විදේශ කටයුතු අමාත්‍ය විජිත හේරත් පොරොන්දු වූ පරිදි ඊ-වීසා වංචාව සම්බන්ධයෙන් වොහාරික විගණනයේ ඉරණම පිළිබඳව එක්සත් ජනරජ පෙරමුණේ (URF) නායක පාඨලී චම්පික රණවක මහතා විමසීය.
අද වන විට හිටපු ජනාධිපතිවරුන් අතරින් රජයේ නිල නිවාස භාවිතා කරන්නේ තිදෙදෙනකු පමණක් යයි ජනාධිපති අනුර කුමාර දිසානායක මහතා සඳහන් කර සිටිනවා.
පොල් සම්බෝල හා පොල් කිරි පරිභෝජනය නාස්තියක්ලු - විසඳුමක් ලෙස ආණ්ඩුව පොල් ආනයනයට සැරසේ
කර්මාන්ත සඳහා පොල් මද සහ පොල් කිරි ආනයනය කළ යුතු බවට ඉල්ලීමක් ලැබී ඇති බවත් රජය ඒ සම්බන්ධයෙන් සාධනීය ස්ථාවරයක සිටිනා බවත් කර්මාන්ත නියෝජ්‍ය ඇමති චතුරංග අබේසිංහ පවසනවා.
පරීක්ෂාවකින් තොරව බහලුම් නිදහස් කිරීම ගැන පරීක්ෂණයක් - කම්කරු අමාත්‍ය
පරීක්ෂාවකින් තොරව වරායේ බහලුම් නිදහස් කිරීමේ සිද්ධිය සම්බන්ධයෙන් පරීක්ෂණයක් පවත්වන බව කම්කරු ඇමැති සහ ආර්ථික සංවර්ධන නියෝජ්‍ය ඇමැති මහාචාර්ය අනිල් ජයන්ත පාර්ලිමේන්තුවේ දී ඊයේ (22 වැනිදා) පැවැසීය.
එම සිද්ධිය සම්බන්ධයෙන් විපක්ෂ මන්ත්‍රිවරු මතු කළ කරුණුවලට ප්‍රතිචාර දක්වමින් මේ බව කී ඇමැතිවරයා මෙසේද කීවේය.
‘‘බහාලුම් තුන්සිය විසි තුනක් නිදහස් කළා කියලා කිව්වා. මේ ගැන වැරදි මතයක් හදන්න උත්සාහ කළා. ඔව් නිදහස් කරලා තියෙනවා. මේ සම්බන්ධයෙන් වෘත්තීය සමිති නිවේදන නිකුත් කළාට පසුව ක්ෂණිකවම කළේ වෘත්තීය සමිති සමග ජනාධිපතිතුමාගේ ප්‍රධානත්වයෙන් සාකච්ඡාවක් පැවැත්වීමයි. මමත් ඒ සාකච්ඡාවේ හිටියා. පළමු කොටම කිව්වෙ එවැනි දෙයක් වෙලා තියෙනවා නම් ඒ සම්බන්ධයෙන් පරීක්ෂණයක් කරන බවට සහතික වුණා. ඒ වගේම අපි රේගු නිලධාරීන්ගෙන් ඉල්ලා සිටියා නිශ්කාෂණ කටයුතුවලට මැදිහත් වන ලෙස. ඒ අනුව අපි ඒ ප්‍රශ්නය විසඳුවා. ඒත් එක්කම මේ බහලුම් නිදහස් කිරීමට කලිනුත් රේගු නිලධාරීන් තමන්ගේ ක්‍රමවේද අනුව වෙනත් බහලුම් නිදහස් කරලා තියෙනවා. දත්ත ලෙස ඉදිරිපත් කරනවා නම් 2024 ජූලි මාසෙ 25 වැනිදා බහලුම් 584ක් නිදහස් කරලා තියෙනවා. මේ නිදහස් කළ 323 නිදහස් කරලා තියෙන්නෙ තදබදය නැති කිරීම සඳහා කියලයි කියන්නෙ.’’
පොල් ආශ්‍රිත නිෂ්පාදන කර්මාන්තය සඳහා අවම වශයෙන් පොල් මිලියන 100 ක් වත් කඩිනමින් ආනයනය කිරීමට කටයුතු නොකළහොත්, කර්මාන්තකරුවන් වැඩි මිලට හෝ පොල් මිලදී ගැනීමට කටයුතු කිරීම නිසා වෙළෙඳ පොළේ පොල් ගෙඩියක් රුපියල් 250 ත් 300 ත් අතර මිලක් දක්වා ඉහළ යාමේ අවදානමක් ඇතිවිය හැකි බව ලංකා පොල් කර්මාන්ත මණ්ඩලයේ සභාපති ජයන්ත සමරකෝන් පැවැසීය.
ඇල්ල විදේශිකයින්ට අධික මිලකට දුම්රිය ප්‍රවේශ පත්‍ර විකිණු සැකකරුවෙක් අත්අඩංගුවට
විදේශිකයින්ට අධික මිලකට දුම්රිය ප්‍රවේශ පත්‍ර විකිණීමේ ජාවාරමක යෙදුන සැකකරුවෙකු මහනුවර කොට්ඨාස අපරාධ විමර්ශන කාර්යංශයේ නිලධාරීන්ට ලද තොරතුරක් මත සිදුකළ වැටලීමකදී අත්අඩංගුවට ගෙන තිබේ.
ඌව පළාතේත් අම්පාර, මඩකළපුව, මාතලේ, නුවරඑළිය, හම්බන්තොට සහ මාතර දිස්ත්‍රික්කවලත් විටින් විට වැසි ඇතිවේ.
හිටපු අමාත්‍යවරයෙකු වන අනුර ප්‍රියදර්ශන යාපා මහතා අපරාධ පරීක්ෂණ දෙපාර්තමේන්තුව අද (22) පස්වරුවේ අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා පැවසීය.
