හිටපු කර්මාන්ත ඇමැති රිෂාඩ් බදුර්දීන් මහතාගේ කාර්යාලයට අයුතු ලෙස ඇතුළුවීමට අදාළව බොදු බල සේනා සංවිධානයේ සැකකාර භික්ෂූන් හය කට මාර්තු මස 12 වෙනිදා අධිකරණය හමුවේ පෙනී සිටින ලෙස කොටුව මහේස්ත්‍රාත් තිළිණ ගමගේ මහතා විසින් ඊයේ (26) නොතිසි නිකුත් කරන ලදී.
එක්සත් ජාතික පක්ෂය මහ මැතිවරණ ව්‍යාපාරය ආරම්භ කළ බව අග්‍රාමාත්‍ය රනිල් වික්‍රමසිංහ මහතා පවසයි. එහි පළමු පියවර වශයෙන් මාර්තු පළමු සතියේ සිට නව සාමාජිකයන් බඳවා ගැනීම සිදු කරන බව කී වික්‍රමසිංහ මහතා එජාප සාමාජිකත්වය සියලු දෙනාටම විවෘත බව ද කීය.
උමා ඔය ගිවිසුම අතුරුදහන්. නියමිත ගණනට වඩා තුන් ගුණයකුත් වැය කරලා
පසුගිය අඟහරුවාදා(24දා ) පැවති ජාතික විධායක සභාවේදී උමා ඔය බහුකාර්ය ව්‍යාපෘතිය සම්බන්ධව ශ්‍රී ලංකා රජය හා ඉරානය අතර අත්සන් කෙරුණු ගිවිසුම අතුරුදන්ව ඇති බව අනාවරණය වේ. ඉරාන රජයේ ආධාර යටතේ ආරම්භ වූ මේ ව්‍යාපෘතිය මේ වනවිට තවකාලිකව අත්හිටුවා ඇත.
ඇවන්ගාර්ඩ්ට එරෙහි චෝදනා; නිශ්ශංක රහස් හෙළි කිරීමේ සූදානමක
මුහුදු ආරක්‍ෂක නිලධාරින්ගේ (Sea Marshel Officers)නිදහස් සේවා ගිවිසුම් අහෝසි කොට හිටපු ආරක්‍ෂක ලේකම් විසින් වංචා සහගත ලෙස ඇවන්ගාර්ඞ් පෞද්ගලික ආරක්‍ෂක සමාගමට පැවරීම සම්බන්ධව අන්තර් සමාගම් සේවක සංගමය ජනාධිපතිවරයාගෙන් සාකච්ඡාවක් ඉල්ලා තිබේ.
මාධ්‍යවේදීන්ට අඩම්තේට්ටම් කළ යුගය අවසන්- හර්ෂ (video)
රාජපක්ෂ පාලන සමය තුළ මෙරට මාධ්‍ය නිදහස අහිමිව තිබූ බවත් වර්තමානය වන විට යළි මාධ්‍ය නිදහස ස්ථාපිතව පවතින බවත් ප්‍රතිපත්ති සම්පාදන හා ආර්ථික කටයුතු පිළිබද නියෝජ්‍ය අමාත්‍ය ආචාර්ය හර්ෂ ද සිල්වා මහතා පැවසුවේය.
යහපාලනය හොරුන්ට පැනයා හැකි පාලමක් නොවිය යුතුයි-එස්.එම්. මරික්කාර්
යහපාලනය හොරුන්ට පැනයා හැකි පාලමක් නොවිය යුතු බවත් පසුගිය කාලසීමාව තුළ ඝතනයට ලක්වූ අතුරුදහන් වූ මාධ්‍යවේදීන් ගැන හා සුදු වෑන්වලින් පැහැරගත් අය ගැන සෙවීමට කොමිසමක් පත් කළ යුතු බව එස්.එම්. මරික්කාර් මහතා පවසයි.
කණ්ඩලම වලව්වේ අලි පැටවා අත්අඩංගුවට ගෙන වසරයි. අලි පැටවුන්ට හිමිවූ සාධාරණයක් නෑ.
මීරිගම කණ්ඩලම වලව්වේ නීතිවිරෝධී ලෙස රඳවාගෙන සිටියදී අලි පැටවෙකු අත්අඩංගුවට ගැනීමට වනජීවී සංරක්ෂණ දෙපාර්තමේන්තුව කටයුතු කර මෙම මස 28 වැනිදාට වසරක කාලයක් සපිරේ. වර්ෂ 2014 පෙබරවාරි 18 වැනිදා සිදුවූ එම වැටලීමෙන් පසු මේ දක්වා අවස්ථා ගණනාවකදී විවිධ ව්‍යාපාරිකයන්, ප්‍රභූන් හා චීවරධාරීන් සන්තකයේ සිටියදී වනාන්තරවලින් නීතිවිරෝධී ලෙස අල්ලාත් බව විශ්වාස කරන අලි පැටවුන් ගණනාවක්ම වනජීවී භාරයට ගැනීමට බලධාරීන් කටයුතු කලද ඒ හැර මේ දක්වාම මේ වනජීවී ජාවාරමට තිත තැබීමට අවශ්‍ය කිසිඳු සාධනීය ක්‍රියාමාර්ගයක් ගැනීමට බලධාරීන් කටයුතු කර නොමැති බව අවධාරණය කල යුතුය.
මුහුදු සීමාව පැන්නත් මිත්‍රත්වය සලකා ලාංකික ධීවරයන්ට නිදහස
ඉන්දියා මුහුදු සීමාවට අනවසරයෙන් ඇතුළු වු බව කියන ශී‍්‍ර ලංකා ජාතික ධීවරයින් 19 දෙනෙකු අත්අඩංගුවට ගැනීමකින් තොරව අනතුරු ඇගවීමක් පමණක් සිදුකර නැවත ශී‍්‍ර ලංකාව වෙත යවන්නැයි ඉන්දියා රජය එරට වෙරළාරක්ෂක හමුදාව වෙත දන්වා තිබේ.
