සෞඛ්‍ය වෘත්තීය සමිති 72 ක සාමාජිකයින් අද (01)උදෑසන 6.30 සිට පැය 4 ක් සංකේත වැඩවර්ජනයක නිරතවීමට තීරණය කර තිබේ.

ජනපති රනිල් වික්‍රමසිංහගේ ජයග්‍රහණය වෙනුවෙන් සන්ධානගත වීමට පොදුජන පෙරමුණ, ශ්‍රී ලංකා නිදහස් පක්ෂය ඇතුළු තවත් පක්ෂ ගණනාවක් එකඟතාවයකට පැමිණ අවසන් බව එක්සත් ජාතික පක්ෂයේ මහලේකම් පාලිත රංගේ බණ්ඩාර පවසයි.

ලංකා ඛනිජ තෙල් නීතිගත සංස්ථාව විසින් අද (31) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කර තිබේ.

2024 මාර්තු 01 සිට 27 දක්වා කාලපරිච්ඡේදය තුළ දී විදෙස් සංචාරකයින් 181,872 ක් ශ්‍රී ලංකාවට පැමිණ ඇති බව ශ්‍රී ලංකා සංචාරක සංවර්ධන අධිකාරිය සිය නවතම සංඛ්‍යාලේඛන නිකුත් කරමින් සඳහන් කරයි.

චීනයේ සයිනොපෙක් සමාගම විසින් හම්බන්තොට ඉදිකිරීමට නියමිත ඉන්ධන පිරිපහදුවේ ආයෝජනයට එකඟ වූ ඩොලර් බිලියන 4.5 දෙගුණ කර ඩොලර් බිලියන 9ක ආයෝජන සිදු කිරීමට එම සමාගම කැමැත්ත පළ කර ඇතැයි විදුලිබල හා බලශක්ති අමාත්‍යාංශය පවසයි.

අග්‍රාමාත්‍ය දිනේෂ් ගුණවර්ධන, සය දින නිල සංචාරයකට චීනයට ගියේ චීන ආණ්ඩුවෙන් ලැබුණු ආරාධනාවක් අනුවය. ඉරිදා (24) එහි ගිය අගමැතිවරයා, චීන ජනාධිපති ෂී ජින්පින්, අග්‍රාමාත්‍ය ලී චියැං සහ ජ්‍යෙෂ්ඨ අමාත්‍යවරු රැසක් හමුවූහ. එරට කථානායකවරයාද දිනේෂ්ව හමුවිය.දෙරට අතර ගිවිසුම් 9ක් අත්සන් තැබුවේද ඒ අතරතුරය. චීන කොමියුනිස්ට් පක්ෂයේ, ජාතික මහජන කොංග්‍රසයේ සභාපති Zhao Leiji ද මුණගැසී සාකච්ඡා කළ දිනේෂ්, බිජිං හි ටියන්මෑන් චතුරස්‍රයට පැමිණ දිවිපිදූ රණවිරුවන්ට, රණවිරු ස්මාරකයේදී පුෂ්පෝපහාර දැක්විය. ඔහු පළමුවෙන් ම කළේ එරට ශ්‍රී ලංකා තානාපති කාර්යාලයේදී, ශ්‍රී ලාංකේය වෘත්තිකයන් හමුවීමය.

රාජපක්ෂලා පස් දෙනෙක් නැවත පාර්ලිමේන්තුවට යවනවාද නැතිනම් ඉදිරි දශකය සඳහා රට ස්ථාවර කිරීම සඳහා ජුනි මාසය වන විට අපේ ණය හිමියෝ එක්ක කතා කරලා අපේ විදේශ ණය ප්‍රතිව්‍යුහගත කිරීම කරනවාද යන්න ජනාධිපති රනිල් වික්‍රමසිංහ තීරණයක් ගත යුතු බව පාර්ලිමේනතු මන්ත්‍රී මන්ත්‍රී පාඨලී චම්පික රණවක මාධ්‍යවේදීන් අමතමින් පවසයි.

මෙම වසරේ පළමුව පැවැත්වෙන්නේ ජනාධිපතිවරණයක්ද මහ මැතිවරණයක්ද යන්න සම්බන්ධයෙන් සංවාදයක් මතුව තිබුණත්, රටේ ස්ථාවරත්වයක් වෙනුවෙන් පළමුව ජනාධිපතිවරණයක් පැවැත්විය යුතු බව තම ස්ථාවරය බව හිටපු මුදල් අමාත්‍ය එක්සත් ජාතික පක්ෂයේ කොළඹ දිස්ත්‍රික් නායක රවී කරුණානායක මහතා පවසයි.