ජනපති තවත් විකාරයකට මුලපුරයි. රවීට ගයන්තට පැරණි විෂය පථයන් දෙයි

Published in පුවත්
Monday, 22 May 2017 20:07

නව අමාත්‍ය මණ්ඩල සංශෝධනයෙන් පසුව ඇමැති විෂය පථයන් වල සංශෝධනයද සිදුවීම සාමාන්‍ය දෙයක් වූවත් අලුත් ඇමැතිධුර ලැබූ ඇමැතිවරු තමන් කලින් සිටි ධුරවලට අදාල රාජ්‍ය ආයතන ගනනාවක් නව අමාත්‍යංශවල විෂය පථයන් ලෙස ගැසට් කරන ලෙස ජනාධිපතිවරයාට බලපෑම් එල්ල කරමින් තිබෙන බව ජනාධිපති කාර්යාල ආරංචි මාර්ග සඳහන් කරයි.

මෙහිදී හිටපු මුදල් ඇමැතිවරයා වන රවී කරුණානායක මහතා විදේශ අමාත්‍යංශයට පත් වූවද පෙර තමන් යටතේ තිබු ජාතික ලොතරැයි මණ්ඩලය, සංවර්ධන ලොත‍රැයි මණ්ඩලය, ඇල්කඩුව ප්ලාන්ටේෂන්, ශ්‍රී ලංකන් එයාර් යන ආයතන තමන්ගේ විෂය පථයට එක් කර ගැසට් කරන ලෙස ජනාධිපතිවරයාගෙන් ඉල්ලා තිබේ. මේ සඳහා ජනාධිපතිවරයා එකඟ වී ඇති බවත් දැන ගැනීමට ඇත. මාධ්‍ය ඇමැතිධුරයෙන් ඉඩම් ඇමැතිධුරයට මාරු කරනු ලැබූ ගයන්ත කරුණාතිලක මහතා චිත්‍රපට සංස්ථාව,රාජ්‍ය මුද්‍රණ නීතිගත සංස්ථාව, රජයේ මුද්‍රණාලය, තොරතුරු දැන ගැනීමේ කාර්යාලය තමන් යටත්ට පත් කරන ලෙස ජනාධිපතිවරයගෙන් ඉල්ලා තිබේ.

කෙසේ නමුත් මුදල් හා ජනමාධ්‍ය අමාත්‍යංශය සතුව ඇති සීමාසහිත ආයතන කිහිපයෙන් රවී කරුණානායක හා ගයන්ත කරුණාතිලක ඉල්ලා සිටින ආයතන කිහිපය ලබා දුන හොත් ඇමැති මංගල සමරවීර මහතාට ඉතුරු වන්නෙ මුදල් අමාත්‍යංශ ගොඩ නැගිල්ලට අමතරව ශ්‍රිලංකා රේගුව, දේශිය ආදායම් දෙපාර්තමේන්තුව හා සුරා බදු දෙපාර්තමේන්තුව පමණි. කෙසේ නමුත් මෙම අලුත් තත්වයට සම්බන්ධයෙන් මේවන විටත් උණුසුම්කාරී වාතාවරණයක් ඇතිව තිබෙන බව දැන ගැනීමට ඇත.

රජයේ ජේෂ්ඨ අමැතිවරයකුගෙන් අප කළ විමසීමෙදී දැන ගැනීමට ලැබුනේ රවී කරුණානායකට විදේශ ඇමතිධුරය ලබා දිමේදී පොරොන්දු ලෙස ඔහු ඉල්ලා සිටින ආයතන ලබා දීමට ජනාධිපති පොරොන්දු වී ඇති බවය. එසේම විදෙශ ඇමැතිධුරය මංගල සමරවීරගෙන් ඉවත් කිරීමට ජනාධිපතිවරයාට තිබු දැඩි වුවමනාව මත ඒ ඔහුට මුදල් ඇමැතිධුරය ලබාදිම සිදු කෙරෙන බවත් ඒ වෙනුවෙන් සහය වී විදේශ ඇමැතිධුරය ලබාගන්නා ලෙස ජනාධිපතිවරයා රවී කරුණානායකගෙන් ඉල්ලීමක් කළ බවටද කරුණානායක මේ වන විට සෙසු ඇමැතිවරුන් හා පවසමින් සිටින බවත් ඔහු පැවසුවේය.

