අලුත් අවුරුදු උත්සව සමයේදී නියමිත මිලට වඩා වැඩි මිලට භාණ්ඩ අලෙවි කරන පුද්ගලයන්ට විරුද්ධව දැඩි ක්රියාමාර්ග ගන්නා බව කර්මාන්ත හා වාණිජ කටයුතු අමාත්‍ය රිෂාද් බදුර්දීන් මහතා පවසයි.
2012 වසරේ හම්බන්තොට වරායේ සමස්ත වියදම රුපියල් මිලියන 812ක් වුවත් එහි අදායම රුපියල් මිලියන 135ක් වීම හේතුවෙන් එම වසරේ අලාභය රුපයිල් මිලියන 678කි. එම අලාභය කොළඹ වරායේ අදායමෙන් පියවා තිබෙන බව වරාය හා නාවික අමාත්‍ය අර්ජුණ රණතුංග මහතා අමාත්‍යවරයා සඳහන් කරයි.
රටේ යහපාලනය තහවුරුවූ බවට හොදම නිදසුන19 ගැන උසාවියේ තීන්දුව
19 වන ආණ්ඩුක්‍රම ව්‍යවස්ථා සංශෝධනය සම්බන්ධයෙන් ශ්‍රේෂ්ඨාධිකරණය ලබා දුන් තීරණය යහපාලනය රටේ තහවුරු වී ඇති බවට හොදම සාක්ෂිය බවත් එය කියවිය යුත්තේ මීට මාස කිහිපයකට පෙර පැවැති භයංකර තත්ත්වය හා සසඳමින් බවද බුද්ධ ශාසන, රාජ්‍ය පරිපාලන,පළාත් පාලන හා ප්‍රජාතාන්ත්‍රීය යහපාලනය පිළිබඳ අමාත්‍ය කරු ජයසූරිය මහතා පවසයි.
යේමනයේ සිරවී සිටි ශ‍්‍රී ලාංකිකයින් සියලු දෙනාම යළි මවිබිමට(audio)
යේමනයේ ගැටුම් වලට මැදි වී සිටි තවත් ශ‍්‍රී ලාංකිකයින් 16 දෙනෙකු ඊයේ රාත‍්‍රීයේ දිවයිනට පැමිණියේය. තානාපති කාර්යාල වල මැදිහත්වීමෙන් මුදා ගත් පිරිසක් මෙලෙස දිවයිනට ගෙන්වා ගත් බව විදේශ කටයුතු නියෝජ්‍ය අමාත්‍ය අජිත් පී පෙරේරා මහතා ප‍්‍රකාශ කළේය.
පිළිකා රෝගය ව්‍යාප්තිය පාලනය කිරීම සඳහා ජාතික ප‍්‍රතිපත්තියක් හඳුන්වාදීමට රජය තීරණය කර ඇත. ඒ සඳහා ගත යුතු සියළු ක්රියාමාර්ග ඇතුළත් වන සේ මෙම වැඩපිළිවෙල ක‍්‍රියාවට නගන බව සෞඛ්‍ය අමාත්‍ය රාජිත සේනාරතන මහතා ප‍්‍රකාශ කර සිටියේය.
ලොතරැයි මණ්ඩලයේ මිලියන 375ක් දේශපාලනයට යොදවලා(audio)
ජාතික ලොතරැයි මණ්ඩලය වෙනුවෙන් වෙන් කළ රුපියල් මිලියන 375ක් පැවැති ආණ්ඩුව සිය දේශපාලන ව්‍යාපෘති සඳහා යොදවා ඇතැයි අනාවරණ වූ බව එම මණ්ඩලයේ සභාපතිනි ශ්‍යාමිලා පෙරේරා පවසයි.
රටක දියුණුව පිණිස අත්‍යවශ්‍ය සාධකයක් වනුයේ සාමය හා ස්ථාවරත්වයයි. ඒ උදෙසා රටක දේශපාලන ස්ථාවරත්වය අතිශය තීරණාත්මක වූ කරුණකි. වසර 70 කට ආසන්න කාලයක් තුල අපේ නායකයින්ට අපේ රට දියුණු කිරීමට නොහැකි විය.
මැතිවරණයෙන් පසුව නව ආණ්ඩුක්‍රම ව්‍යවස්ථාවක් ගේනවා - අධිකරණ ඇමැති(audio)
ඉදිරි මහ මැතිවරණයෙන් පසු බලයට පත්වී නව ආණ්ඩුක්‍රම ව්‍යවස්ථාවක් සම්පාදනය කරන බව අධිකරණ අමාත්‍ය ජනාධිපති නීතිඥ විජේදාස රාජපක්‍ෂ මහතා පවසයි.ඔහු මෙම අදහස් ඉදිරිපත් කළේ අද(10) පැවති මාධ්‍ය හමුවක් අමතමිනි.
