මැතිවරණ (විශේෂ විධිවිධාන) පනත නමින් නව පනතක් සකස් කිරීමට අවශ්‍ය කෙටුම්පත සැකසීම සඳහා අමාත්‍ය මණ්ඩල අනුමැතිය හිමි වී තිබේ.
හමුදාවන් අති නවීන තාක්ෂණයෙන් සහ හැකියාවන්ගෙන් සන්නද්ධ කිරීම අත්‍යාවශ්‍යයි
මෙරට සන්නද්ධ හමුදාවන් අති නවීන තාක්ෂණයෙන් සහ හැකියාවන්ගෙන් සන්නද්ධ කිරීම අත්‍යාවශ්‍ය බව ආරක්‍ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් පවසයි. එමෙන්ම ශ්‍රී ලංකාව සහ ඉන්දියාව අතර විශිෂ්ට ද්විපාර්ශ්වික සබඳතාවල දිගුවක් ලෙස ආරක්‍ෂක ක්ෂේත්‍රයේ සහයෝගීතාව වසර ගණනාවක් පුරා අඛණ්ඩව වර්ධනය වෙමින් ශක්තිමත්වී ඇති බවත් පසුගිය දශකය තුළ ඉන්දීය ආරක්‍ෂක නිෂ්පාදන අංශයේ දියුණුවට සමගාමීව ඉන්දියාවෙන් දෘඩාංග මිලදී ගැනීම දෙරට අතර සහයෝගීතාවයට නව මානයක් එක් කළ බවත් පසුගිය බදාදා (ජුනි 07) කොළඹ ටාජ් සමුද්‍රා හෝටලයේ දී පැවති ඉන්දීය ආරක්‍ෂක අපනයන ප්‍රවර්ධන සම්මන්ත්‍රණය සහ ප්‍රදර්ශනයට සහභාගී වෙමින් ආරක්‍ෂක රාජ්‍ය අමාත්‍ය වරයා පැවසීය.
IMF ණය ලබාගැනීම වරදක් නෑ..ආවා නම් පක්ෂව ඡන්දය දෙනවා - මෛත්‍රීපාල
වත්මන් ආණ්ඩුව ජාත්‍යන්තර මූල්‍ය අරමුදල හරහා මුදල් ලබාගැනීම පිළිබඳ කිසිදු වරදක් නොමැති බවත් අද දිනයේ පාර්ලිමේන්තුවට පැමිණියේනම් ජාත්‍යන්තර මූල්‍ය අරමුදලේ ණය ලබාගැනීම පිළිබඳ ඡන්ද විමසීමට තමා පක්ෂව ඡන්දය ප්‍රකාශ කරන බවත් ශ්‍රීලනිප සභාපති මෛත්‍රීපාල සිරිසේන පැවසීය. ඔහු මේ බව සඳහන් කළේ අද(28) පොළොන්නරුවේදී මාධ්‍ය වෙත අදහස් පළ කරමිනි.
මැතිවරණ නාම යෝජනා දුන් රාජ්‍ය සේවකයින්ට වැටුප් ගෙවන්න - මෛත්‍රී ඉල්ලයි
මැතිවරණය කල්යාම හේතුවෙන් අපහසුතාවයට පත්ව ඇති අපේක්ෂක රාජ්‍ය සේවකයින් මුහුණ දී ඇති ගැටළුව විසඳුමක් ලබා දෙන්නයි ශ්‍රී ලංකා නිදහස් පක්ෂ සභාපති මෛත්‍රීපාල සිරිසේන, ජනාධිපති රනිල් වික්‍රමසිංහට ලිපියක් යොමු කර තිබේ.
හුටා ! විශ්ව විද්‍යාල ආචාර්යවරුන් පවුලේ වියදමත් රජයෙන් ඉල්ලයි.
විශ්ව විද්‍යාල ආචාර්ය සමිති සම්මේලනයේ විසින් පසුගියදා උසස් අධ්‍යාපන අමාත්‍යාංශයට එවා තිබු වහා ඉටුකළ යුතු වෘත්තීය ඉල්ලීම් කිහිපය තුළ ආචාර්යවරුන්ට හිමිවන පශ්චාත් උපාධි පාඨමාලා හැදෑරීම වෙනුවෙන් අචාර්යවරයකු විදේශගත වන විට ආචාර්ය වරයා සමඟ පවුලේ සාමාජිකයන්ට විදේශගත වීමට හැකි වන සේ රජයේ වියදමින් ගුවන් ටිකට්පත් ලබාදිය යුතුය යන ඉල්ලිමක් ඉදිරිපත්ව තිබේ.
හොර ලියැවිලි තනා ඩ්‍රෝන කැමරාවක් පාවිච්චි කළ සිරස සේවකයෙක් අත්අඩංගුවට.
පසුගිය පෙබරවාරී 12 වන දින කොළඹ විහාර මහා දේවි උදයානයේ පැවැති සිරස රූපවාහිනී ප්‍රසංගයකට මුවා වී ජනාධිපතිවරයාගේ පෞද්ගලික නිවස අවට ප්‍රදේශ සහ අධි ආරක්ෂිත ප්‍රදේශ ඩ්‍රොන කැමරාවක් උපයෝගි කරගෙන විඩියෝ ගත කිරීම සම්බන්ධයෙන් ඇතිවූ සැකය මත සිරස ආයතනය විසින් ඩ්‍රෝන කැමරාවක් පාවිච්චි කිරීම සඳහා නිත්‍යනුකූල අවසරයක් ලබා ගෙන තිබුණේද යන්න ගැන පරික්ෂා කිරීමේදී ව්‍යාජ ලියකියවිලි තනා ඩ්‍රොන කැමරාවක් පාවිච්චි කර ඇති බව පොලිසිය අනාවරණය කරගෙන ඇත.
රටේ ශක්තිමත් ආර්ථිකයක් ගොඩනැගීමට නිවැරදි සැලැස්මක් තිබිය යුතු බව ත් වත්මන් ආණ්ඩුව ගෙන යන ආර්ථික වැඩපිළිවෙළ නිසා පසුගිය මාස කිහිපය තුළ පැවති ආර්ථික දුෂ්කරතා තරමක් අඩු වී ඇති බව ත් ජනාධිපති රනිල් වික්‍රමසිංහ පවසයි.
ආර්ථිකය යළි ප්‍රකෘත්මත්වීමත් සමග ලබන වසරේ දී තම ඡන්දය භාවිත කර, රටේ සිදුකළ යුතු වෙනස්කම් සහ තමන්ට අවශ්‍ය අනාගතය නිර්මාණය කරගැනීමට අවැසි පසුබිම ජනතාවට සකස් වනු ඇති බවත් රජය ප්‍රමුඛතාව ලබාදී ඇත්තේ රටේ වැටී ඇති ආර්ථිකය ප්‍රකෘතිමත් කිරීම සඳහා බවත්, එමෙන්ම රට අරාජිකත්වයට පත්වීමට ඉඩ නොතබා නීතිය හා සාමය ආරක්ෂා කරන බවත් ජනාධිපති රනිල් වික්‍රමසිංහ මහතා අවධාරණය කරයි.
