මහනුවර කුරුණෑගල ප්‍රධාන මාර්ගයේ අරඹේකඩේ ප්‍රදේශයේදී මැතිවරණ කොමසාරිස් මහින්ද දේශප්‍රිය මහතා ගමන්ගත් ජීප් රථය හා යතුරු පැදියක් ගැටීමෙන් එහි ගමන්ගත් තරුණයින් දෙදෙනකු තුවාල ලැබ ගලගෙදර හා මහනුවර රෝහල්වලට ඇතුළත් කැර තිබේ.
එළඹෙන මාස් කන්නයේ සිට කෘෂි රසායන ද්‍රව යොදා නොගෙන රජරට කුඹුරු අක්කර පනස් දහසක් වගා කිරීම පිණිස ගොවීන්ට බිත්තර වී නොමිලේ බෙදා දීමේ ව්‍යාපෘතියකට විශේෂ ව්‍යාපෘති පිළිබඳ අමාත්‍යාංශය මැදිහත් වෙයි.
එක්සත් ජාතීන්ගේ සංවිධානයේ ශ්‍රී ලංකා නිත්‍ය නියෝජිත කාර්යාලයේ දෙවැනි ලේකම් චමිත්‍රි රඹුක්වැල්ල මෙනෙවිය ජගත් මහ සමුළුවේ පස්වැනි කමිටුවේ උප සභාපති පදවියට පත්කර ඇත.
එජාප මන්ත්රී හරීන් ප‍්‍රනාන්දු මහතා, ජනාධිපතිතුමන්ගේ පුතාලා සමඟ රැය පහන්වන තුරු සමාජ ශාලාවල මත්පැන් බොන්නේ යයි වයඹ මහ ඇමති දයාසිරි ජයසේකර මහතා පවසයි.
ශ්‍රී ලංකාවේ වෙසෙන මුස්ලිම් ජාතිකයින් පිළිබඳ අනවශ්‍ය බියක් ඇතිකර ගත යුතු නැතැයි සෞදි අරාබියාවේ ශ්‍රී ලංකා තානාපති වදිවෙල් ක්‍රිෂ්ණමුර්ති මහතා පවසයි.
දැනට මසක පමණ කාලයක් තිස්සේ පුරප්පාඩු වී ඇති කම්කරු කොමසාරිස් ජනරාල් තනතුර සඳහා සුදුසු නිලධාරියෙකු පත්නොකිරීම හේතුවෙන් ලක්ෂ 23 ක් ඉක්මවූ කම්කරු ජනතාවගේ සේවක අර්ථ සාධක අරමුදල් (EPF) වල විනිවිදභාවය හා සුරක්ෂිතභාවය පිළිබඳව ගැටලු රැසක් පැනනැගී ඇති බවට කම්කරු දෙපාර්තමේන්තු වෘත්තීය සමිති චෝදනා කර සිටියි.
ශ්‍රී ලංකා ක්රිකට් විධායක කමිටුවට ක්‍රීඩා ඇමතිවරයාගේ නියෝජිතයා ලෙස කටයුතු කරන්නෙකු ශ්‍රී ලංකාව සහ දකුණු අප්‍රිකාව අතර පැවැත්වෙන එක්‌දින ක්රිකට් තරගාවලියේ තරග ප්‍රවේශ පත්‍ර මගඩියක නිරතව සිටින බව වාර්තාවේ.
බේරුවල - අලුත්ගම ප්‍රදේශවලදී පසුගිය ජුනි මස 15 වැනි දින සිදුවීම් සම්බන්ධයෙන් පොලිස්පතිවරයා තමන්ට පැවැරී ඇති බලතල ප්‍රකාරව නිසි පරිදි තම රාජකාරි ඉටු කිරීමට අපොහොසත් වීම නිසා ඔහු එම තනතුරෙන් ඉල්ලා අස්විය යුතු බවත් ඔහු එසේ ඉල්ලා අස් නොවන්නේ නම් ඊට විරෝධය දක්වා තමන් මන්ත්‍රි ධුරයෙන් ඉල්ලා අස්වන බවටත් පාර්ලිමේන්තු මන්ත්රී පාලිත තෙවරප්පෙරුම මහතා කළ ප්‍රකාශයට ප්‍රතිචාරයක් දක්වමින් පොලිස්පතිවරයා සිය ධුරයෙන් ඉල්ලා අස්වේ නම් දක්ෂ නිලදරුවකු රටට අහිමි කිරීම පිළිබඳ විරෝධය පාමින් තමන් පාර්ලිමේන්තු මන්ත්‍රි ධුරයෙන් ඉල්ලා අස්වීමට සූදානම් යැයි මහජන සම්බන්ධතා හා මහජන කටයුතු අමාත්‍ය මර්වින් සිල්වා මහතා පවසයි.
