දඹුල්ල විශේෂිත ආර්ථික වෙළඳ මධ්‍යස්ථානයේ ගොව් සංවිධානයේ හිටපු සභාපති, දඹුල්ල නාගරික මන්ත්‍රී කුඩා බණ්ඩා දිසානායක මහතා විසින් වන අලි උවදුරට පිළියමක් වශයෙන් වන අලින් හීලෑ කර විකිණීම හෝ ආගමික සිද්ධස්ථානවලට හෝ පුද්ගලයන්ට භාර දීම කළ යුතු බවට රජයට යෝජනාවක් කර ඇති බව වාර්තා වේ.

විදුලි ගාස්තු සංශෝධනයට අදාළව කොමිසමේ අවසන් තීරණය මේ මස 14 වන අඟහරුවාදා ප්‍රකාශය කිරීමට නියමිත බව මහජන උපයෝගීතා කොමිසම පවසයි.

කොළඹ නගරයේ මාර්ගවල වර්ණ සංඥා පද්ධතිවලින් සියයට හැත්තෑවක්ම දෝෂ සහිත වීම හේතුවෙන් කොළඹ රථවාහන තදබදය උග්‍ර වී තිබෙන බවට හෙළි වී තිබේ.

රෝගීන්ගේ බෙහෙත් තුණ්ඩුව ලියවිය යුතු ආකාරය ගැන ජාතික ඖෂධ නියාමන අධිකාරිය පැහැදිලිව කියා තිබුණද, එම නිර්දේශ නොතකා වෛද්‍යවරුන් අපැහැදිලි අත්අකුරින් ඖෂධ වර්ග ලියන බව රජයේඖෂධවේදීන්ගේ සංගමයේ සභාපති අජිත් පී. තිලකරත්න පවසයි.

නැගෙනහිර, ඌව, මධ්‍යම පළාත්වලත් පොළොන්නරුව සහ හම්බන්තොට දිස්ත්‍රික්කවලත් අද (11) පස්වරු 1න් පමණ පසුව තැනින් තැන වැසි හෝ ගිගුරුම් සහිත වැසි ඇති වෙයි.

එක්සත් ජාතික පක්ෂය සමග එකතු වී කටයුතු කිරීමට සමගි ජන බලවේගය ගත් තීරණය සම්බන්ධයෙන් එක්සත් ජාතික පක්ෂ සභාපති, හිටපු අමාත්‍ය වජිර අබේවර්ධන මහතා අද (10) දින ප්‍රකාශ කළේ සියලු විපක්ෂ දේශපාලන පක්ෂ එකට එකතු විය යුතුයි යන්න එක්සත් ජාතික පක්ෂයේ අදහස වන බවයි.

පිලිපීන්යේ රික්ටර් මාපකයේ 7.4ක ප්‍රබලත්වයකින් යුත් භූමිකම්පාවකින් ඇතිව තිබේ.

මාකුඹුර බහුවිධ ප්‍රවාහන මධ්‍යස්ථානයේ සිට අධිවේගී මාර්ගයේ ධාවනය වන බස් රථ අද (10 වැනිදා) සිට පූර්ව කාර්මික පරීක්ෂාවට ලක්කරන බව මෝටර් රථ ප්‍රවාහන දෙපාර්තමේන්තුව සඳහන් කරයි.

බීඩි මිල අද (10 වැනිදා) සිට ඉහළ දමන බව සමස්ත ලංකා බීඩි නිෂ්පාදකයන්ගේ සහ බීඩිකොළ, දුම්කොළ ආනයනකරුවන්ගේ සංගමය සඳහන් කළේය.