මේවන විට ශ්‍රී ලංකාවට පැමිණ සිටින ඇමරිකා එක්සත් ජනපද රාජ්‍ය දෙපාර්තමේන්තුවේ දකුණු හා මධ්‍යම ආසියානු කටයුතු පිළිබඳ සහකාර රාජ්‍ය ලේකම් නිශා බිස්වාල් සහ ප්‍රජාතන්ත්‍රවාදය, මානව හිමිකම් හා කම්කරු කටයුතු පිළිබඳ එක්සත් ජනපද රාජ්‍ය දෙපාර්තමේන්තුවේ සහකාර ලේකම් ටොම් මැලිනොව්ස්කි සහ අමරිකානු තානාපති අතුල් කෂප් යන මහත්ම මහත්මින්ව, අතුරුදන් කරවූ මාධ්‍යවේදී ප්‍රගීත් එක්නැලිගොඩ මහතාගේ බිරිඳ වන සන්ධ්‍යා එක්නැලිගොඩ මහත්මිය අද දින මුණ ගැහුණාය.

සම්මුතික අණ්ඩුවේ නව කැබිනට් මණ්ඩලය හෙට දින ජනාධිපති මෛත්‍රීපාල සිරිසේන මහතා ඉදිරියේ දිවුරුම් දීමට මේ වන විට සියලු කටයුතු සූදානම් කර තිබේ.

හිටපු ජනාධිපති මහින්ද රාජපක්ෂ මහතා ඇතුළු රාජපක්ෂ සොයුරන්ගේ පියා වූ අභාවප්‍රාප්ත ඩී.ඒ. රාජපක්ෂ මහතා සහ එම මැතිනියගේ සොහොන් කොත් නවීකරණය කිරීම සඳහා වීරකැටිය යෝජනා ක්‍රමය නමින් ඉඩම් ගොඩකිරීමේ සහ සංවර්ධනය කිරීමේ සංස්ථාවෙන් යොදවා ඇති රුපියල් කෝටි හයක පමණ මුදල ආපසු ගෙවීමට ඩී.ඒ. රාජපක්ෂ පදනම ඉදිරිපත් වී තිබේ.

අභිරහස් ලෙස අතුරුදන්ව සිටි මාධ්‍යවේදී ප්‍රගීත් එක්නැලිගොඩ මහතා සැලසුම් සහගත ලෙස පැහැර ගැනීමකට ලක්ව ඉන් අනතුරුව ඝාතනයට ලක්වී ඇතැයි සැක කළ හැකි තොරතුරු රැසක් හෙළිකර ගැනීමට රහස් පොලිසියට හැකි වී තිබේ.

ශ්‍රී ලංකා නිදහස් පක්ෂයේ ජේෂ්ඨ නායකයන් එජාපය හා වන සම්මුති ආණ්ඩුවේ ප්‍රබල ඇමැතිකම් බලාපොරොත්තුවෙන් සිටියද ඒ නොලැබී යන තත්වයන් හමුවේ ඔවුන් බරපතල අර්බූදයකට මුහුණා පා සිටින බව වාර්තාවේ.

ජාතික හෙල උරුමය නමින් මීට පෙර තිබූ පක්ෂය නම වෙනස් කිරීමෙන් පසුවද නැවත කුඩා කණ්ඩායම් වලට බෙදී වෙන්වී ඇති බව වාර්තාවේ. මහ මැතිවරණය සඳහා නාමයෝජනා ලබා දීමට ආසන්නව තිබියදී හෙළ උරුමය සිය නාමය 'යහපාලනය සඳහා වූ එක්සත් ජාතික පෙරමුණ' ලෙස නම වෙනස් කළේය.

මානව හිමිකම් උල්ලංඝනය කිරීම් සම්බන්ධයෙන් එල්ල වී ඇති චෝදනා විභාග කිරීම සඳහා පැවැත්වීමට යන දේශීය පරීක්ෂණයේ යන්ත්‍රණය පිළිබඳව රජය විසින් එක්සත් ජනපදය දැනුවත් කරනු ලැබ තිබේ.

ශ්‍රී ලංකා නිදහස පක්ෂය දෙකඩ වන බවත් එහි මහින්ද පාර්ශ්වය නියෝජනය කළ පිරිස ආණ්ඩුවට එරෙහිව යන බවටත් ප්‍රචාරය කෙරෙමින් පවතින කතාවල කිසිදු සත්‍ය තාවයක් නොමැති බව හෙළිවේ.