මහා පරිමාණ වංචා හා දූෂණ චෝදනා එල්ලවූවන් ප්‍රසිද්ධ සාක්‍ෂි විභාග සඳහා කැඳවීම අගෝස්‌තු මස 20 වැනිදා දක්‌වා කල් දැමීමට විශේෂ ජනාධිපති විමර්ශන කොමිෂන් සභාව පියවර ගෙන ඇත.
පාර්ලිමේන්තු මැතිවරණය සඳහා භික්ෂුන් වහන්සේ 150 නමක් පමණ ඉදිරිපත්ව ඇතැයි අතිරේක මැතිවරණ කොමසාරිස් ආර්. එම්. එල්. රත්නායක මහතා කීය.
එළඹෙන මහ මැතිවරණයේ ප්‍රතිඵලය කුමක් වුවත් මැතිවරණයෙන් පසු නිශ්චිත කාල සීමාවක් සඳහා ජාතික ආණ්ඩුවක් පිහිටුවීමට එක්සත් ජනතා නිදහස් සන්ධානයේ ප්‍රබලයන් පිරිසක් දැනටමත් සාකච්ඡා ආරම්භ කොට ඇති බව දේශපාලන ආරංචි මාර්ග කියයි.
අරලියගහ මන්දිරය ඡන්ද වැඩට අරගෙන - ට්‍රාන්ස්‌පේරන්සි ඉන්ටර්නැෂනල්
අගමැති රනිල් වික්‍රමසිංහ මහතා අරලියගහ මන්දිරය මැතිවරණ ප්‍රචාරක ක්‍රියාවලට යොදා ගනිමින් විවිධ රැස්‌වීම් සහ හමුවීම් පවත්වන බව ට්‍රාන්ස්‌පේරන්සි ඉන්ටර්නැෂනල් ශ්‍රී ලංකා ආයතනය යටතේ ක්‍රියාත්මක පොදු දේපළ රැක ගැනීමේ වැඩසටහනේ ජාතික සම්බන්ධීකාරක ශාන් විඡේතුංග මහතා මැතිවරණ කොමසාරිස්‌වරයාට පැමිණිලි කර ඇත.
අදට (18) යෙදී තිබෙන රාමසාන් සැමරුම වෙනුවෙන් විශේෂ නිවේදනයක් නිකුත් කරමින් අග්‍රාමාත්‍ය රනිල් වික්‍රමසිංහ මහතා සදහන් කරන්නේ ශ්‍රී ලාංකික මුස්ලිම් ජනයා මෙවර රාමසාන් උත්සවය සමරන්නේ සැකෙන් බියෙන් තොරව, නිදහසේ හුස්මක් ගත හැකි සමාජ වටපිටාවක් තුළ බවයි.
ඉදිකිරීම් නිවාස පොදු පහසුකම් අමාත්‍ය ධුරය දරද්දී විමල් වීරවංශ මහතා සිය අමාත්‍යාංශය යටතේ පවතින ආයතනවලින් දිනපොත් මුද්‍රණයට එකතුකරගත් රුපියල් ලක්ෂ එකසිය හතළිහට සහ එම අමාත්‍යාංශය යටතේ පවතින ඕෂන් වීව් සමාගම දිනපොත් මුද්‍රණයට වෙන් කළ මුදලින් ඉතිරි වූ රුපියල් ලක්ෂ එකසිය තිස්තුනක මුදලට සිදුවූයේ කුමක්ද එය කාගේ සාක්කුවකට ගියේද යන කාරණාවට පිළිතුරු ලබාදෙන ලෙසට එජාප හිටපු පාර්ලිමේන්තු මන්ත්‍රී නලීන් බණ්ඩාර මහතා විමල් වීරවංශ මහතාට අභියෝගයක් කළේය. එම කාරණාව පිළිබඳව මූල්‍ය අපරාධ කොට්ඨාසය පරීක්ෂණ පවත්වයි.
ජාත්‍යන්තර මත්කුඩු ජාවාරම්කරුවෙකු ලෙස සැකපිට අත් අඩංගුවට ගත් වෙළේ සුදා නොහොත් සමන්ත කුමාරට පනවා ඇති නඩුවට අදාළ පොලිස් වාර්තා අස්ථානගත වී ඇති බව මීට ඉහතදී වාර්තා විය. ඔහුගෙන් ප්‍රශ්න කිරීම් වලදී ඔහු හෙළිදරව් කළ බෙහෝ කරුණුද නොමග යැවීම් උදෙසා සිදු කළ ප්‍රකාශ ලෙසම යට ගියේය.
එජනිසයේ මැතිවරණ තේමාව රාජපක්ෂලා රටට කළ විනය සිහිගන්වනවා
රටට පණ දෙමු - අලූතින් පටන් ගමු යන එක්සත් ජනතා නිදහස් සන්ධානයේ මැතිවරණ තේමාව හාස්‍යජනක බව එක්සත් විශ්ව විද්‍යාල ආචාර්ය සංගමය සදහන් කරයි. පණ දීමට නම් මැරුණු රටක් තිබිය යුතු වුවත් දැන් අැත්තේ ජීවය පිරි රටක් බවත් රට මරණ මංචකයක් කරා අැදගෙන යනු ලැබුවේ රාජපක්ෂ පාලනය විසින් බවත් යළි ඒ තත්වය උදාවීමට මෙරට ජනතාව ඉඩ නොතබන බව ඔවුන් නිවේදනයක් මගින් දන්වා සිටී.
