ඉදිරියේ දි ඇතිවිය හැකි ආහාර අර්බුදයට විසදුමක් ලෙස බස්නාහිර පළාතේ මෙතෙක් ප්‍රයෝජනයට නොගත් ඉඩම් වගා කිරිමට යයි. ඒ සදහා මාස තුනක ඒකාබද්ධ වැඩසටහනක් රජය විසින් ආරම්භ කර ඇත.
මේ යටතේ බස්නාහිර පළාතේ ගෙවතු 34,000 ක් පළාත් සභාවට අයත් මෙතෙක් ප්‍රයෝජනයට නොගත් සියලු ඉඩම් හා පුරන් කුඹුරු අස්වැද්දවීමේ වැඩසටහන් ක්‍රියාත්මක කිරිමට නාගරික සංවර්ධන හා නිවාස ඇමති ප්‍රසන්න රණතුංග මහතාගේ ප්‍රධානත්වයෙන් පැවති විශේෂ රැස්වීමක දී තීරණය කෙරිණි. මෙම රැස්වීම පැවැත්වුණේ ජනාධිපති ගෝඨාභය රාජපක්ෂ මහතාගේ හා අගමැති රනිල් වික්‍රමසිංහ මහතාගේ විශේෂ උපදෙස් පරිදිය.
බස්නාහිර පළාතේ ගෙවතු 34,000 ක් වගා කිරිමේ ව්‍යාපෘතිය සදහා බීජ හා පොහොර ලබාදීමට කඩිනමින් පියවර ගන්නා ලෙස ද ඇමතිවරයා මෙහි දි බළධාරින්ට උපදෙස් දුන්නේය. මෙම ගෙවතු වගා වැඩසටහන පළාත පුරා විසිරී සිටින කෘෂිකර්ම උපදේශකවරුන් මගින් ක්‍රියාත්මක කෙරේ. ඒ අනුව එක් කෘෂිකර්ම උපදේශකවරයෙකු යටතේ ගෙවතු 300 ක් වගා කෙරේ.
බස්නාහිර පළාත් සභාවට අයත් සියලුම රාජ්‍ය ආයතන මගින් ද විශේෂ වගා වැඩසටහන් ක්‍රියාත්මක කිරිමට මෙහි දි තීරණය කෙරිණ. ඒ අනුව කෙටිකාලීන බෝග මෙම රාජ්‍ය ආයතන සතු ඉඩම්වල වගා කිරිමට නියමිතයි. පළාතේ සියලුම ආගමික සිද්ධස්ථාන ආශ්‍රිතව ද මෙම වගා ව්‍යාපෘතිය ක්‍රියාත්මක කෙරේ.
පළාත් ග්‍රාම සංවර්ධන අංශය හා පළාත් ඉඩම් දෙපාර්තුමේන්තුව සතු රජයේ ඉඩම් හා ජනපද ආශ්‍රිතව ද මෙම වගා වැඩසටහන් ක්‍රියාත්මක කිරිමට මෙහි දි තීරණය කෙරිණි. බස්නාහිර පළාත් පුරන් කුඹුරු අස්වැද්දවීමේ වැඩසටහන යළි ආරම්භ කෙරේ. ඒ සදහා හදුනාගත් පුරන් කුඹුරු ආශ්‍රිත ප්‍රදේශවල ඇළවේලි ප්‍රතිසංස්කරණය කිරිමට ද මෙහි දී තීරණය කෙරිණ.
බස්නාහිර පළාත් කෘෂිකර්ම අමාත්‍යාංශ නිළධාරින් මෙහි දි කියා සිටියේ මාස තුන හමාරකින් අස්වනු ලැබෙන වී මෙම කුඹුරු ආශ්‍රිතව වගා කළ හැකි බවයි. ඒ සදහා කඩිනම් පියවර ගන්නා ලෙස ඇමතිවරයා මෙහිදි උපදෙස් දුන්නේය.
බස්නාහිර පළාතේ සත්ව නිෂ්පාදන ඉහළ නැංවීම සදහා ඉදිරි මාස 03 ක කාලය තූළ විශේෂ අවධානය යොමු කිරීමට ද සාකච්ඡාවේ දි තිරණය කෙරිණ. ඒ අනුව කිකිළි පැටවුන් 15,000 ක් අඩු ආදායම්ලාභීන්ට ලබා දීමට පියවර ගැනේ. පළාතේ බිත්තර නිෂ්පාදන ඉහළ නැංවීම මෙහි අරමුණයි.
නාගරික ප්‍රදේශවල අවශ්‍යතාව හදුනාගෙන මෙම ව්‍යාපෘතිය ක්‍රියාත්මක කරන ලෙස ඇමති ප්‍රසන්න රණතුංග මහතා බස්නාහිර පළාත් සභා නිළධාරින්ට මෙහි ද උපදෙස් දුන්නේය. බස්නාහිර පළාතේ මෙම ව්‍යපෘතිය ක්‍රියාත්මක කිරිම සදහා විශේෂ මෙහෙයුම් කමිටු 03 ක් ද ක්‍රියාත්මකයි.
