ජනාධිපතිවරයා පවසා සිටියේ මෙම කටයුතු සඳහා ගොවිජන සංවර්ධන දෙපාර්තමේන්තුවට රුපියල් කෝටි 250ක මුදලක් වෙන් කර සිටි බවත්ය.
ඒ අනුව දිවයිනේ 566ක් වන සියලුම ගොවිජන සංවර්ධන මධ්‍යස්ථාන ගොවි ජනතාවට තාක්ෂණික පහසුකම් සලසන කේන්ද්‍රස්ථාන බවට පත් කිරීම සඳහා වහා පියවර ගන්නැයි කෘෂිකර්ම හා වැවිලි කර්මාන්ත අමාත්‍ය මහින්ද අමරවීර ඊයේ (14) කෘෂිකර්ම අමාත්‍යාංශයේ දී පැවැති සාකච්ඡාවක් අමතමින් ගොවිජන සංවර්ධන දෙපාර්තමේන්තුවේ කොමසාරිස් ජනරාල් එච්. එම්. ඒ. එල්. අබේරත්න වෙත උපදෙස් ලබා දුන්නේය.
කෘෂිකාර්මික කටයුතුවල දී අධික ලෙස ඉහළ යන වියදම ගොවි ජනතාවට ගැටලුවක් බැවින් එම වියදම් පාලනය සදහා සෑම ගොවි ජන මධ්‍යස්ථානයම යාන්ත්‍රික ඒකකයක් බැගින් පිහිටුවීමටත්, බිම් සකස් කිරීම සදහා අවශ්‍ය වන බහුකාර්ය ට්‍රැක්ටර් රථවල සේවාවන් සහන මිලකට ලබා දීම සම්බන්ධව වැඩපිළිවෙලක් මෙහි දී සාකච්ඡා විය.
එමෙන්ම වැඩි දියුණු කරන ලද බහුකාර්ය ට්‍රැක්ටර් රථ ගොවිජන සේවා මධ්‍යස්ථානවලට ලබා දීම මගින් බිම් සකස් කිරීම පමණක් නොව කෘෂිකර්මාන්තයේ දී අවශ්‍ය වන සියලු කටයුතු සඳහා යොදා ගත හැකි බව මෙහිදී අවධාරණය වී ඇත.
කෙසේ වෙතත් මෙහි අරමුණ වී ඇත්තේ බහුකාර්ය ට්‍රැක්ටර් රථ සේවාවන් ගොවි ජන සේවා මධ්‍යස්ථාන මගින් පහසු මිලක් යටතේ ගොවි ජනතාවට ලබා දීමය.
RS
