දක්ෂිණ අධිවේගී මාර්ගයේ බලපත්‍ර නොමැතිව බස් රථ ධාවනයට එක්කිරීමට එරෙහිව පෞද්ගලික බස් රථ සේවකයන් පිරිසක් වර්ජනයක් ආරම්භ කර තිබේ.
විද්‍යා දැරිය වෙනුවෙන් කළ උද්ඝෝෂණයේදී සිදුවූ කලහකාරී සිදුවීම් දඩමීමාකරගෙන ජාතික හෙළ උරුමය සිංහල බෞද්ධ වර්ගවාදය පැතිරවීම යළි ආරම්බ කර තිබේ. යාපනයේ ජිවත්වන සිංහල ජනතාවට තර්ජනය කරමින් එම ප‍්‍රදේශවලින් ඉවත්වන ලෙසට බලපෑම් කරමින් ඇති බව සඳහන් කරමින් නිකුත් කර ඇති නිවේදය මැතිවරණය ආසන්න වීම හේතුවෙන් සිංහල බෞද්ධ ජාතිවාදීන්ගේ ඡන්ද ගොඩ තමන් වෙත නැඹුරු කර ගැනීමට ගන්නා උත්සාහයක් ලෙස පැහැදිලිව හඳුනා ගත හැක.
අපරාධ පරීක්ෂණ දෙපාර්තමේන්තුව, සුරැකුම්පත් සහ විනිමය කොමිෂන් සභාව මගින් හිටපු ජනාධිපතිවරයාගේ පුත් නාමල් රාජපක්ෂ මුලිකත්වය දැරූ තාරුණ්‍යයට හෙටක් සංවිධානයට ප්‍රධානය කළ මිලියන පහක අරමුදල් ප්‍රමාණයක් පිළිබඳ විමර්ශනයක් අරඹා ඇත.
නව රජයේ අමාත්‍ය ධුර ලබාගත් එක්සත් ජනතා නිදහස් සන්ධාන මන්ත‍්‍රීවරුන් සිව් දෙනෙකු මීට සුළු මොහොතකට පෙර සිය අමාත්‍ය ධුරවලින් ඉල්ලා අස්වුණි.
ඌව පළාත් මහ ඇමැති ලෙස හරීන් ප්‍රනාන්දු මහතා එම තනතුරේ කටයුතු කිරීම වළක්වමින් අතුරු තහනම් නියෝගයක් නිකුත් කිරීම අභියාචානාධිකරණය විසින් අද (21) ප්‍රතික්ෂේප කළේය.
නව සභාපති සුගත් තිලකරත්න ක්‍රීඩා නියෝජ්‍ය අැමතිව හමුවේ
ශ්‍රී ලංකා මලල ක්‍රීඩා සංගමයට සභාපති ලෙස අලුතින් තේරී පත් වූ ප්‍රවීණ මළල ක්‍රීඩක සුගත් තිලකරත්න මහතා, ක්‍රීඩා නියෝජ්‍ය අමාත්‍ය වසන්ත සේනානායක මහතා හමුවූයේය.
හිටපු ජනාධිපති මහින්ද රාජපක්ෂ මහතා මහ මැතිවරණයට ඉදිරිපත්වන්නේ නම් ඔහු නාමයෝජනා මණ්‌ඩලයක්‌ වෙත කැඳවීමකින් තොරව සුවිශේෂි ආකාරයෙන් නාම යෝජනා ලබාදෙන බව ශ්‍රී ලංකා නිදහස් පක්ෂයේ මහ ලේකම් අනුර ප්‍රියදර්ශන මහතා ඊයේ (20 වැනිදා) පැවැසීය.එළඹෙන මහ මැතිවරණයේදී ශ්‍රීලනිපයෙන් ඉදිරිපත් වන පිරිස්‌ සම්මුඛ පරීක්ෂණ සඳහා නාම යෝජනා මණ්‌ඩලයක්‌ වෙත කැඳවීමට සූදානමින් සිටින බවද ඊයේ (20 වැනිදා) ශ්‍රීලනිප මූලස්‌ථානයේ පැවැති මාධ්‍ය හමුවකදී මහ ලේකම්වරයා පැවසීය.
ශ්‍රී ලංකා නිදහස් පක්‌ෂය නියෝජනය කරමින් පත්වූ ඇමැතිවරුන් පිරිසක් අද (21 වැනිදා) විශේෂ ප්‍රකාශයක්‌ සිදුකර සිය ඇමැති ධුරවලින් ඉල්ලා අස්‌වීමට නියමිතය. පක්ෂයේ දැඩි විරෝධය නොතකා විසුරුවා හැරි පළාත් පාලන ආයතනවල මැතිවරණ පැවැත්වීමට මෙතෙක්‌ නාමයෝජනා පත්‍ර කැඳවීම සිදු නොකිරීමට විරෝධය පළ කරමින් මෙම ඉල්ලා අස්‌වීම සිදුකරන බව එම පක්ෂයේ ජ්‍යෙෂ්ඨ මන්ත්‍රීවරයෙක්‌ පැවසීය.
