එළඹෙන සිංහල හා හින්දු අලුත් අවුරුද්ද නිමිත්තෙන් රාජ්‍ය සේවකයන්ට උත්සව අත්තිකාරම් වශයෙන් මෙතෙක් ලබා දුන් රුපියල් 5000 පොලී රහිත දීමනාව 2015 වර්ෂයේදී රුපියල් 10,000 දක්‌වා වැඩි කරන බව නව රජයේ රාජ්‍ය පරිපාලන අමාත්‍ය කරු ජයසූරිය මහතා සඳහන් කළ ද, තමන්ගේ මාර්තු මස වැටුපට රුපියල් 5000 ක මුදල පමණක්‌ අඩංගු කර තිබූ බව රාජ්‍ය සේවකයෝ පවසති.
ශ්‍රී ලංකාව හා පකිස්තානය අතර මිතුදම් ඉහළ නැංවීමේ අරමුණින් ජනාධිපති මෛත්‍රීපාල සිරිසේන මහතා සිය පළමු පකිස්තානු සිවු දින නිල සංචාරය අද (4) ආරම්භ කරනු ඇත.
දූෂණ විරෝධී කමිටුවේ සහායට විශ්‍රාමගිය පොළිස් නිලධාරීන්
දූෂණ විරෝධී කමිටු ලේකම් කාර්යාලයේ කටයුතු කඩිනමින් හා කාර්යක්ෂමව කරගෙන යාමට සහාය වීම පිණිස විශ්‍රාමලත් පොළිස් නිලධාරීන් කණ්ඩායමක් තාවකාලික පදනමින් බදවා ගැනීමට කැබිනට් මණ්ඩල අනුමැතිය හිමිව ඇත.
ආගමික හා වාර්ගික එදිරිවාදිකම්වලට අනුබල දෙන ආකාරයේ අදහස් දැක්වීම් තහනම් කිරීමටත් එසේ සිදු කරන්නන්ට දඩුවම් පැමිණවීමටත් අවශ්‍ය ප්‍රතිපාදන දණ්ඩ නීති සංග්‍රහයට ඇතුළත් කොට නීති කෙටුම්පත් සම්පාදක මණ්ඩලයක් විසින් සම්පාදනය කරනු ලැබූ සංශෝධිත පනත් කෙටුම්පත ගැසට් පත්‍රයේ පළ කිරීමට සහ අනුමැතිය සදහා එය පාර්ලිමේන්තුවට ඉදිරිපත් කිරීම යන යෝජනාවට කැබිනට් මණ්ඩල අනුමැතිය හිමිව ඇත.
පසුගිය රාජපක්ෂ පාලන සමය තුළ දී ටෙන්ඩර් කැදවීමකට ප්‍රතිචාර වශයෙන් නොව ව්‍යාපෘති යෝජකයා විසින් සිය කැමැත්තෙන් ඉදිරිපත් කළ ව්‍යාපෘති යෝජනා අමාත්‍ය මණ්ඩලයේ අනුමැතිය සදහා ඉදිරිපත් කිරීමේ ප්‍රවණතාවක් දක්නට ලැබුණ බව කැබිනට් ප්‍රකාශක සෞඛ්‍යය ඇමති රාජිත සේනාරත්න අද (03) පැවති කැබිනට් තීරණ දැනුම් දීමේ මාධ්‍ය හමුවේදී කියා සිටියේය.
කුඩා තේවතු හිමියන් විසින් නිපදවන අමු තේ දලු කිලෝවක් සදහා රු 80 ක සහතික මිල ක්‍රමයක් පවත්වා ගෙන යාමට සහ කුඩා රබර්වතු හිමියන් විසින් නිෂ්පාදනය කරන ස්වභාවික රබර් සදහා සහතික මිලක් ලබාදීම යන කාරණා සදහා කැබිනට් මණ්ඩල අනුමැතිය හිමිවූ බව කැබිනට් ප්‍රකාශක සෞඛ්‍යය ඇමති රාජිත සේනාරත්න අද (03) පැවති කැබිනට් තීරණ දැනුම් දීමේ මාධ්‍ය හමුවේදී කියා සිටියේ.
බුද්ධසාසන හා රාජ්‍ය පරිපාලන නියෝජ්‍ය ඇමැතිධුරයෙන් තිස්ස කරලියැද්ද මහතා ඉලා අස්වූයේ ඇමැතිකම පොඩි වැඩි වීමෙන් බව කැබිනට් ප්‍රකාශක සෞඛ්‍ය ඇමැති රාජිත සේනාරත්න මහතා අද(03) කැබිනට් තීරණ දැනුම් දීමේ මාධ්‍ය හමුවේදී පැවැසීය.
මේ වන විට අත් අඩංගුවේ පසුවන ජාත්‍යන්තර මත්කුඩු ජාවාරම්කරුවකු වන වෙලේ සුදා නොහොත් සමන්ත කුමාර ගෙන් මුදල් ලාබාගත් ජනප්‍රිය නිළියන් 6 දෙනෙකු ගැන තොරතුරු හෙළිව තිබෙන බව අපරාධ පරීක්ෂණ දෙපාර්තමේන්තු ආරංචි මාර්ග පවසයි.
