ඔහු සඳහන් කළේ අධිකරණය ලබා දී ඇති වාරණ නියෝගයට ගරු කරමින් මෙලෙස වර්ජනය නතර කිරීමට සිය සංගමයේ කාරක සභාව තීරණය කළ බවය.
ඉඟුරුකඬේ මංසන්ධියේ වරාය පිවිසුම් මඟ හරස් කරමින් කන්ටේනර් රථ රියදුරන් ආරම්භ කර තිබූ විරෝධතාව අත්හිටුවන ලෙස කොළඹ ප්රධාන මහේස්ත‍්‍රාත් අධිකරණය අද දහවල් අතුරු තහනම් නියෝගයක් නිකුත් කළේය. ප්රධාන මහේස්ත‍්‍රාත්වරයා මෙම වාරණ නියෝගය නිකුත් කර ඇත්තේ ග‍්‍රෑන්ඞ්පාස් පොලීසිය අධිකරණයෙන් කරන ලද ඉල්ලීමක් සළකා බැලීමෙන් අනතුරුවය.
කෙසේ නමුත් විෂය බාර ඇමැති අර්ජුන රණතුංග මහතා කියා සිටියේ මෙම වර්ජනය අසාධාරණ බවය. කන්ටේනර් බහාලූම් වරායට ඇතුලත් කිරීම සඳහා සාධාරණ ක්‍රමවේදයක් සැකසීමට ගත් උත්සහයට විරුද්ධව මෙම වර්ජනය ක්‍රියාත්මක වූ බවත් ඊට ඉඩ දෙන්නේ නැති බවත් ඔහු පවසයි.
