යුද හමුදාපති ශවේන්ද්‍ර සිල්වා නව ආරක්ෂක මාණ්ඩලික ප්‍රධානි ලෙස ලබන ජුනි මස පළවනදා වැඩ භාරගැනීමට නියමිත බව යුද හමුදාව ප්‍රකාශ කළා. යුද හමුදාපති ශවේන්ද්‍ර සිල්වා මේ වනවිට වැඩබලන ආරක්ෂක මාණ්ඩලික ප්‍රධානියා ලෙසයි කටයුතු කරන්නේ.
අයියාමලෝලා රටේ ආර්ථකය සමඟ කළ මාරාන්තික සෙල්ලම කෝප් කමිටුවේ දී දිග හැරේ
වත්මන් ආර්ථික අර්බුදය දක්වා සිය වගකීම් පැහැර හරින ලද නිලධාරීන් ඇතුළු සියලු දෙනා සම්බන්ධව පරීක්ෂණය කිරීම සදහා පාර්ලිමේන්තු විශේෂ කාරක සභාවක් පත්කිරීමට කෝප් කමිටුව අද නිර්දේශ කර තිබේ. ඊයේ දිනයේදී ද මහ බැංකු අධිපතිවරයා විසින් හෙළිදරව් කර තිබුණේ රාජ්‍ය ආදායම් සම්බන්ධයෙන් වැරදි තොරතුරු අයවැය වාර්ථාවට ඇතුළත් කිරීම නිසා රට ණය උගුලක සිරවූ බවය.
රාජ්‍ය ප්‍රතිපත්තිමය තීරණවලට පටු දේශපාලන පක්ෂ භේද එපා.
වත්මන් අසීරු ආර්ථික තත්වය තුළ පවතින සැබෑ යථාර්ථය නොසගවා ජනතාවට පවසා දීර්ඝකාලීන ආර්ථික ස්ථාවරය සදහා ගනු ලබන ප්‍රතිපත්තිමය තීරණ සදහා පටු දේශපාලන වාසි නොතකා පක්ෂ භේදයකින් තොරව සහයෝගය ලබා දෙන ලෙස ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා රජයේ මුදල් පිළිබඳ පාර්ලිමේන්තු කාරක සභාවේදී අද පවසා තිබිණි.
රැකියා සඳහා විදෙස්ගතවීම තුන් ගුණයකින් ඉහළට. රටට ඩොලර් ආවොත් ගොඩ.
මේ වසරේ මුල් පහ තුළ මේ දක්වා විදේශ රැකියා සඳහා පමණක් පුද්ගලයන් 105821 දෙනකු පිටත්ව ගොස් ඇති බව ශ්‍රී ලංකා විදේශ නියුක්ති කාර්යාංශය සඳහන් කරයි.
හෙට දිනයේ 21 වන සංශෝධනය කැබිනට් මණ්ඩලයට ඉදිරිපත් කළහොත් එය අනුමත නොකර සිටින ලෙස පොදුජන පෙරමුණ ජනාධිපතිවරයාට බලපෑම් කර තිබෙන බව වාර්තා වේ.ඒ අනුව මෙම පනත් කෙටුම්පත හෙට දිනයේදී කැබිනට් මණ්ඩලය අනුමත නොකෙරෙනු ඇති බව දැනගැනීමට ඇත.
ඉදිරියේදී සම්පූර්ණ කෙරෙන නව ආණ්ඩුවේ කැබිනට් මණ්ඩලයේ අමාත්‍යවරුන්ට අමාත්‍ය වැටුප් ලබා නොදීමට තීරණය කර ඇති බව අග්‍රාමාත්‍ය රනිල් වික්‍රමසිංහ මහතා පවසයි.
ප්‍රචණ්ඩත්වය වැපුරූ, අනුබල දුන් සියළු දෙනා අත් අඩංගුවට !
සාමකාමී උද්ඝෝෂකයින් සිටි 'මයිනා ගෝ ගමට’ සහ ගෝඨා ගෝ ගමට’ පහර දීමේ සිද්ධීන් වලට සම්බන්ධ හිටපු ඇමතිවරු ඇතුළු 22 දෙදෙනකු වහාම අත්අංඩගුවට ගෙන අධිකරණයට ඉදිරිපත් කරන ලෙස නීතීපතිවරයා පොලිස්පතිවරයාට සහ රහස් පොලිසිය බාර ජ්‍යෙෂ්ඨ නියෝජ්‍ය පොලිස්පතිවරයාට අද ලිඛිතව උපදෙස් දී ඇත.
