ශ්‍රී ලංකා රග්බි හා පාපන්දු සම්මේලනයේ නිලවරණය ලබන 28 වැනිදා පැවැත්වීම වළකාලමින් කොළඹ දිසා අධිකරණය ඊයේ (25) වාරණ නියෝගයක් නිකුත් කළේය.
ජාත්‍යන්තර ක්‍රීඩා සංගම්වලින් ලැබෙන මුදල් නිසි අයුරින් පාලනය නොකරන නිලධාරීන් ඒ සම්පත් භුක්ති විඳින බවත්, ක්‍රීඩා සංගම්වල වැඩ කටයුතු හරියාකාරව සිදුකෙරෙන්නේ නම් ඇඟිලි ගැසීම් අවශ්‍ය නොවන බවත් ක්‍රීඩා ඇමැති නවීන් දිසානායක මහතා ප්‍රකාශ කරයි.
ක්‍රීඩා අමාත්‍යංශයේ මෙහෙයවීමෙන් නිලවරණ පැවැත්වීමට නියමිත ජාතික ක්‍රීඩා සංගම් 18 සඳහා ප්‍රධාන විධායක නිලධාරියා බැගින් පත්කිරීමට අදාළ ක්‍රීඩා සංගම් සියල්ලේ නිසි බලධාරියා ලෙසින් කටයුතු කරනු ලබන ක්‍රීඩා අධ්‍යක්‍ෂ ජෙනරාල්වරයා ඊයේ කටයුතු යොදා තිබේ.
ආසියාවේ රටවල් 19 ක සභාගීත්වයෙන් සිංගප්පුරුවේ පැවැති 11 වැනි ආසියානු පාසල් චෙස් තරගාවලියේදී රීදි පදක්කමක් හා ලෝකඩ පදක්කමක් දිනූ ශ්‍රී ලංකාවට එහි 08 වැනි ස්ථානය හිමිව අැත.
චීනයේ පැවැත්වෙන ආසියානු ශූරතා මලල ක්‍රීඩා තරගාවලියේ ඊයේ (7 දා) පැවැති මීටර් 800 කාන්තා අවසන් තරගයේ තෙවැනි ස්ථානය හිමි කර ගැනීමට නිමාලි ලියනාරච්චි සමත්විය. මේ අනුව ඇය ශ්‍රී ලංකාව වෙනුවෙන් තරඟාවලියේ එකම පදක්‌කම දිනා දීමට සමත් වූවාය.
ආසියානු මලල ක්‍රීඩා ශූරතාවලියට සහභාගීවන ශ්‍රී ලංකා කණ්ඩායමට මුලින් තේරී නොතිබුණද, පසුව ක්‍රීඩා ඇමැති නවීන් දිසානායක මහතාගේ නියෝගයෙන් චීනයේ වූහෑන් බලා පැමිණි මීටර් 100 ඉසව්වේ නවතම සොයා ගැනීමක් බවට පත්වූ 18 හැවිරිදි රුමේෂිකා රත්නායක තම ඉදිරි මලල ක්‍රීඩා දිවිය පිළිබඳ සුබවාදී බලාපොරොත්තු පළ කරයි.
ශ්‍රී ලංකාවට එරෙහි ටෙස්ට් තරගාවලියෙන් අජ්මාල් ඉවතට
ශ්‍රී ලංකා කණ්ඩාම හා පාකිස්තාන කණ්ඩායම අතර ශ්‍රී ලංකාවේ ආරම්භවීමට නියමිත ටෙස්ට් තරගාවලිය සඳහා නම් කළ පාකිස්තාන සංචිතයෙන් දග පන්දු යවන සහීඩ් අජ්මාල් ඉවත්කොට ඇත. අහමඩ් ශේෂාඩ්, ෂාන් මසූඩ් හා ඒෂාන් අඩිල් සංචිතයට නම් කොට තිබේ.
ජාත්‍යන්තර පාපන්දු සම්මේලනයේ සභාපති ධුරයෙන් සෙප් බ්ලැටර් ඉල්ලා අස්වීම නිවේදනය කර තිබේ. ජාත්‍යන්තර පාපන්දු සම්මේලනයට එරෙහිව එල්ලවී ඇති දූෂණ චෝදනා හේතුවෙන් ඔහු මෙසේ ඉල්ලා අස්වීමට තීරණය කර ඇත.
