන්ට කාන්තාවන් වැදගත් ඡන්ද ගොඩ වැඩි කර ගැනීමට පමණයි-හේමමාලි අබේරත්න
සියලු දේශපාලන පක්ෂවල දේශපාලන වුවමනාවන් වෙනුවෙන් මේ රටේ දුක්විඳින කාන්තාවන් පාවිච්චි කරමින් සිටීම කණගාටුදායක තත්වයක් බවත් අපේක්ෂකයන් බොහෝ දෙනෙකුගේ කල්පනාව වී අැත්තේ තමන්ගේ ඡන්ද ගොඩ වැඩි කර ගන්න මේ රටේ කාන්තාවන් වැදගත් බවයි. ඒ නිසා මේ රටේ කාන්තාවන්ගේ ප‍්‍රශ්නෙට අපිට තමයි උත්තරය තියෙන්නේ කියමින් ඔවුන් වහසි බස් දොඩන බව නිදහස උදෙසා කාන්තා ව්‍යාපාරයේ හේමමාලි අබේරත්න පැවසුවාය. අැය මේ අදහස් දැක්වූයේ පසුගියදා පැවති පෙරටුගාමී සමාජවාදී පක්ෂයේ මහරගම රැලිය අමතමින්ය.
මහින්ද රාජපක්ෂ පාලන කාලයට වඩා මෛත්‍රීපාල රජය බලයට පත්වීමෙන් පසු කාලය තුල මානව හිමිකම් ක්ෂේත්‍රයේ වර්ධනයක් සිදුව ඇතැයි ඇමරිකානු වාර්තාවක් පෙන්වා දෙයි. ඇමරිකානු විදේශ කටයුතු අමාත්‍යංශයේ 2015 වර්ෂයේ මධ්‍යම කමිටු වාර්තාවට අනුව මානවහිමිකම් ක්ෂේත්‍රය සම්බන්ධව ඉදිරි පියවරයන් සහ ප්‍රජාතන්ත්‍රවාදය තහවුරු කිරීම සඳහා ව්‍යවස්ථාමය ක්ෂේත්‍රයේ ප්‍රතිසංසකරණ ක්‍රියාත්මක කර ඇතිබව සඳහන් වේ.
මහින්දගේ ආරක්ෂාව අඩු නොකළොත් අනෙක් අපේක්ෂකයින්ට අසාධාරණයි - පෙත්සම් දෙකක්
පාර්ලිමේන්තු මැතිවරණයට ඉදිරිපත්ව සිටින හිටපු ජනාධිපති මහින්ද රාජපක්ෂ මහතාගේ ආරක්ෂාව අඩු කිරීමේ නියෝගයක් නිකුත් කරන ලෙස ඉල්ලා ශ්‍රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් කර තිබේ.
අනුරාධපුරයේ දී අද (17) පැවැත්වෙන සන්ධානයේ මංගල මැතිවරණ රැළියට තමා සහභාගී නොවන බව ඇමැති දුමින්ද දිසානායක මහතා කියයි.
මහින්දගේ ඡන්ද වැඩට රජයේ වාහන 21 ක්. තව හෙලිකොප්ටරයකුත් ඉල්ලලා
මහින්ද රාජපක්ෂ මහතාට හිටපු ජනාධිපතිවරයා ලෙස රජයෙන් ලබා දී තිබෙන වාහන 21 ක් ඔහුගේ මැතිවරන ප්‍රචාරක කටයුතු වෙනුවෙන් යොදා ගනිමින් සිටී. මෙම වාහන සඳහා ඉන්ධන ලබා දිමට රජයේ වියදමින් ලැබෙන අතර ඔහුගේ ආරක්ෂාවට යොදවා තිබෙන පොලිස් නිළධාරීන් 104 හා හමුදා නිළධාරීන් 105 දෙනාද මේවන විට මැතිවරණ කටයුතු සඳහා යොදවා ඇත. මීට අමතරව තවත් ආරක්ෂක නිළධාරීන් 85 දෙනෙකු ද තමාට අවශ්‍ය බව රාජපක්ෂ මහතා රජයෙන් ඉල්ලිමක් කර ඇත.
හිටපු ජනාධිපති මහින්ද රාජපක්ෂ මහතා යනු හොරු සමඟ ජීවත් වන නායකයෙකු බවත් මෙවරත් හොර නඩයක් පිරිවරා ගෙන මැතිවරණයට පැමිණ අැති බව අර්ජුන රණතුංග මහතා ප්‍රකාශ කළේය.ඔහු මේ බව පැවසුවේ ඊයේ (16) මහර පැවැත්වුණු උත්සවයක් අමතමිනි.
දේශපාලන පක්ෂ වල අර්බුද තිබුණත්, පසුගිය මැතිවරණයේදි මෙන් ෆේස්බුක් ප්‍රෝඩාවට යට නොවී ඡන්ද භාවිත කරන්නැයි හිටපු විපක්ෂ නායක නිමල් සිරිපාලද සිල්වා පැවැසීය. ඊයේ (16දා) බදුල්ල නිදහස් පක්ෂ කාර්යාලයේ පැවැති තරුණ හමුව අමතමින් ඔහු එම අදහස් දැක්වීය.
ජාතීන් සහ ආගම් නියෝජනය කරන පක්ෂ තහනම් කරන්න-ඉනාමළුවේ ශී‍්‍ර සුමංගල හිමි
ජාතීන් සහ ආගම් නියෝජනය කරන සියලූ දේශපාලන පක්ෂ තහනම් කරන්නේනම් ඒ හරහා ජාතික සංහිදියාව ගොඩනැගිය හැකි බව රංගිරි දඹුලූ රජමහා විහාරාධිපති පූජ්‍ය ඉනාමළුවේ ශී‍්‍ර සුමංගල හිමියන් පවසයි.
