ඉදිකිරීමට යෝජිත දැදිගම නව පාලම දිගින් මීටර් 50 කින් සහ පළලින් මීටර් 11.5කින් යුක්තවේ. ද්විත්ව මංතීරූ සහිතව ඉදිකරන මෙම පාලම සදහා වැය කරන මුදල රු.මිලියන 145 කි. මාර්ග සංවර්ධන අධිකාරියේ සෘජු අධීක්ෂණය යටතේ ජයවංශ කන්ස්‍ට්‍රක්ෂන් සමාගම දින 456 ක් ඇතුලත මෙම පාලමේ ඉදිකිරීම් කටයුතු අවසන් කිරීමට අපේක්ෂිතය.
දිනෙන් දින මහාමාර්ග වල සහ අධිවේගී මාර්ග වල සිදුවන රිය අනතුරු වල සීඝ්‍ර වර්ධනයක් පෙනුම් කරනවා යැයි මෙහිදී මාධ්‍යවේදියෙකු අමාත්‍යවරයාගෙන් ප්‍රශ්න කරන ලදි. එම ප්‍රශ්නයට පිලිතුරු දුන් අමාත්‍යවරයා මෙලෙස අදහස් පළ කරන ලදී ,
''දිනකට ලංකාවේ අටක් පමණ මාරක රිය අනතුරු දළ වශයෙන් සිදුවෙනවා. ඒක ඉතාම කණගාටුදායක තත්ත්වයක්. ලෝක බැංකුවත් අපිට ආධාර කරන්න ඉදිරිපත් වෙලා තියෙනවා අනතුරු අවම කර ගැනීම සදහා වැඩ පිලිවෙලක් සකස් කරන්න.
ඊළඟ අවුරුදු දෙකේදී අපි විශේෂ වැඩපිළිවෙළක් යොදලා තියෙනවා අනතුරු අවම කරන්න.අවම අනතුරු සංඛ්‍යාවක් දක්වා අඩු කරන වැඩපිළිවෙළක් ක්‍රියාත්මක කරන්න බලාපොරොත්තු වෙනවා. ජනවාරි දෙවැනි සතියේදී අපි ඒ වැඩසටහන ආරම්භ කරනවා. අපි දැකලා තියෙනවා ගොඩක් අය නින්දට ගිහිල්ලා අනතුරට පත්වෙන අවස්ථාවන්. ඒ නිසා පලවෙනියටම අපි අධිවේගී මාර්ගවල හදනවා ගිමන් හරින ස්ථාන .වාහන නතර කරලා ටිකක් නිදාගෙන ඉඳලා යන්න පුළුවන් තැන් හදන්න රක්ෂණ සංස්ථා ටිකත් එකතු කරලා දැවැන්ත වැඩපිළිවෙළක් ක්‍රියාත්මක කරනවා. ඊලඟ අවුරුදු දෙක තුළ දැන් තියන අනතුරු ප්‍රතිශතය අඩුකරන්න කටයුතු කරන්න බලාපොරොත්තු වෙනවා.ඒ වගේම පොලිසිය දැනුවත් කරලා ඔවුන් සමග අධිවේගී මාර්ගවල රථවාහන අනතුරු වැලක්වීමට වැඩ පිලිවෙලක් දියත් කිරීමට ඉදිරියේදී නියමිතව තිබෙනවා'' යනුවෙන් සදහන් කර ඇත.
-රංජනා සෙව්වන්දි
