20ට මුවාවෙලා මැතිවරණය කල් දාන්න දෙන්නෙ නෑ - අජිත් පී පෙරේරා
20 වන ව්යවස්ථා සංශෝධනය පෙන්වමින් මැතිවරණය කල් දැමීමට උත්සහ කිරීමේ උපායට තමන් හසු නොවන බව විදේශ කටයුතු නියෝජ්‍ය අමාත්‍ය අජිත් පී පෙරේරා පවසයි. අද (ජුනි 01) පැවති මාධ්‍ය හමුවකදී අදහස් දැක්වූ නියෝජ්‍ය ඇමතිවරයා එක්සත් ජාතික පක්ෂයට අවශ්‍ය පාර්ලිමේන්තු මැතිවරණ ක්‍රමය වෙනස් කිරීමට බවත් ඒ හරහා ප්‍රජාතන්ත්‍රවාදය තහවුරු කරගැනීමට අවශ්‍ය නිසා 20 වන ව්යවස්ථා සංශෝධනය ඉක්මණින් සම්මත කරගැනීමට අවශ්‍ය බව පවසයි. නමුත් එය සම්මත කරගැනීමට යථාර්ථවැදී අවකාශයක් නොමැතිනම් එය පෙන්නමින් මැතිවරණය කල් දැමීමට ඉඩ නොදෙන බව නියෝජ්‍ය ඇමතිවරයා මෙහිදී ප්‍රකාශ කළේය.
දිවිනැගුම අරමුදලේ මුදල් සාවද්‍ය පරිහරණය කළැයි සැකපිට රිමාන්ඩ් බාරයේ සිටින හිටපු ආර්ථික සංවර්ධන ඇමැති බැසිල් රාජපක්ෂ ඇතුළු සැකකරුවනට ඇප දීම කඩුවෙල මහේස්ත්‍රාත් අධිකරණයෙන් ප්‍රතික්ෂේප කරමින් දුන් නියෝගය ප්‍රතිශෝධනය කර සැකකරුවනට ඇප දෙන්නැයි ඉල්ලමින් කොළඹ මහාධිකරණයේ අද නඩු තුනක් පැවැරිණි.
යාපනය, පුංකුඩිතිව් ප්‍රදේශයේ පදිංචිව සිටි සිවලෝගනාදන් විත්‍යා පැහැ‍රගෙන ගොස් සමූහ අතවරයට ලක් කර මරා දැමීමේ සිද්ධියේ සැකකරුවන් නව දෙනා අද දිනයේ යළිත් කයිට්ස් අධිකරණය වෙත යොමු කළ අවස්ථාවේදී එළඹෙන 15 වන දින දක්වා යළි රක්ෂිත බන්ධනාගාරගත කර තිබේ.
FCIDය ආරක්ෂක ස්ථානයකදී ශිරන්තිගෙන් ප්‍රශ්න කරයි(update)
හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මියගෙන් පොලිස් මුල්‍ය වංචා විමර්ශන කොට්ඨාශයේ නිලධාරීන් විසින් ප්‍රකාශයක් සටහන් කරගෙන තිබේ.
ශ්‍රී ලංකාවේ ආර්ථිකය පිළිබඳව විවාදයකට එන ලෙස පාර්ලිමේන්තු මන්ත්‍රී බන්දුල ගුණවර්ධන මහතා කළ අභියෝගය තමන් බාර ගන්නා බව නියෝජ්‍ය අමාත්‍ය හර්ෂද සිල්වා මහතා පවසයි.
පොලිස්පතිවරයාගේ නියෝග මත වහාම ක්‍රියාත්මක වන පරිදි පොලිස්ථානාධිපතිවරුන් 07 දෙනෙකු ස්ථාන මාරුකර තිබේ.
රටේ දැනට ඇති වී තිබෙන ආර්ථික අර්බුදය සම්බන්ධයෙන් තමා සමඟ ඕනෑම රූපවාහිනි නාලිකාවක විවාදයට එන්නැයි විපක්‍ෂයේ පාර්ලිමේන්තු මන්ත්‍රී බන්දුල ගුණවර්ධන මහතා මුදල් ඇමැති රවි කරුණානායක මහතාට සහ ආර්ථික කටයුතු නියෝජ්‍ය ඇමැති ආචාර්ය හර්ෂ ද සිල්වා මහතාට අභියෝග කර සිටී.
