නේපාලයට සිදුවූ භූ කම්පනයෙන් මිලියන අටක පමණ ජනතාවක් විපතට පත්ව ඇතැයි එකසත් ජාතීන්ගේ සංවිධානය පවසයි. මේ අතර භූ කම්පනයෙන් නේපාලය තුල මියගිය සංඛ්‍යාව හාරදහසද ඉක්මවා තිබේ. එකසත් ජාතීන්ගේ සංවිධානය අනාවරණය කරන පරිදි මිලියනයක් පමණ ජනතාවක් ආහාර සහ සෞඛ්‍ය පහසුකම් නොමැති කමින් පීඩා විඳියි.
නේපාලයේ සිදු වූ භූමිකම්පාවෙන් මේවනවිට 3218ක් පමණ ජීවිතක්ෂයට පත්ව ඇති බව වාර්තා වේ. කත්මණ්ඩු නුවර ආසන්න ප්‍රදේශයක ඊයේ රාත්‍රීයේත් තවත් පසුකම්පනයක් සිදුව තිබේ. මුලින්ම සිදුවු භූ කම්පනයේ ප්රබලත්වය රික්ටර් ඒකක 7.9ක් ලෙස සටහන් විය. එතැන් සිට මේ දක්වා සිදුව ඇති මුළු පසුකම්පන සංඛ්‍යාව 40කට ආසන්නයි.
නේපාලයේ අද දහවල් ප්රබල භූ කම්පනයක් ඇතිව තිබේ. එහි ප්රබලත්වය රිකටර් මාපාංක ඒකක 7.9ක් ලෙස සටහන්ව ඇත.
පාකිස්තාන මානව හිමිකම් කි‍්‍රයාකාරිනියක් වෙඩි තබා ඝාතනය කරයි
පාකිස්තානයේ ප්රධාන පෙළේ මානව හිමිකම් කි‍්‍රයාකාරිනියක වූ සබීන් මෙහෙමුඩ් ඊයේ(24) කරච්චි නුවරදී වෙඩි තබා ඝාතනය කර තිබේ. බලූකිස්තාන් ප‍්‍රදේශයේ දේශනයක් පවත්වා ආපසු යමින් සිටියදී නාඳුනන තුවක්කුකරුවෙකු විසින් මෙම වෙඩි තැබීම සිදු කර ඇත.
නීතිවිරෝධී සංක්‍රමණවලට එරෙහි යුරෝපා සංගමයෙන් නව සැලසුමක්
මධ්‍යදරණී මුහුද ඔස්සේ සිදුවන නීතිවිරෝධී සංක්‍රමණ වැළැක්වීම සදහා නව වැඩසටහනක් දියත් කිරීමට යුරෝපා නායකයින් තීරණය කර තිබෙනවා. ඒ අනුව නීතිවිරෝධී සංක්‍රමණික බෝට්ටු සම්බන්ධයෙන් සිදුකරන මෙහෙයුම් දැඩි කිරීමටයි ඔවුන් එකගතාව පළකර ඇත.
හවුති කැරළිකරුවන්ට එරෙහි සෞදි ගුවන් ප්රහාර නැවතත්
සෞදි අරාබියේ මූලිකත්වයෙන් යේමනයේ හවුති කැරලිකරුවන් ඉලක්ක කරගෙන සිදුවන ගුවන් ප්රහාර නවත්වන බවට ප්‍රකාශ වී පැය කිහිපයකට පසුව එරට තෙවැනි ප්රධාන නගරය වන ටායිස් හි ප්‍රදේශ කිහිපයකට බෝම්බ ප්රහාර එල්ල වී තිබේ.
යේමනයේ හවුති කැරලිකරුවන්ට එරෙහිව සෞදි අරාබිය දියත් කල ගුවන් ප්රහාර නතර කර තිබේ. ඒ යේමනයේ අර්බුදය විසඳීමට ඉරානය විසින් ගෙන ඒමට නියමිත දේශපාලන විසඳුමක් හේතුවෙනි.
ද්විපාර්ශ්වික සබඳතා ශක්තිමත් කර ගැනීමේ අරමුණින් චීන ජනපති ෂී ජින්පින් සිය පාකිස්තාන නිල සංචාරය අරඹා තිබේ.
