විලියම් කුමරුගේ සහ කේම්බ්‍රිජ්හි ආර්යාව වන කේට් කුමරියගේ පුත් ජොර්ජ් කුමරුන්ගේ ඡායාරූප ගන්නා පැපරාසියකුට එරෙහිව එම යුවලගේ නීතිවේදීන් අනතුරු ඇඟවීමක් කර තිබේ.

තම පුත් කුමරා සාමාන්‍ය දරුවෙකු සේ ජීවත් වීමට ඉඩ සලසන ලෙසද රාජකීය යුවල ඉල්ලා ඇතැයිද එම නීතිවේදීහු පවසා සිටිති.

එම නීතිවේදීන් පවසා ඇත්තේ, කුමරුන්ගේ ඡායාරූප ගැනීම නතර නොකළහොත් ඔහුට එරෙහිව නීතිමය පියවර ගන්නා බවයි.

ඉන්දීය අග‍්‍රාමාත්‍ය නරේන්ද්‍ර මෝදි 5 දින ඇමරිකානු සංචාරය සඳහා සූදානම් කර තිබූ අමතර ගුවන් යානයෙන් අත්බෝම්බයක් හමුවී ඇත. 

හොං කොං දූපතේ බීජිං හිතවාදී නායකත්වය චීන ජාතික දිනය සමරන අවස්ථාවේ එහි පැවැත්වෙන ප්‍රජාතන්ත්‍ර හිතවාදී උද්ඝෝෂණ නගරයේ වෙනත් කොටස් වලටද පැතිර ගොස් තිබේ.

එබෝලා වෛරසය හේතුවෙන් දරුවන් 3,700කට තම දෙමවුපියන් දෙදෙනාම හෝ එක් අයෙකු අහිමි වී ඇති බව එක්සත් ජාතීන්ගේ සංවිධානය පවසයි.

එළඹෙන නොවැම්බර් මාසය වනවිට එබෝලා වැළඳෙන පුද්ගලයින්ගේ සංඛ්‍යාව තුන් ගුණයකින් ඉහළ යා හැකි බවට ලෝක සෞඛ්‍ය සංවිධානය අනතුරු අඟවයි.