බ්ලොග් යන වදන බිඳී ආවේ වෙබ්ලොග් යන්නෙනි. 1990 තරම් මෑත කාලයකට අයත් ඉතිහාසයක් ඇති බ්ලොග් ලිවීමට දැන් වයස 25කි. බ්ලොග් යන, අන්තර්ජාලයට මුදා හරින තනි පුද්ගලයකු හෝ කණ්ඩායමක් ලෙස පවත්වාගෙන යන වෙබ් අඩවි වර්ගයක් ලෙස සරලව කිව හැකිය. එමෙන්ම එය වියුණු සටහන් ලෙස සිංහලෙන් වර නැඟිය හැකිය. පුද්ගලික සහ පොදු අදහස්, එදිනෙදා පුවත්, සේයාරූ, වීඩියෝ, ශ්‍රවණ ගොනු මෙන්ම වෙබ් සබැඳි බ්ලොග් අඩවි තුළ ඇතුළත් කළ හැකිය. වර්තමානයේ යුනිකෝඩ් භාවිත කර සිංහලෙන් ලියන බ්ලොග් අඩවි ද රාශියකි.
එක වර්ගයේ කුරුල්ලෝ එක අත්තේ වසති - රංජිත් හේනායකආරච්චි
මහින්ද රාජපක්ෂ පසුගිය වකවානුවේ තම ගෝල බාලයින් බැහැ දැකීමට හිර ගෙදරින් හිරගෙදරට යමින් සිටී. ඔහුගේ හොඳම ගෝලයෙකු වූ සරණ ගුණවර්ධන බැලීමට ඔහු මහර හිරගෙදරට ගිය බවත් ඉන්පසුව ඔහු මහින්ද කහදගම බැලීමට වැලිකඩගිය බවත් සඳහන්ව තිබුනි. ඉදිරියේදී මහින්ද රාජපක්ෂට තම ගෝලබාලයින් බැහැදැකීමට දිනකට දිවයින පුරා ඇති බන්ධනාගාර සියල්ලටම යාමට සිදුවේවා යන්න අපේ පැතුමයි.
නිදහස සහ ප්‍රජාතන්ත්‍රවාදය: වසර 67ක්, දින 67ක් සහ සාක්‍ෂි හතරක්
හැට හත් වැනි නිදහස් සමරුව ඉක්ම ගොස් දැන් මාසයකි. අලුත් ආණ්ඩුවේ පොරොන්දු පෙළ ගැස් වූ දින 100න් හරි අඩක් ගෙවී අවසන් වෙන්නටත් කලින් මහින්ද රාජපක්ෂ පෙරටු කොටගත් ‘ජාතිය ගළවාගැනීමේ සරණාගත සන්ධාන’ යළිත් ආණ්ඩු බලය පිහිටුවීමේ තර්ජනය නුගේගොඩට බලමුළු ගැන් වූ මහා ජනකායකින් ප්‍රදර්ශනය කළහ.
ජවිපෙ සන්නද්ධ කැරැල්ල පරාජයට පත්වීම සිංහල බෞද්ධ ජාතිකවාදී ව්‍යාපෘතියේ දැවැන්ත පරාජයක් - නිර්මාල් රංජිත් දේවසිරි
මෙරට විසූ ප්‍රකට සමාජ විද්‍යාඥයකු මෙන් ම රැඩිකල් වාම මතධාරියකු වූ ආචාර්ය නිව්ටන් ගුණසිංහ මහතාගේ 26 වන ගුණානුස්මරණය පසුගිය 16 වන දින (2015 මාර්තු) කොළඹ විශ්වවිද්‍යාලයේ සමාජවිදයා පීඨ ශ්‍රවණාගාරයේ දී පැවැතිවිණි. එහි මුඛ්‍ය දේශනය පැවැත්වුයේ එම විශ්වවිද්‍යාලයේ ම ආචාර්යවරයකු වන ආචාර්ය නිර්මාල් රංජිත් දේවසිරි මහතා විසිනි. එය නම් කොට තිබුණේ ‘‘දෘෂ්ටිවාදය සහ දේශපාලනය 1983 න් පසු ලංකාව තේරුම් ගැනීමට බුද්ධිමය වෑයමක්’’ යනුවෙනි.
