එහි වගඋත්තරකරුවන් ලෙස රාජ්‍ය ඇමතිනී ඩයනා ගමගේ  ඇතුළු පිරිසක් නම් කර ඇති අතර සමාජ ක්‍රියාකාරිකයෙකු වන ඔෂල හේරත් යන තැනැත්නා විසින් මෙම අභියාචනා පෙත්සම ශ්‍රේෂ්ඨාධිකරණය හමුවේ ගොනුකර ඇති බව ද වාර්තාවේ.

රාජ්‍ය ඇමතිනී ඩයනා ගමගේ බ්‍රිතාන්‍ය පුරවැසිභාවය හිමි තැනැත්තියක් බැවින් ඇයට මෙරට පාර්ලිමේන්තු මන්ත්‍රී ධුරයක් දැරීමට සුදුසුකම් නොමැති බවට තීන්දුවක් ලබාදෙන ලෙස ඉල්ලා තමා අභියාචනාධිකරණය හමුවේ පෙත්සමක් ගොනුකළ බව පෙත්සම්කරු විසින් පවසා ඇත.

එහි තීන්දුව ප්‍රකාශයට පත් කළ ත්‍රිපුද්ගල අභියාචනාධිකරණ විනිසුරු මඩුල්ලේ බහුතර විනිසුරුවරු එය ඉකුත් දා නිෂ්ප්‍රභ කිරීමට තීන්දු කළ බව පෙත්සම්කරු කියා සිටි අතර එම තීන්දුව සම්පූර්ණයෙන්ම නීතියට පටහැනි බව පෙත්සම්කරු පවසයි.

කෙසේ වෙතත් පෙත්සම්කරු අධිකරණයෙන් ඉල්ලා සිටින්නේ ඩයනා ගමගේ මෙරට පාර්ලිමේන්තුවේ මන්ත්‍රීවරියක් ලෙස  පත්වීමට සුදුසු නැති බවයි.