තලෙයිමන්නාරම් මුහුදු සීමාවේ අනවසරයෙන් මසුන් ඇල්ලූ ඉන්දීය ධීවරයින් 14 දෙනෙකු සහ බෝට්ටු 3ක් ඊයේ (01) සවස නාවික හමුදාව විසින් අත්අඩංගුවට ගෙන ඇති බව මන්නාරම් ධීවර පරික්‍ෂක කාර්යාලය පවසයි.
යුක්රේන කැරලිකරුවන් සමඟ හොර අවි ජාවාරමක නිරතව සිටි බවට චෝදනා ලද හිටපු රුසියාවේ ශ්‍රී ලංකා තානාපති උදයංග වීරතුංග ඩුබායිහි මැරියට් හෝටලයේ රැඳී සිටිනු දැක ඇති බව ඔහු පිළිබඳ පරීක්ෂණ පවත්වන කණ්ඩායම් පවසයි. මෙරට ගුවන් හමුදාවට මිග් 27 යානා 4 මිළ දී ගැනීමේ තැ‍රැව්කරුවා ලෙස පෙනීසිටිමින් බ්‍රිතාන්‍යයේ ලිපිනයක් සහිත ව්‍යාජ සමාගමක්(Bellimissa Holdings Ltd 2nd Floor, 145-157 St John Street, London. ) ඉදිරිපත් කර මිලියන් ගණනක කොමිස් මුදලක් උපයා ගැනීමට උත්සහ කිරීම ඔහුට විරුද්ධව ඇති අනෙක් චෝදනාවයි.
මෙම දිනවල බෝවන ඇස්‌ රෝගයක් කොළඹ ඇතුළු දිවයිනේ ප්‍රදේශ රැසක පැතිර යන බව අක්‍ෂි වෛද්‍යවරු පවසති.මෙය"වයිරල් කන්ජක්‌ටිවයිටිස්‌" නමැති වයිරසයක්‌ මාර්ගයෙන් බෝවීම සිදුවේ.
වත්මන් අාණ්ඩුවත් නීති නොසලකා හැර හිතමිතුරන්ට සලකනවා-ජවිපෙ
ලංකාවට පැරණි වාහන ගෙන්වීමේදී ආනයන අපනයන පාලනයේ විශේෂ අවසරයක් ගත යුතු බවට මෙම නීතියක් පැවතුනද මේ වන විට නීතිය නොසලකා හරිමින් පැරණි වාහන ගෙන්වන බව ජනතා විමුක්ති පෙරමුණ සඳහන් කරයි.
යහපාලන ආණ්ඩුවත් ජනතාවට එරෙහි මර්දනය දියත් කරයි - අන්තර් විශ්වවිද්‍යාල ශිෂ්‍ය බලමණ්ඩලයේ කැඳවුම්කරු නජිත් ඉන්දික
අන්තර් විශ්වවිද්‍යාලීය ශිෂ්‍යය බලමණ්ඩලය සහ මානව හිමිකම් සුරැකීමේ ශිෂ්‍යය සංවිධානය විසින් ප‍්‍රකාශයට පත්කරන ලද ‘‘දින 100 යේ ශිෂ්‍යය මර්දනය’’ නමැති කෘතිය 2015-06-01 වන දින කොළඹ මරදාන ඞීන්ස් පාරේ පිහිටි සමාජය හා සාමයික කේන්ද්‍රයේ දී ජනගත කෙරිණ.
ජනතාවගෙන් ප්‍රතික්ෂේප වූ අයගේ අපේක්ෂා ඉටු කිරීමට සූදානම් නෑ - රවී
වසර 12කට අධික කාලයක් තිස්සේ පීඩාවට පත්ව අපේක්ෂාභංගත්වයෙන් සිටි ජනතාව නව පාලනයක් පත් කර ගෙන ඇති මොහොතේ ඇතැමුන් විපක්ෂයෙන් සිට තව දුරටත් ජනතාවට එරෙහිව කටයුතු කරමින් සිටින බව මුදල් අමාත්‍ය රවී කරුණානායක මහතා පවසයි. නිවේදනයක් මගින් අමාත්‍යවරයා පෙන්වා දෙන්නේ විපක්ෂයේ ඇතැමුන් පටු දේශපාලන වාසි වෙනුවෙන් ගෙන යන වැඩපිළිවෙළට කිසිදු ජනතා සහයක් නොමැති බවයි.
මහින්ද පාර්ශවයෙන් ආවොත් 20 ට එජාප සහාය නෑ - කබීර් හෂීම්
ආණ්‌ඩුක්‍රම ව්‍යවස්‌ථාවේ විසිවැනි (20) සංශෝධනය මහින්ද රාජපක්ෂ මහතාගේ පාර්ශ්වයෙන් ගෙන එන්නේ නම් ඊට කිසිලෙසකින්වත් එක්සත් ජාතික පක්‌ෂයේ සහයෝගය ලබා නොදෙන බව එම පක්‌ෂයේ මහ ලේකම් ඇමැති කබීර් හෂීම් මහතා පවසයි.
මහින්ද,බිලියන් 28 න් කළේ මොනවද කියා ඔප්පු කර පෙන්විය යුතුයි - හර්ෂ
මහා මාර්ග 28ක් සංවර්ධනය කිරීම සඳහා පසුගිය රජය සමයේ මාර්ග සංවර්ධන අධිකාරිය ජාතික ඉතිරි කිරීමේ බැංකුවෙන් ලබා ගත් රුපියල් බිලියන 55ක ණය මුදලින් රුපියල් බිලියන 28ක් වෙනත් කාර්යයකට වැය නොකළ බව හිටපු ජනාධිපති මහින්ද රාජපක්ෂ මහතා කරන ප්‍රකාශය ඔප්පුකර පෙන්විය යුතු බව ප්‍රතිපත්ති සැලසුම් රාජය ඇමැති ආචාර්ය හර්ෂ ද සිල්වා මහතා පවසයි.
