රට තුල තව දුරටත් මගී ප‍්‍රවාහනයේ යෙදීම සඳහා පෞද්ගලික බස් සේවය අවශ්‍ය නම් වහාම පෞද්ගලික ප‍්‍රවාහන සේවා අමාත්‍යංශය, ජාතික ගමනා ගමන කොමිෂන් සභාව අහෝසි කර ශ්රී ලංගම සහ පෞද්ගලික බස් රථ කර්මාන්තය නියාමනය කිරීම එක් අමාත්‍යංශයක් යටතට පත් කල යුතු බව ලංකා පෞද්ගලික බස් හිමියන්ගේ සංගමය පවසයි.
උතුරු ඉන්දියාවේ බිහාර් ප්‍රාන්තයේ කාන්තාවක්, යකැදුරකුගේ රහසඟ කපා දැමීමේ පුවතක් වාර්තාවෙයි.
ජාතික නිදහස් පෙරමුණට ආණ්ඩුව වෙනස් කිරීමේ උවමනාවක් නොතිබුණද, ආණ්ඩුවට විරුද්ධව සමාජයෙන් එල්ලවන සාධාරණ විවේචන නිවැරදි කරගෙන ඉදිරියට යාමේ අවශ්‍යතාවක් තිබුණු බවත්, ශ්රී ලංකා නිදහස් පක්ෂයේ නායකයන්ගේ එකඟතාව අනුව ඔවුන් ඒ දෙසට නැඹුරු වී ඇතැයි සිතෙන බවත් එම පක්ෂයේ නායක අමාත්‍ය විමල් වීරවංශ මහතා ඊයේ (06දා) පැවසීය.
සම්බුද්ධ ශාසනය විනාශ කිරීමට සංඝ සමාජය ලෙසින් පෙනී සිටිමින් චීවරය දරාගත් පිරිසක් කටයුතු කරමින් සිටින බව අග‍්‍රාමාත්‍ය හා බුද්ධ ශාසන හා ආගමික කටයුතු අමාත්‍ය, දි.මු. ජයරත්න මහතා අවධාරණය කර සිටියි.
මෙය ජාත්‍යන්තර හෝ අභ්‍යන්තර බලපෑමක ප‍්‍රතිඵලයක් විය හැකි බව අග‍්‍රාමාත්‍යවරයා පෙන්වා දෙයි.
බුද්ධ ශාසන අමාත්‍යාංශයට විවිධ පාර්ශවයන්ගෙන් එල්ලවන චෝදනාවලට පිළිතුරු ලබාදීම සඳහා ඊයේ කැඳවා තිබු මාධ්‍ය හමුවට එක්වෙමින් අග‍්‍රාමාත්‍ය දි.මු. ජයයරත්න මෙම අදහස් පළ කළේය.
'' සමහර පුද්ගලයෝ සිවුරු පොරවාගෙන, මාධ්‍ය දාන්නේ චීවරධාරීන් කියලා. ඒ අය විශාල වශයෙන් වැරදි කරනවා. නොයෙක් වැරදි කරනවා. කළිසම් ඇදගෙන යනවා. මේ වාගේ තත්ත්වයක් සංඝ සමාජය කියලා පිටස්තර පිරිසක් කි‍්‍රයාත්මක වෙනවා. නියම හාමුදුරුවරු නෙවෙයි. ති‍්‍රපිටකය අනුව ජීවත් වන ස්වාමීන් වහන්සේලා නෙවෙයි. මේ සම්බුද්ධ ශාසනය වෙනුවෙන් සිවුරු දරාගත්ත පිරිසක් කි‍්‍රයාකාරන බව පේනවා. මෙය ජාත්‍යන්තර කුමන්ත‍්‍රණයක් වෙන්නත් පුළුවන් අභ්‍යන්තර කුමන්ත‍්‍රණයක් වෙන්නත් පුළුවන්. '' යයි ද අගමැතිවරයා පැවසිය.
රාවණා කියන්නේ ගැණු හොරෙක් :
බුද්ධ ශාසන අමාත්‍යංශය අග‍්‍රාමාත්‍යවරයාගෙන් ඉවත් කළ යුතු බවට ඉල්ලීම් ඉදිරිපත් කර තිබූ ‘රාවණා බලය’ සංවිධානය පිළිබඳව ද අග‍්‍රාමාත්‍ය දි.මු. ජයරත්න මහතා මෙම මාධ්‍ය හමුවේදී ප‍්‍රතිචාර දක්වමින් මෙසේ පැවසිය.
'' රාවණා බලකාය කියනවා මේකේ මොනවත් කරලා නැහැ ඒ නිසා අගමැතිවරයා අස්කරන්න ඕනි කියලා. අපිට ලිපි වගයක් ලැබුණා රාවණා ආගම කියලා. රාවණා ආගමට මෙලෙස වැඩපිළිවෙළක් කි‍්‍රයාත්මක කිරීමට නොදීම වැරදියි කියලා. එය දැන් ආගමක් බවට පරිවර්තනය වෙලා. රාවණා කියන්නේ කාන්තාවන් හොරෙන් අරන් ගිය කෙනෙක්. ඉතිහාසයේ ලොකු කෙනෙක් වෙන්න පුළුවන්. නමුත් චරිතය එහෙමයි. ඉතින් කොහොම හාමුදුරුවරු එහෙම කරන්නේ. ''
කොල්ලූපිටිය - ඇල්ෆ‍්‍රඞ් හවුස් මාවතේ පවත්වාගෙන ගිය ඉහල ප්‍රභූ පිරිස් යන එන සුපිරි ගණිකා මධ්‍යස්ථානයක් සංවිධානාත්මක අපරාධ හා දූෂණ කොට්ඨාශයෙන් ඊයේ වටලනු ලැබිය.
