අක්කර 100 ක ගොවීන් 50 කගේ දායකත්වයෙන් මෙම වගා ව්‍යාපෘතිය ක්‍රියාත්මක වන්නේ එක් ගොවියෙකුට රුපියල් ලක්ෂ 7ක අධාර, අවශ්‍ය පැළ, බිංදු ජල පද්ධති ,බිම සකස් කර දීම ,තාක්ෂණික උපදෙස් ,සියල්ල රජය සපයන බවයි අමාත්‍යවරයා පවසන්නේ.

කෘෂිකර්ම නවීකරණ ව්‍යාපෘතිය (ASMP) මේ සඳහා අවශ්‍ය ප්‍රතිපාදන හා මෙහෙයවීම සිදු කරන්නේ.අක්කර භාගයක වගාවකින් සතියකට රුපියල් 80,000 -100000 ක් අතර ආදායමක් ලැබෙන බව මෙම වගාවේ නිරත ගොවීන් අමාත්‍යවරයා සමඟ ප්‍රකාශ කර තිබේ.

දේශීය වෙළඳපොළ තුළත් ,අපනයන වෙළඳපොළ තුළත් පැෂන් සඳහා ඉහළ ඉල්ලුමක් පවතිනවා.මොණරාගල දිස්ත්‍රික්කයේ වැල්ලවාය ප්‍රදේශයේ ද අක්කර 200 ක පැෂන් වගාවක් මේ ආකාරයෙන්ම සිදු කරනවා.
පසුගිය මාසයේ අමාත්‍යවරයා එයද නිරීක්ෂණය කර තිබේ. එහිදී අමාත්‍යවරයා පවසා ඇත්තේ වගා කළ හැකි සියලු දේ මෙරට තුළ වගා කරමින් ,දේශීය කෘෂිකර්මය ගොඩනගමින් , නිෂ්පාදන ආර්ථිකයක් ගොඩනැගීමේ වැඩපිළිවෙල මෙලෙස එකින්එක රජය ඉටු කරමින් සිටින බවයි.

-පංචාලි අබේසේකර