ඉදිරි කාලය තුළ ලේ වලට වඩා වටිනාකමක් ජලයට ලැබෙනු ඇතැයි ජනපති මෛත්‍රිපාල සිරිසේන මහතා පවසයි. ජනාධිපතිවරයා මේ බව පැවසුවේ ජලය සනීපාරක්ෂාව හා ස්වස්ථාව පිළිබඳ දැනුම බෙදාහැරීම වෙනුවෙන් අද(16) අධ්‍යාපන අමාත්‍යංශයේදී සංවිධානය කළ වැඩසටහනකට එක්වෙමිනි.

හිටපු ජනාධිපතිවරයාගේ ආරක්ෂාවට යැයි කියමින් පෞද්ගලික අරක්ෂක අංශයක් ගොඩ නැගීම සඳහා රාජපක්ෂ හිතවාදීන් උත්සහ කරමින් ඇත. මේ සඳහා විදේශගත සංවිධාන හා පුද්ගලයන්ගෙන් ආධාර ලැබෙන බව ද දැන ගැනීමට ඇති අතර මෙය ආයුධ සන්නද්ධ ආරක්ෂක අංශයක් වනු ඇතැයි සඳහන්ය. මේ සඳහා රජයෙ අනුමැතිය ඉල්ලීමටද බලාපොරොත්තුවන බව ද වාර්තාවේ.

අමෙරිකානු ජනපති බැරක් ඔබාමා මේ වසර අවසානයේ දී ශ්‍රී ලංකාවේ සංචාරයකට පැමිණෙන බව වැවිලි කර්මාන්ත අමාත්‍ය ලක්ෂ්මන් කිරිඅැල්ල මහතා පවසයි.

කෝටිපති ව්‍යාපාරික මොහොමඩ් ෂියාම් ඝාතන නඩුවේ සැකකරුවන් බවට පත්ව ඇති හිටපු නියෝජ්‍ය පොලිස්පති වාස් ගුණවර්ධන මහතා ඇතුළු පස් දෙනා අද(16) ඇප මත නිදහස් කරනු ලැබීය.

කොළඹ වරාය නගරය ඉදිකිරීම් කටයුතු යළි ආරම්භ කිරීමට රජය බලා‍පොරොත්තු වන බව නීතිපතිවරයා ඊයේ (15) අභියාචනාධිකරණය හමුවේ කළ ප්‍රකාශය සම්බන්ධයෙන් පරිසර වේදීන්ගේ විරෝධය පළවෙයි.

එල්.ටී.ටී.ඊ. ත්‍රස්ත ක්‍රියාකාරකම්වල නිරතව සිට පසුකාලීනව පූර්ණ පුනරුත්ථාපනය ලැබූවන් වෙනුවෙන් 2012 වසරේ දී ආරම්භ වී තිබූ ස්වයං රැකියා ණය ලබා දීමේ වැඩසටහන තවදුරටත් පුළුල් ලෙස දියත් කිරීමට රජය තීරණය කර තිබේ.

සෙලින්කෝ සමූහ ව්‍යාපාරයේ තැන්පතු වංචා කළැයි කියන සිද්ධිය සම්බන්ධයෙන් එහි හිමිකරු ලලිත් කොතලාවලගේ බිරිය සිසිලියා කොතලාවල පිළිබඳ වාර්තාව ලබන අගෝස්තු 12 වැනිදා ඉදිරිපත් කරන්නැයි අධිකරණය විසින් රහස් පොලිසියේ ඉන්ටපෝල් ශාඛාවට නියෝග කර තිබේ.

වත්මන් අාණ්ඩුව මාස 4ට එතනේල් බලපත්‍ර 26 දී අැති බව විමල් වීරවංශ මහතා විසින් පසු ගිය දිනක පවසා අැති බවත් එම අායතන රජයට බදු වශයෙන් මිලියන 3,900 ක් ගෙවන අායතන බැවින් ඔවුන්ට බලපත්‍ර දීම සිදු කළ යුතු දෙයක් මිස අනිසි කටයුත්තක් නොවන බව මුදල් අමාත්‍ය රවී කරුණානායක මහතා පසුගිය දිනක පාර්ලිමේන්තුවේදී පැවසුවේය.