අපරාධ පරීක්ෂණ දෙපාර්තමේන්තුවේ මහජන පැමිණිලි අංශය වෙත ලද පැමිණිල්ලක් අනුව මෙම නැව් 8 හා මෝදර ධීවර වරාය බදු දීම සම්බන්ධයෙන් ද විමර්ශනය ආරම්භ කළ බවට අධිකරණය හමුවේ සදහන් කළේය.
කොළඹ බෞද්ධාලෝක මාවතේ පදිංචි රාජ්‍ය අමාත්‍ය සනත් නිශාන්ත පෙරේරා මහතා මෙම සිද්ධියේ පැමිණිලිකරු වේ. මෙම සිද්ධිය සම්බන්ධයෙන් සාධාරණ විමර්ශනයක් කර වරදකරුවන් අත්අඩංගුවට ගන්නා ලෙසට පැමිණිලිකරු අපරාධ පරික්ෂණ දෙපාර්තමේන්තුවෙන් ඉල්ලා සිටි.
රාජිත සේනාරත්න මහතා ධීවර අමාත්‍යවරයාව සිටිය දී ඔහුගේ සම්බන්ධිකරණ ලේකම් දොන් ලලිත් අනුරාධ සහ චීන ජාතික ව්‍යාපාරිකයකු නමින් සමාගමක් පිහිටුවා ගැඹුරු මුහුදේ මසුන් අල්ලා එම අස්වැන්න මෙරටට නොගෙන්වා මහ මුහුදේදී ම වෙනත් විදේශීය නැව් වලට අලෙවි කිරීම සම්බන්ධයෙන් මීට පෙරද අල්ලස් හෝ දූෂණ විමර්ශන කොමිසමට පැමිණිලි ලැබී තිබිණි. එහෙත් අල්ලස් කොමිසමෙහි කැඳවීම් සඳහා සේනාරත්න මහතා සහභාගී වූයේ නැත.
කෙසේ නමුත් අදාළ කරුණු සලකා බැලු මහෙස්ත්‍රාත්වරයා සිද්ධිය සම්බන්ධයෙන් විමර්ශනයක් සිදු කර ප්‍රගතිය වාර්තා කරන ලෙසට අපරාධ පරීක්ෂණ දෙපාර්තමේන්තුව වෙත නියෝග කළේය.
අපරාධ පරීක්ෂණ දෙපාර්තමේන්තුවේ මහජන පැමිණිලි අංශයේ පොලිස් පරික්ෂක සංජය තුසිත මහතා අධිකරණයට කරුණු වාර්තා කළේය.
සැබැඳි පුවත් :
රාජිතගේ නැව් අට මෙන්න !