කෙසේවෙතත් ඉදිරියේදී ඇති විය හැකි ආහාර අර්බුදයට මේ හරහා පිළියම් සෙවිය හැකිය. එවිට එය අර්බුදයක් කරා ගමන් නොකරනුද ඇත..
-මහේෂි
අගමැති රනිල් වික්‍රමසිංහ අද දින (07) පාර්ලිමේන්තුව හමුවේ සිදු කළ විශේෂ ප්‍රකාශය
අපිත් අපේ රටත් මුහුණ දෙන තත්වය ඔබ හැමදෙනාම හොඳින් අවබෝධ කරගෙන ඇති බව මම හිතනවා. මේ තත්ත්වයෙන් යළිත් රට නඟාසිටුවීමට සාම්ප්‍රදායික ක්‍රමවලින් බැහැරව අලුත් මාර්ග හොයාගන්න වෙනවා . සම්ප්‍රදායික දේශපාලන මතවාද කෙටි කාලෙකට පසෙක තියා, රට ගොඩනැගීම සඳහා සාමූහික උත්සාහයක් දැරිය යුතු වෙනවා. මුළු රටේම ජනතාව ඒ උත්සාහය කොටස්කරුවන් විය යුතුයි. රට වෙනුවෙන් අපි හැමෝටම කාර්යභාරයක් පැවරෙනවා.
ළදරු වලිප්පුකාරයන්ගේ අරගල නිසා සංචාරක කර්මාන්තයත් කඩා වැටෙයි !
කොවිඩ් 19 වසංගත තත්වය පහව යාමෙන් පසුව සංචාරක කර්මාන්තයේ යම් ප්‍රබෝධයක් ඇති වී ගෙන ආ නමුදු පසුගිය මාර්තු මාසයේ සිට මෙරට ආර්ථික සහ දේශපාලනික වියවුල් බව නිසා මෙරටට සංචාරකයන් පැමිණිම සීග්‍ර ලෙස අඩුවී තිබෙන බව ශ්‍රී ලංකා සංචාරක සංවර්ධන අධිකාරියේ (SLTDA) තාවකාලික දත්ත මඟින් හෙළිව තිබේ.
21 වෙනි සංශෝධනයට තමන් පූර්ණ සහයෝගය දක්වන බව චම්පික රණවක ඇතුළු කණ්ඩායමේ සංවිධානයක් වන '43 සේනාංකය' පවසයි.
ආහාර හිඟයක් ඇතිවීමේ තර්ජනය හමුවේ කෘෂිකර්ම දෙපාර්තමේන්තු නිලධාරීන් එක්ව ආහාර සුරක්ෂිතතා වැඩසටහනක් සම්පාදනය කරමින් සිටින බව අග්‍රාමාත්‍ය රනිල් වික්‍රමසිංහ මහතා පවසයි.
කෘෂි රසායන තහනම ඉවත් කර මාස 6 යි. තවම බඩු ගේන්න සූදානමක් නෑ
මෙයට මාස 7 කට පෙර, 2021 නොවැම්බර් මස කෘෂි රසායන ද්‍රව්‍ය ආයනය තහනම ඉවත් කරනු ලැබූ නමුත්, අද දක්වා වගාව රැක ගැනීමට අවශ්‍ය කෘෂි රසායන මෙරටට ලැබී නැත්තේ කෘෂිකර්ම බලධාරීන් මහ බැංකුවෙන් අදාල මුදල් ලබා ගැනීමට ක්‍රියා නොකිරීම නිසා බව හිටපු ආණ්ඩුකාර රජිත් කීර්ති තෙන්නකෝන් පවසයි.
ඩොලර් තිබිලත් බෙහෙත් ගෙනත් නෑ .. මරු සෞඛ්‍ය ඇමතිවරු
අගමැති මහින්ද රාජපක්ෂ සහ එම කැබිනට් මණ්ඩලය පවතින කාල සීමාවේදී මෙරට බරපතල ඖෂධ හිඟයක් ඇති වන බවට අනතුරු හැඟවීම් තිබියදීත් ඒ සඳහා අවශ්‍ය තරමට ඩොලර් තිබියදීත් කලට වේලාවට ඖෂධ ගෙන්වීමට කටයුතු කර නැති බව කෝප් සභාව හමුවේදී හෙළිව තිබේ.
දුමින්දව අත්අඩංගුවට ගන්න CID යට නියෝග. හිරුණිකා සටන ජයගනී
හිටපු පාර්ලිමේන්තු මන්ත්‍රී දුමින්ද සිල්වා වහා ම අත්අඩංගුවට ගන්නා ලෙසට අපරාධ පරීක්ෂණ දෙපාර්තමේන්තුවට ශ්‍රේෂ්ඨාධිකරණය අද (මැයි 31) නියෝග කර තිබේ.
