අනුර යාපා කැඳවූ ශ‍්‍රිලනිප මධ්‍ය කාරක සභා හමුව ජනපති අවලංගු කරයි.
අද රාත‍්‍රී 08.00 කොලඹ පදනම් ආයතනයේ කැඳවා තිබූ ශ්රීලනිප මධ්‍යම කාරක සභා හමුව පක්‍ෂ සභාපති ජනාධිපති මෛත්රීපාල සිරිසේන මහතා විසින් අවලංගු කර ඇති බව වාර්තාවේ.
එම පක්‍ෂ මහ ලේකම් අනුර ප්‍රියදර්ශන යාපා මහතා විසින් මෙම විශේෂ හමුව කැඳවා තිබුනේ ඊයේ දිනයේ ජනාධිපතිවරයා විසින් කරන ලද ප‍්‍රකාශයක් සම්බන්ධයෙන් තීරණයක් ගත යුතු බවට ශ්රීලනිප මධ්‍යම කාරක සභිකයන්ගෙන් ලද ඉල්ලීම මතයි.
හිටපු ජනපති මහින්ද රාජපක්ෂ මහතා මෙවර මැතිවරණයෙන් අග්‍රාමාත්‍ය ධූරයට පත් කිරීමට ආශිර්වාද ඉල්ලා හිටපු ජනපති ආර්යා ශිරන්ති රාජපක්ෂ මහත්මිය රංවල දෙවියන්ට පූජාවක් පවත්වා තිබේ.
ශ්‍රී ලංකා නිදහස් පක්ෂයේ නායක ජනාධිපති මෛත්රීපාල සිරිසේන මහතා ඊයේ (14) සිදු කළ ආන්දෝලනාත්මක ප්‍රකාශය පිළිබඳව බලවත් සේ කළ කිරීමට පත් ශ්‍රී ලංකා නිදහස් පක්ෂය නියෝජනය කරනු ලබන ඇමතිවරු හා හිටපු මන්ත්‍රීවරුන් කිහිපදෙනෙකු අද (15) ඉල්ලා අස්වීමට තීරණය කර තිබේ.
ජනපති මෛත්රීපාල සිරිසේන මහතා ඊයේ (14) සිදුකළ විශේෂ ප්‍රකාශය නිසා එජනිසයේ බොහෝ දෙනෙක් නොසන්සුන්තාවකට පත්ව ඇති බව වාර්තාවේ.මෙම ප්‍රකාශය නිසා ගැඹුරු දේශපාලන ප්‍රශ්න හා සැකසංකා මතුවන බව ශ්‍රීලනිපයේ මාධ්‍ය ප්‍රකාශක ඩිලාන් පෙරේරා මහතා ප්‍රකාශ කළේය.
නීති උල්ලංඝනය කරමින් දේශපාලනඥයින් ප්‍රදර්ශනය කරන කටවුට් සහ පෝස්ටර් බැනර් ආදිය ඉවත් කිරීම සදහා ජනතාවගේ මුදල් රුපියල් කෝටි හතකට අධික මුදලක් වැය කිරීමට සිදු වී ඇති බව පොලිසිය පවසයි.
කබ්රාල් ,ලංකා ඉතිහාසයේ ලොකුම හොරකම බැඳුම්කර වංචාව නොවේ, රත්තරන් හොරකමයි
මහ බැංකුවේ භාණ්‌ඩාගාර බැඳුම්කර වංචාව ලංකා ඉතිහාසයේ මෙතෙක්‌ සිදුවූ විශාලතම හොරකම බවත් ඒ පිටුපස සිටින මහ මොළකරු ඇතුළු වගකිව යුත්තන්ට, කෙතරම් ඉහළ තනතුරුවල සිටින අය වුවත් දඬුවම් කළ යුතුව ඇති බවත් ශ්‍රී ලංකා මහ බැංකුවේ හිටපු අධිපති අජිත් නිවාඩ් කබ්රාල් මහතා ඊයේ (14 දා) කොළඹ පැවැති ප්‍රවෘත්ති සාකච්ඡාවකදී කීවේය.
ජනාධිපතිවරණ ප්‍රචාරක රැලියක සැරසිලි කරමින් සිටි එ.ජා.ප. ආධාරකරුවෙකුට වෙඩි තබා ඝාතනය කිරීම ගැන සැකපිට රක්ෂිත බන්ධනාගාරගත කර සිටින හිටපු නියෝජ්‍ය ඇමති ප්‍රේමලාල් ජයසේකර මහතා ඇතුළු සැකකරුවන් හය දෙනා ලබන 28 තෙක් රිමාන්ඩ්ගත කිරීමට පැල්මඬුල්ල මහේස්ත්‍රාත් දිනේෂ් ලක්මාල් පෙරේරා මහතා නියම කෙළේය.
