එම තීන්දුව කොතැනකදී ගත්තද එය සම්මත කිරීම සදහා කැබිනට් මණ්ඩලයට ආ යුතු බවත් එය සම්මත වීමට තමන් කිසිසේත්ම ඉඩ නොදෙන බවත් ඒ මහතා සදහන් කලේ පොලොන්නරුව නව වෙලද සංකීර්ණය ජනතා අයිතියට පත් කිරීම සදහා පැවති උත්සව සභාව අමතමිනි.
ජනාධිපතිවරයා ලෙස තමන්ගේ වැටුපද රුපියල් 95,000ක් පමණක් බවත් දීමනා කිසිවක් නොලැබෙන බවත් ඔහු පැවසීය.
තමන් ලබා ගන්නා වැටුප මෙන් හතර ගුණයක් පමණ අදටද පාර්ලිමේන්තු මන්ත්‍රීවරයෙක් ලබා ගන්නා බවද ජනාධිපතිවරයා එහිදී කියා සිටියේය.
ඉකුත් වසර තුන තුළ පාර්ලිමේන්තු මන්ත‍්‍රීවරුන්ගේ සහ මැති ඇමතිවරුන්ගේ වැටුප් සහ දීමනා වැඩි කිරීමට විටින් විට කටයුතු කර ඇති බව සඳහන් කළ ජනාධිපතිතුමා, ඒ අවස්ථාවලදී ජනාධිපතිවරයා හැටියට තමාගේ වැටුප වැඩි කිරීමට පැමිණි යෝජනා තමා තරයේ ප‍්‍රතික්ෂේප කළ බව ද සඳහන් කළේය. ජීවන වියදම ඉහළ යෑම ඇතුළු ආර්ථික ගැටලු බොහෝමයක් විසඳා ගැනීමට උත්සාහ ගනිමින් සිටින මේ අවස්ථාව මැති ඇමති වැටුප් වැඩි කිරීමට කොහෙත්ම සුදුසු නොවන බව ද වැඩිදුරටත් පැවසීය.
