හිටපු ජනාධිපති මහින්ද රාජපක්‍ෂ මහතා තවම ශ්‍රී ලංකා නිදහස්‌ පක්‍ෂ සාමාජිකයකු බැවින් පළාත් පාලන මැතිවරණයට ශ්‍රී ලංකා නිදහස්‌ පක්‍ෂයෙන් ඉදිරිපත් වන සියලුම අපේක්‍ෂකයන්ට ඒ මහතාගේ ඡායාරූපද ඇතුළත් කරගෙන ඡන්ද ප්‍රචාරක වැඩ කටයුතු සිදුකරන ලෙස බස්‌නාහිර පළාත් ප්‍රධාන ඇමැති ඉසුර දේවප්‍රිය මහතා ඊයේ (20 දා) ඉල්ලා සිටියේය. 

පසුගියදා සිදු වූ අමාත්‍ය මණ්ඩල සංශෝධනයෙන් පසුව ඒ ඒ අමාත්‍යංශ සඳහා විෂය පථ වෙන් කිරීමේ ගැසට් පත්‍රය මේ වන විට නිකුත් කොට තිබේ. මෙහිදී විශේෂිතම කාරණය වන්නේ විදේශ අමාත්‍යංශයට ජාතික ලොත‍රැයි මණ්ඩලය සහ සංවර්ධන ලොත‍රැයි මණ්ඩලය ද පැවරීමට ජනාධිපති මෛත්‍රීපාල සිරිසේන මහතා කටයුතු කිරීමය.මේ අනුව රවී කරුණානායක මහතා විදේශ හා ලොත‍රැයි ඇමැතිවරයා ලෙස හැඳින්වීම වඩා විද්‍යාත්මක ක්‍රමවේදය ලෙස සැලකිය හැකිය.

ඇමැති මණ්ඩල සංශෝධනයේදී ජනමාධ්‍ය අමාත්‍යංශය මංගල සමරවීර මහතාට ලැබුණද ඔහු යටතේ වන කිසිදු ආයතනයක කිසිදු නිලධාරියකු වෙනස් නොකළ යුතු බවට ජනාධිපතිවරයා නියෝගයක් පනවා ඇති බව ඇමැති සමරවීර මහතාට සමීප ආරංචි මාර්ග පවසයි.

නව අමාත්‍ය මණ්ඩල සංශෝධනයෙන් පසුව ඇමැති විෂය පථයන් වල සංශෝධනයද සිදුවීම සාමාන්‍ය දෙයක් වූවත් අලුත් ඇමැතිධුර ලැබූ ඇමැතිවරු තමන් කලින් සිටි ධුරවලට අදාල රාජ්‍ය ආයතන ගනනාවක් නව අමාත්‍යංශවල විෂය පථයන් ලෙස ගැසට් කරන ලෙස ජනාධිපතිවරයාට බලපෑම් එල්ල කරමින් තිබෙන බව ජනාධිපති කාර්යාල ආරංචි මාර්ග සඳහන් කරයි.

මාස කිහිපයක් පුරා සාකච්ඡාව ගැනෙමින් තිබූ ඇමැති මණ්ඩල සංශෝධනය එළඹෙන සඳුදා උදෑසන නියත වශයෙන්ම සිදුවන බව ජනාධිපති ලේකම් කාර්යාල ආරංචි මාර්ග පවසයි. මේ වන විට සියලුම ඇමැති මණ්ඩල සාමාජිකයන්ට සඳුදා උදෑසන 8.30 වන විට ජනාධිපති කාර්යාලයට පැමිණෙන ලෙස දැන්වීමට කටයුතු කොට ඇත. එමෙන්ම මේවන විට විදේශ ගතව සිටින සියලු ඇමැතිවරුන්ද එම අවස්ථාවට පැමිණිය යුතු බව දැන්වීමද සිදු කර ඇත.

හිටපු ආරක්ෂක ලෙකම් ගොඨාභය රාජපක්ෂ මහතා සිය අමරිකානු පුරවැසිභාවය ඉවත් කර ගැනීම සඳහා තීරණය කර ඇති බව ඒ මහතාට හිතවත් පාර්ශ්වයේ තොරතුරු මාර්ග පවසයි. 2020 ජනාධිපතිවරණ ජනාධිපති අපේක්ෂකයා ලෙස ඉදිරිපත් වීමේ අරමුණ ඇතිව මෙම තීරණය ගෙන තිබේ.

එජාප උප නායක රවී කරුණානායක මහතා එම පක්ෂයේ ළඟ නායකත්ව අනුප්‍රාප්තිකයා ලෙස නම් කොට මුදල් අමාත්‍ය ධුරය වෙනුවට වෙනත් ප්‍රධාන අමාත්‍ය ධුරයක්ද ලබා දීමට සඳහා අගමැති රනිල් වික්‍රමසිංහ මහතා දැරු උත්සාහයද අසාර්ථක වී ඇති බව 'සිරිකොත' එජාප මුලස්ථාන ආරංචි මාර්ග පවසයි.

විධායක ජනාධිපති ධුරය අහෝසි කරගැනීමේ සටනට අවතීර්ණය වන බව ජනතා විමුක්ති පෙරමුණේ නායක අනුර දිසානායක මහතා පවසයි.

මාධ්‍යවේදී ලසන්ත වික්‍රමතුංග ඝානතය, ප්‍රගීත් එක්නැලිගොඩ අතුරුදහන් කිරීම සහ මාධ්‍යවේදීන්ට සහ මාධ්‍ය ආයතනවලට එල්ල වූ තවත් ප්‍රහාර ගණනාවක් පිළිබඳ විමර්ශනවලට ජනාධිපතිවරයා බලපෑම් කරමින් සිටින බවත් බුද්ධි අංශවලට සම්බන්ධව ඊනියා රණවිරුවන් ආරක්ෂා කිරීමට යැයි පවසමින් ජනාධිපතිවරයා මෙම බලපෑම් සිදු කරන බවත්. ජාතික මාධ්‍ය සංසදය අවධාරණය කරයි.

ජනාධිපතිවරණයෙන් පසුව ශ්‍රීලනිපයේ බලය අත්පත් කර ගැනිමට මිස වෙනකක් වෙනුවෙන් කිසිදු අවධානයක් යොමු නොකළ ජනාධිපති මෛත්‍රීපාල සිරිසේනට තමන්ගේ ජනාධිපති කමේ කෙරුවාව දැන් වත් තේරුම් යායුතුය.