විදේශ තානාපතිවරු 49 දෙනා අතුරින් 35 දෙනකු දේශපාලන පත්වීම් වන අතර, අද විදේශ කටයුතු අමාත්‍යංශය ශ්රී ලංකා නිදහස් පක්ෂයේ ශාඛා සමිතියක් හැටියට පත්වී තිබෙනවා යැයි ප්‍රජාතන්ත්‍රවාදී ජාතික සන්ධානයේ පාර්ලිමේන්තු මන්ත්‍රි අනුර කුමාර දිසානායක මහතා ඊයේ සභාව කල් තැබීමේ යෝජනාවක් ඉදිරිපත් කරමින් පාර්ලිමේන්තුවේදී පැවැසීය.
කවර හෝ සංවිධානයක රැස්වීමක් හෝ සාකච්ඡාවක් පැවැත්වෙන ස්ථානයකට බලහත්කාරයෙන් කවුරු කඩා වැදෙන්න ගියත් එය නීති විරෝධී කටයුත්තක් බවත් ඒ ගැන ශ්රී ලංකාවේ නීතිය ඔවුන්ට විරුද්ධව ක්‍රියාත්මක කළ යුතු බවත් අමාත්‍ය වාසුදේව නානායක්කාර මහතා ප්‍රකාශ අවධාරණය කර සිටියි.
මරදාන, සමාජය සහ සාමයික සංවිධානයේ සාකච්ඡාවට භික්ෂූන් වහන්සේ ගොස් බාධා පැමිණවීම බරපතළ වරදක් බව 'බිබිසි සංදේශයට' පැවසූ ඇමතිවරයා, පොලීසිය ඔවුන්ට විරුද්ධව ක්‍රියා කළ යුතු බවද කියා සිටියේය.
පොලීසිය මෙවැනි අවස්ථාවලදී විය යුතු ආකාරයට කටයුතු සිදු නොකිරීම ගැන දැනටමත් පැමිණිළි ලැබී තිබෙන බව ඔහු ප්‍රකාශ කළේය
“ පොලීසිය අවහිර කරන්නන් ඉවත් කරනවා වෙනුවට එම අවහිරයට භාජනය වන්නන්ගේ ක්‍රියාකාරිත්වය නැවත්වීමට උත්සාහ කරනවා. පොලීසිය කරන්නේ ඇත්තටම ඔවුන්ගේ වගකීමට ප්‍රති විරුද්ධ දෙයක්,” ඇමතිවරයා තවදුරටත් සඳහන් කළේය.
රජයේ වගකිවයුතු ඇමතිවරයකු හැටියට මෙවැනි තත්වයන් වැළැක්වීමට තමන් ගන්නා ක්‍රියා මාර්ග කවරේදැයි විමසූ විට, තමන්ට එවැනි පැමිණිල්ලක් ලැබුනහොත් නීතිය හා සාමය පිළිබඳ ඇමතිවරයාට තම අදහස කියා යවන බවත් ඉන් ඔබ්බට යමක් කළ හැකි නම් එය ඉටු කිරීමට තමන් සූදානම් බවත් අමාත්‍යවරයා තවදුරටත් ප්‍රකාශ කළේය.
විදෙස් තානාපති නිලධාරීන් සීමාව ඉක්මවලා :
විදෙස් තානාපති නිලධාරීන් ශ්රී ලංකාවේ දේශපාලන සහ සමාජ සංවිධාන සමඟ සම්බන්ධකම් පැවැත්වීම වරදක් නොවන බව පවසන ජාතික භාෂා සහ ජනවාර්ගික කටයුතු අමාත්‍ය වාසුදේව නානායක්කාර මහතා, ඔවුනට මේ රටේ කටයුතු කිරීමේදී සිදුවන දේ දැන ගැනීමටත් රටේ පවතින ස්වභාවයන් හඳුනා ගැනීමටත් අවශ්‍ය බව ප්‍රකාශ කරයි.
එහෙත් ඔවුන් ඒ සීමාව ඉක්මවා ගොස් එම සමාජ සංවිධානවල පංගු කරුවන් වනවා නම් එවිට එය මෙරට අභ්‍යන්තර ප්‍රශ්නවලට අනවශ්‍ය ලෙස ඇඟිලි ගැසීමක් ලෙස සැලකිය හැකි බව ඔහු කියා සිටියේය.
“ ලංකාවේ විශේෂ වූ ජන කොටසක් හෝ විශේෂ වූ භූමි ප්‍රදේශයක් සම්බන්ධයෙන් ඔවුන්ගේ මැදිහත්වීම නොවිය යුතුයි කියල කියනවට වඩා පොදුවේ ශ්රී ලංකාවේ දේශපාලන ක්‍රියාකාරීත්වය හෝ සමාජ මැදිහත්වීම් තුළ ඔවුන් නොසිටිය යුතුයි,” ඇමතිවරයා සඳහන් කළේය.
සුළු ජාතික ජන කොටසක් මුල් කර ගෙන නොව, යම්කිසි ආකාරයකට මෙරට පෙළ ගැසෙන දේශපාලන බලවේගයක් සම්බන්ධයෙන් වුවත් ඔවුන් යම්කිසි දායකත්වයක් දෙන්නට උත්සාහ දැරුවොත් එයත් වැරදි බව ඔහු පැවසුවේය.
