ඊයේ (22) ශ්‍රීලනිපයේ දුමින්ද දිසානායක, මහින්ද අමරවීර, මහින්ද සමරසිංහ ,ලසන්ත අලගියවන්න ඇතුලු කණ්ඩායමක් සමඟ පැවැත් වූ සාකච්ඡාවකදී ජනාධිපතිවරයා පාර්ලිමේන්තුව විසුරුවා හැරීම සම්බන්ධයෙන් නිකුත් කළ ගැසට් නිවේදනය අහෝසි කිරීමට එකඟ වූ බව ශ්‍රීලනීප ආරංචි මාර්ග පවසයි.

සිරිසේන ජනාධිපතිවරයා පත් කළ හොර අගමැති මහින්ද රාජපක්ෂට අද දිනද පාර්ලිමේන්තුවේ උපරිම විශ්වාසය දි ගත නොහැකි බව ඉලෙක්ට්‍රොනික මාධ්‍යය පාවිච්චි කිරීමෙන් අනතුරුවද තහවුරු කෙරිණි.

පසුගිය රාජපක්ෂ පාලන සමයේදී ගෝඨාභය රාජපක්ෂ විසින් කතරගම මැණික් ගඟ රකෂිතයේ නිති විරෝධීව ඉදි කරන ලද සුවිසල් නිවස පිළිබඳ, මෑතකදී රහස් පොලිය ආරම්බ කර තිබූ විමර්ශන කටයුතු වහාම අත් හි‍ටුවන ලෙස රහස් පොලිසියේ උසස් නිළධාරියෙකුට අද නියෝගයක් ලබා දී තිබේ.

රාජපක්ෂ පාලන සමයේ ජඩ කෙරුම්කාරයකු වු ලක්ෂමන් හුළුගල්ලේ නැමැත්තාව අද උදෑසන ඇපලෝ රොහලේ සභාපතිධුරය සඳහා නම් කර තිබෙනවා. බැසිල් රජපක්ෂගේ දකුණු අත ලෙස සැලකෙන හුලුගල්ලෙ පසුගිය කාලයේ බැසිල් ගේ කොන්ත්‍රාත් ඉ‍ටු කළ ආන්දොලනාත්මක චරිතයක් ද වුණා.

ආරක්ෂක මාණ්ඩලික නිළධාරී රවී විජේගුණවර්ධනට චෝදනා වලින් පැන යාමට ඉඩ නොදි ඔහුව කෙසේ හෝ අදාල චෝදනාව සම්බන්ධයෙන් අධිකරණය හමුවට පැමිණවීම සඳහා රහස් පොලිසිය කටයුතු කරමින් සිටින බව පොලිස් ආරංචි මාර්ග සඳහන් කරයි. අපරාධ විධිවිධාන සංග්‍රහයේ 109 වන වගන්තිය යටතේ ඔහුව අත් අඩංගුවට ගැනීමේ හැකියාවක් ඇති බවද පැවසේ.

රාජපක්ෂලාගේ මීනීමරු අපරාධ ගැන පරීක්ෂණ පවත්වමින් සිටි රහස් පොලීසියේ පොලිස් පරීක්ෂක නිශාන්ත සිල්වාව එම රාජකාරී වලින් හා රහස් පොලීසියෙන් ඉවත් කිරීමට තමාට දැනුම් දුන්නේ ජනාධිපතිවරයා බවට පොලිස්පති පූජිත් ජයසුන්දර විසින් ආරක්ෂක ලේකම් වරයාට කළ ලිඛිත දැනුම් දීම සම්බන්ධයෙන් අද සිරිසේනගේ ගිරා පෝතකයන් පිලිතුරු ලබා දීම සිදු කර තිබෙනවා