ප්‍රජාතන්ත්‍රවාදී පක්ෂයේ නායක ෆීල්ඩ් මාෂල් සරත් ෆොන්සේකා මහතාගේ මන්ත්‍රී ධූරය යළි ලබාදෙන ලෙසට පාර්ලිමේන්තු මහලේකම්වරයාට නියෝග කරන්නැයි ඉල්ලා ගොනුකර තිබූ මූලික අයිතිවාසිකම් පෙත්සම ශ්‍රේෂ්ඨාධිකරණය විසින් ප්‍රතික්ෂේප කර තිබේ.

පැවැති පාලනයට වසර 12ක් තිස්සේ ඉටු කිරීමට නොහැකි වූ දෙය යහපාලන ආණ්ඩුව පත්වී කෙටි කලකින් ඉටු කළ බව මුදල් අමාත්‍ය රවී කරුණානායක මහතා පවසයි. සුළුතර බලයකින් ඉටු කරමින් සිටින ජනතා මෙහෙවර ඉදිරි මැතිවරණයෙන් පසු බහුතර බලයක් සහිතව ඉටු කිරීමට හැකි වනු ඇති බවට අමාත්‍යවරයා විශ්වාසය පළ කරයි.

සාගර විශ්වවිද්‍යාලයේ නව උප කුලපතිවරයා ලෙස තිලක් ධර්මරත්න මහතා පත් කර ඇති අතර ඒ මහතා අද (15) පෙරවරුවේ ජනාධිපති කාර්යාලයේ දී ජනාධිපති මෛත්‍රිපාල සිරිසේන මැතිතුමා අතින් සිය පත්වීම් ලිපිය ලබා ගත්තේය.

ජනාධිපති මෛත්‍රීපාල සිරිසේන මහතා ජනාධිපතිවරණ පොරොන්දු පත්‍රයක් ලෙස ඉදිරිපත් කරනු ලැබූ දින සියයේ වැඩ පිළිවෙල යටතේ පසුගිය අප්‍රේල් 23 වන දින පාර්ලිමේන්තුව විසුරුවා හැරිය යුතු වුවත් මේ දක්වා ඒ සිදු නොකරන්නේ එජාපය නායක රනිල් වික්‍රමසිංහ මහතාව මට්‍ටු කිරීමට බව ශ්‍රීලනීප ජේෂ්ඨයෙකු පැවැසීය.

ශ්‍රී ලංකාවේ අලි මිනිස් ගැටුම් අඩකට වැඩි ප්‍රමාණයකින් බැටකන වයඹ වනජීවී කලාපයේ ඇහැටුවැව ප්‍රාදේශීය ලේකම් කොට්ඨාශයට අයත් නාකොළගෙන් ප්‍රදේශයේ වන අලින්ගේ වාසභූමි අක්කර පන්සියයකට වැඩි පමාණයක් සුදු හඳුන් හා අඹ වගාවන් සඳහා එලි පෙහෙලි කිරීමට පුද්ගලික සමාගම් දෙකක් විසින් කටයුතු කිරීම නිසා එම ප්‍රදේශයේ සැබෑ භූමි පුත්‍රයින් වන අහිංසක දුප්පත් ගොවි ජනතාව හා අලි ඇතුන් ප්‍රමුඛ වනසතුන් දැඩි අසාධාරණයකට ලක්ව සිටිති.

ස්වාධීන මැතිවරණ කොමිෂන් සභාවකින් තොරව මැතිවරණයකට යාමට අවශ්‍යතාව ඇත්තේ දේශපාලන වාසි ලබන පිරිසකට මිස මේ රටේ ජනතාවට නොවන බව කැෆේ සංවිධානය පවසයි.

විදුලි කප්පාදුව පිළිබදව කිසිදු අදහසක් නැති බවත් ඔක්තොබර් මස සිට නව විදුලි අය ක්‍රමයක් ඇති කරන බවත් විදුලිබල හා බලශක්ති අමාත්‍ය පාඨලී චම්පික රණවක මහතා පවසයි. ඉන්පසු ලංකා විදුලි බලමණ්ඩලයේ ඉලක්කයක් වන රටපුරා විදුලිය බලය ලබාදීම 100% කින් සපුරා ගත හැකි බව අමාත්‍යවරයා ඊයේ (14දා) බොරුල්ල උපාධීධාරී කාන්තා සංගම් ශාලාවේ පැවති උත්සවයකදී සඳහන් කළේය.

නව මැතිවරණ ක්‍රමය සම්බන්ධයෙන් පැහැදිලි කිරීමක් සිදුකරන ලෙස රජයෙන් ඉල්ලීමක් කර ඇති බව දෙමළ ජාතික සන්ධානය පවසයි.