අපිට කරගන්න බැරි වුණ කාරණයක් වර්තමාන ජනාධිපතිතුමා කළා - වජිර
වර්තමාන ජනාධිපතිතුමා ප්‍රමුඛ රජය ඓතිහාසික ජයග්‍රහණයක් ලබා තිබීම ශ්‍රී ලංකාවට විශේෂ අවස්ථාවක් බවත් එමෙන්ම කැබිනට් මණ්ඩලයට දකුණේ පක්ෂ නියෝජනය කරමින් උතුරු පළාතේ ඇමතිවරුන් පත් කිරීමට හැකියාවක් ලැබීම ශ්‍රී ලංකා ඉතිහාසයේ කිසිදිනක අපිට ඉටුකර ගැනීමට නොහැකි වූ කාරණයක් වර්තමාන ජනාධිපතිතුමත්, මේ බලයට පත්වන ආණ්ඩුවත් ලැබු ජයග්‍රහණය බවත් එක්සත් ජාතික පක්ෂයේ සභාපති, හිටපු අමාත්‍ය වජිර අබේවර්ධන මහතා පවසයි.
වත්මන් ජනාධිපති අනුර කුමාර දිසානායක මැතිතුමා එදා විපක්ෂ දේශපාලඥයෙකු ලෙස ප්‍රකාශ කළ පරිදි ම,පැවති දේශපාලන බලවේග, තුනෙන් දෙකක බලය භාවිත කරමින් ජනතාවගේ ප්‍රජාතන්ත්‍රවාදී අයිති කඩ කරන නීති සම්පාදනය කළ ආකාරය අමතක නොකරන ලෙස වත්මන් රජයට ද සිහිපත් කරන බව සමගි ජන බලවේගය නායක සජිත් ප්‍රේමදාස සඳහන් කරයි.
නව ප්‍රජාතන්ත්‍රවාදී පෙරමුනේ ජාතික ලැයිස්තු මන්ත්‍රීවරුන් ලෙස හිටපු අගමැති දිනේෂ් ගුණවර්ධන සහ හිටපු ඇමැති රවී කරුණානායක පත් කිරීමට තීරණය කර තිබේ.
පාර්ලිමේන්තුවට තේරී පත්වූ මන්ත්‍රීවරුන් ලියාපදිංචි කිරීම අද සිට
10 වන පාර්ලිමේන්තුව සඳහා තේරී පත්වූ මන්ත්‍රීවරුන් අන්තර්ජාලය ඔස්සේ ලියාපදිංචි කිරීමේ කටයුතු අද (17) සිට ලබන 20 වැනිදා දක්වා සිදු කිරීමට නියමිතව තිබේ.
මහමැතිවරණය සහ දීර්ඝ සතිඅන්ත නිවාඩුව අවසන් වී රැකියා ස්ථාන වෙත පැමිණෙන මගී ජනතාව සදහා විශේෂ දුම්රිය කිහිපයක් ධාවනය කිරීමට සැලසුම් කර ඇති බව දුම්රිය දෙපාර්තමේන්තුව පවසයි.
බස්නාහිර, මධ්‍යම, සබරගමුව, දකුණ, ඌව සහ වයඹ පළාත්වල සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.
අගවිනිසුරුවරිය ලෙස මුර්දු ප්‍රනාන්දු පත් කිරීමට අනුමැතිය
මෙරට අගවිනිසුරුවරිය ලෙස විනිසුරු මුර්දු ප්‍රනාන්දු මහත්මිය පත් කිරීමේ නිර්දේශය ආණ්ඩුක්‍රම ව්‍යවස්ථා සභාව විසින් අනුමත කර තිබේ.
නව ඇමැති මණ්ඩලය පත් කිරීම සඳුදා. අගමැති ධුරය හරිනිටම.
නව රජයේ අගමැති ලෙස හරිනි අමරසූරිය මෙනවිය යළි පත් කිරීමට තීන්දු වී ඇති බව වාර්තා වේ.
