ඇමරිකානු ජනාධිපති බැරක් ඔබාමාගේ බිරිඳ වන මිචෙල් ඔබාමා දින දෙකක සංචාරයක් සඳහා එංගලන්තයට ගොස් තිබේ. මෙම සංචාරයේ අරමුණ වන්නේ ලෝකයේ විවිධ රටවල් වල ගැහැණු දරුවන්ගේ අධ්‍යාපනය වෙනුවෙන් මිචෙල් ඔබාමා ගන යන වැඩපිළිවෙලේ අංගයක් ලෙස එංගලන්තයේ ගම්බද පාසල්වල සංචාරය කිරීමයි.
මිචෙල් ඔබාමා සමඟ ඇගේ දූවරුන් දෙදෙනා සහ මවද එංගලන්තයට පැමිණ තිබේ. මෙම සංචාරයේදී මිචෙල් ඔබාම හැරී කුමරු සහ බ්‍රිතාන්‍ය අගමැති ඩේවිඩ් කැමරන් හමුවීමට නියමිතයි.
ගැහැණු ළමුන්ගේ සෞඛ්‍ය, ආර්ථික පදනම සහ ස්වාධීනත්වය ඉහළ නැංවීමට කටයුතු කිරීම මිචෙල් ඔබාමාගේ අරමුණයි. සෑම ගැහැණු දරුවෙකුම ලෝකයේ කොතැනක ජීවත් වුවත් ඇගේ සිතේ පවතින අපේක්ෂා වැඩි දියුණු කර ගැනීමට අයිතිය ඇති බව මිචෙල් ඔබාමා පවසයි.