ඒ කෙසේ නමුත් මීට පෙර අමැති මණ්ඩලය නම් කිරීමේදී හා එම විෂය පථයන් වෙන් කිරීමදී විකාර ‍රැසක් සිදුව තිබිනි. මහාමාර්ග හා උසස් අධයාපනය එක අමාත්‍යංශයක් යටතට පත් කිරීම සංස්කෘතික අමාත්‍යංශය යටතෙ තිබූ මධ්‍යම සංස්කෘතික අරමුදල අධ්‍යාපන අමාත්‍යංශය යටතට ගැනීම සංස්කෘතික අමාත්‍යංශය යටතට ආගමන හා විගමන දෙපාර්තමෙන්තුව පැවැරීම ඊට උදාහරණ කිහිපයකි.

මේ අනුව ජනධිපතිවරයා සිහි බුද්ධියෙන් යුතුව මේ ගැටලු නිරාකරණය කර ගැනීමට අපොහොසත් වුවහොත් යළි ආණ්ඩුව විහිලුවක් වීම නොවැලක් විය හැකිය. එහි වගකීම මුළුමනින්ම ජනාධිපතිවරයා විසින් බාර ගත යුතුය. ඒ තත්වයන් හමුවේ නැවත් දැඩි තීන්දු ගන්නවා යැයි කියමින් රටේ ජනතාවට විහිලු සැපයීමට ඉදිරිපත් නොවන ලෙසත් අප අවධාරණය කරමු.

Leave a comment

Gossip

මාධ්‍යවේදියා පැහැරගෙන යෑම - රාජිතගේ කිඹුලා පාර්ට් 2 ද?

මාධ්‍යවේදියා පැහැරගෙන යෑම - රාජිතගේ කිඹුලා පාර්ට් 2 ද?

රාජිත සේනාරත්න කියන්නේ දන්න කාලයේ සිටම ගේම්කාරයෙකි. එසේ මෙසේ ගේම්කාරයකුත් නොවේ. රාජිතගේ ගේම් ඇඟ කිළි...

විමල්ගේ විඩියෝ ලීක්කළා යැයි පෞද්ගලික ලේකම්ව පන්නලා.

විමල්ගේ විඩියෝ ලීක්කළා යැයි පෞද්ගලික ලේකම්ව පන්නලා.

ඇමැති විමල් වීරවංශ වෙනම දේශපාලන ගමනක් සඳහා ආණ්ඩුව තුළ සිටිමින් ආණ්ඩුවටම එරෙහිව කුමන්ත්‍රණයක් දියත්කර...

ගුවන් ගත වූ ගුවන් යානයක් බළලලෙකු නිසා නැවත ගොඩබිමට !

ගුවන් ගත වූ ගුවන් යානයක් බළලලෙකු නිසා නැවත ගොඩබිමට !

මගී ගුවන් යානයකට ඇතුළු වූ බළලලෙකු එහි නියමුවාට පහර දීම හේතුවෙන් හදිසියේ ගොඩබෑමට සිදුවීමේ පුවතක් සුඩා...

ගෝඨා අත්හරී, බැසිල් සූදානම් වේ.

ගෝඨා අත්හරී, බැසිල් සූදානම් වේ.

ජනාධිපති ගෝඨාභය රාජපක්ෂ මහතා මීළඟ ජනාධිපතිවරණයට ඉදිරිපත් නොවන බව රාජපක්ෂ හිතවාදී වෙබ් අඩවියක් වන ලංක...

Connet With Us