මේ රට බ්‍රිතාන්‍ය යටත් විජිත භාවයෙන් නිදහස් වෙලා දැන් අවුරුදු 76 ත් පැනලා තියෙන්නේ. මේ 76 ඇතුළේ රටේ දේවල් හැම දෙයක්ම සිදු වුණේ, පුරවැසියන් වුණ, අපි පත්කරගත්ත පාලකයන්ගෙත් සහ ඡන්ද දායකයන් වුණු අපෙත් දේශපාලනික කැමැත්ත උඩ. ගොඩක් දේවල් මේ කාලය තුළ සිදුවුණා. නිවැරදි දේවල් වගේම වැරදි දේවල් වුණා. ජයග‍්‍රහණයන් වගේම පරාජයන් තිබුණා.

ජනාධිපතිවරණය කියන්නේ මේ රටේ තීරණාත්මක මැතිවරණය. ‍තෝරාපත් කරගන්න ජනාධිපතිවරයාගේ කියුම් කෙරුම් අනුව අනාගතය තීරණය වෙනවා. ඔහුගේ කණ්ඩායමේ කවුරු හිටියත් ඒක වැදගත් වෙන්නේ නැහැ. මේ අනාගතය කියන්නේ ඔහු ධුරය හොබවන අවුරුදු 5 ගැනත් නෙවෙයි..සමහර විට දශක ගනනාවක් ඉදිරියට අනාගත කාලයක් වෙන්න පුළුවන්.

ජනාධිපති රනිල් වික්‍රමසිංහයන්ගේ ප්‍රතිපත්ති ප්‍රකාශනයට අනුව ඔහුගේ ආර්ථික ප්‍රතිපත්තිය වශයෙන් දක්වා ඇත්තේ, ථේරවාද වෙළඳ ආර්ථිකය යන්නය. මෙය මීට කලින් අසා නැති සංකල්පයකි. මේ නිසා නොදන්නා දෙයට නොතේරෙන දෙයට උසුළු විසුළු කරමින් යන අය සමාජ මාධ්‍ය තුළ දකින්නට ඇත.

අනුර කුමාර පසුගිය දින වල මැතිවරණ වේදිකා මත දී පවසා සිටියේ 'සෑම දරුවෙකුටම කිලෝ මීටර් 3 ක් ඇතුළත අංග සම්පූර්ණ පාසලක්' ලබා දෙන බවය. අංග සම්පූර්ණ පාසල් ඉදි කළ පමණින් මෙරට අධ්‍යාපනයට අවශ්‍ය සංවර්ධනය සිදු වෙනු ඇතැයි අනුර කල්පනා කරනවා විය හැකි වුණත් එය මීට වඩා පුළුල් වපසරියක තිබෙන සංකීර්ණ ගැටලුවකි.

සජබයේ ජනාධිපති ධුර අපේක්ෂක විපක්ෂ නායක සජිත් ප්‍රේමදාස ත් ජාතික ජන බලවේගයේ ජනාධිපති අපේකෂක අනුර කුමාරත් සිය මැතිවරණ වේදිකා වලදිත් මැතිවරණ ප්‍රකාශන වලදීති ගොවි ජනතාවගේ වගා ණය කපා හරින බවට පොරොන්දු වෙමින් ඒ හරහා දේශපාලන වාසියක් අත් පත් කර ගැනීමේ උත්සාහයක නිරත්ව සිටී. තවද ගොවි ජනතාවට දැරිය හැකි සාධාරණ මිලකට පොහොර හා කෘෂි උපකරණ ලබාදෙන බවත් පවසයි.

ජවිපෙ සමඟ රටට අනාගතයක් නැති බව ජාතික ජන බලවේගයේ ප්‍රතිපත්ති ප්‍රකාශය අනුව අපි දනිමු. ජාතික ජන බලවේගය විසින් ඉදිරිපත් කොට තිබෙන්නේ ප්‍රතිපත්ති ප්‍රකාශනයක් නොව ඇස්බැන්දුම් ප්‍රකාශයකි. වර්තමාන ජවිපෙ නායකයින්ගේ අදුරදර්ශී සහ අමනෝඥ ආකල්ප මෙම ප්‍රතිපත්ති ප්‍රකාශනය හමුවේ දැනටමත් විද්‍යාමාන වී තිබේ. ජවිපය මෙම ලියවිල්ල පවතින ක්‍රමවේදයේ වෙනසක් සදහා ඉදිරිපත් කළත් ඒ ක්‍රමයේ වෙනස සදහා කිසිදු පිලිතුරක් ඔවුනට නැත. දර්ශනයක් නැත.

සජිත් ප්‍රේමදාසත් මහතාත් අනුර කුමාර මහතාත් මැතිවරණ වේදිකාවක් වේදිකාවක් පාසා ජාත්‍යන්තර මුල්‍ය අරමුදල සමඟ වන ගිවිසුම වෙනස් කර ජනතාවට සහන ලබා දෙන සුබ සාධනවාදී ආර්ථිකයක් ක්‍රියාත්මක කරන බවට පොරොන්දු දෙමින් තිබේ.

මහා ඝෝෂාවක් කරමින් එළි දැක්වූ අනුර කුමාරගේ ප්‍රතිපත්ති සහිත ප්‍රකාශනය මුළුමනින්ම පුස්සක් බව කිසිදු විවාදයකින් තොරව පැවසිය හැකිය. පි‍ටු දෙසිය ගනනක් විශාල කෘතියක් ලෙස මෙම ප්‍රකාශනය සකස් කර තිබෙන අතර තමන් බලයට ආ පසු කරනවා කියන වැඩ සටහන් සිය ගනනක් මෙහි අඩංගුය. මේ වන විට ඒ යෝජනා කරන වැඩ වලින් අඩකටත් වඩා රජය ඉටු කර ඇති බව වෙනම කතාවක් වුවත් අනුර මේ යෝජනා ඉදිරිපත් කරන්නේ ඒ ඉටු කිරීම ගැන විශ්වාසය තහවුරු නොකරමිනි.