තම වරද නොදකින්නේ ආත්ම ශක්තියක් නැති දුර්වලයන්ය - රංජිත් හේනායකආරච්චි
වරෙක කෙදිරියක් ලෙසත්, වරෙක ආඩපාලී කීමක් ලෙසත්, වරෙක සමච්චලයක් ලෙසත්, වරෙක චෝදනාවක් ලෙසත් හිටපු ජනාධිපති මහින්ද රාජපක්ෂගේ හඬ වරින් වර ජනමාධ්‍ය තුලින් අසන්නට සහ දකින්නට ලැබේ. ඔහුගේ සෑම ප්‍රකාශයකම ඇති හඬ කුමක් වුවත් එයින් ගම්‍ය වන්නේ චෝදනාවක් ලෙසින් මතුකරන තමන් අත වරදක් නැතුව අන්අයගේ කුමන්ත්‍රණයක් තුලින් තමන්ව බලයෙන් පහකරනු ලැබූ බවයි. ජනාධිපතිවරණය පරාජයෙන් පසු ඔහු මුලින්ම ජනේලයක එල්ලී කියා සිටින්නේ තමන් පැරදුනේ නැති බවකි.
වාර්ගික පටලැවිල්ල ගැන නැවත සිතා බැලීමක් - ඉසේත් හුසේන්
මහින්ද රාජපක්ෂගේ මැතිවරණ පරාජය අපේ රටේ ප්‍රජාතන්ත්‍රවාදයේ යම් තිරිහන් වීමක් පෙන්නුම් කෙරෙතැ යි පොදුවේ විශ්වාස කෙරේ. එහෙත් එය ප්‍රජාතන්ත්‍රවාදයේ අවසාන වූත්, තීරණාත්මක වූත් ජයග්‍රහණයක් වන බව ඉන් නොකියැවේ. නුගේගොඩ සහ ඉන් අනතුරුව මහනුවර පවත්වන ලද රාජපක්ෂවාදී විශාල මහජන රැළිවලින් පෙනෙන්නේ, ශ්‍රී ලංකාවේ වර්ගවාදී නව-ෆැසිස්ට්වාදය කෙරෙහි එක දිගටම පවතින ආකර්ෂණයයි.
වත්මන් ආණ්ඩුව හමුවේ ඇති ප්‍රධාන අභියෝගයක් බව පෙනෙන්නේ ආණ්ඩුව පදනම් වූ මතවාදය තුළ තමන්ට අනුමැතිය දුන් ජනයා තවදුරටත් රඳවා තබා ගැනීමය. රාජපක්ෂ ආණ්ඩුව මේ කාරණයේදී තම ජනයා රඳවා තබා ගැනීමේ මතවාදය ලෙස ජාතිවාදය පාවිච්චි කළේය.
වත්මන් ආණ්ඩුව ජනතාවට කියා සිටි ප්‍රධානතම කරුණක්‌ වූයේ යහපාලනයක්‌ ඇති කරන බවයි: වංචාව හා දූෂණය පිටුදකින බවයි. එහෙත් ඉතාම කෙටි කලක්‌ තුළම මේ ආණ්ඩුවේ යහපාලනය බරපතළ ප්‍රශ්න කිරීමකට ලක්‌ කෙරෙන සිදුවීම් රැසක්‌ දැනටමත් සිදුව තිබේ. ඒවා මාධ්‍ය හරහා වාර්තා වීද තිබේ. මේ අප සාකච්ඡා කිරීමට සූදානම් වන්නේ වත්මන් ආණ්ඩුවේ යහපාලන කිරි කළයට විශාල ගොම තලියක්‌ එක්‌ කළ තවත් සිදුවීමක්‌ ගැනය.
