ඇමරිකානු කොංග්‍රස්‌ මණ්‌ඩලයේ සාමාජිකයන්ට පසුගිය රජයේ විදේශ අමාත්‍යාංශය විසින් මුදල් ගෙවා ඇතැයි කියන සිද්ධිය සම්බන්ධව විභාගයක්‌ කිරීමට විදේශ ඇමැත මංගල සමරවීර මහතාට නියෝග කරන බව අගමැති රනිල් වික්‍රමසිංහ මහතා ඊයේ (04 දා) පාර්ලිමේන්තුවේදී ප්‍රකාශ කළේය.

නව රජයේ දින සියයේ වැඩපිළිවෙළ යටතේ පොරොන්දු වූ පරිදි රටපුරා නොමිලේ අන්තර්ජාල (වයි-ෆයි) පහසුකම ලබාදෙමින් "වයි-ෆයි කලාප" 1,000 ක් ස්ථාපිත කිරීමට රජය තීරණය කරයි.

තමන් අග‍්‍රාමාත්‍ය පදවියට පත්වීමෙන් පසු 'හිරු ටී.වී' වෙත සම්මුඛ සාකච්ඡාවක් ලබාදීම සම්බන්ධයෙන් 'සිරස ටී.වී' ආයතනය දක්වා ඇති මතවාදයන් සම්බන්ධයෙන් කතානායකවරයාගේ අවධානය යොමුකරමින් අග‍්‍රාමාත්‍ය රනිල් වික‍්‍රමසිංහ මහතා අද(04) පාර්ලිමේන්තුවේදී ප‍්‍රකාශයක් කළේය.

කළුතර දිස්ත්‍රික්කයේ පාලින්ද නුවර ප්‍රාදේශීය සභා සීමාවේ පවතින 'අත්වැල් තොට දිය ඇල්ල' හරස් කරමින් පෞද්ගලික ජල විදුලි බලාගාරයක් ඉදිකිරීමට විරුද්ධවූ එම ගම්වාසීන්ට ධම්මික රණතුංග හා ඔහුගේ මැර කණ්ඩායකම් විසින් තර්ජනය කර ඇති බවට අප විසින් 'පරිසර අධිකාරිය, රණතුංගලාට අත්වැල්තොට ඇල්ල වසා දමන්න අවසර දෙයි' සිරස්තලය යටතේ පළ කළ පුවත අසත්‍ය බව ධම්මික රණතුංග මහතා අප වෙත ලිපියක් යොමු කරමින් පවසයි.

හිටපු අමාත්‍ය විමල් වීරවංශ මහතාට එරෙහිව අල්ලස් කොමිසමට අද(04) දිනයේ පැමිණිල්ලක් ඉදිරිපත් කරන බව පාර්ලිමේන්තු මන්ත්‍රී බුද්ධික පතිරණ මහතා පවසයි.

යහපාලනය උදෙසා වන යාන්ත‍්‍රණය රට තුළ ශක්තිමත් කරගැනීමට දුන් පොරොන්දු ඉටුකිරීමට නියමිතවේලාවට මැතිවරණයක් පැවැත්වීම වැදගත්ම හා අත්‍යවශ්‍ය පියවරක් වන බවත් එසේ නොවුනහොත් පාරට බැසීමට සූදානම් බව එජාප මහලේකම් කබීර් හෂීම් මහතා පවසයි.ඔහු මේ බව පැවසූවේ අද(04) පැවති මාධ්‍ය හමුවක් අමතමිනි.

උතුරු පළාත තුළ යළි කළබලකාරී වාතාවරණයක් ඇති කිරීමටත් දෙමළ ජනතා සන්ධානය මෙරට ජාතික දේශපාලනය හා බද්ධවීම වලක්වා ගැනීමටත් විශාල කුමන්ත්‍රණයක් මේවන විට දියත් වෙමින් තිබෙන බව වාර්තාවේ.