ලංකා බැංකුවේ හා තවත් පෞද්ගලික බැංකු දෙකක ගිණුම් හිමියන් කිහිප දෙනෙකුගේ ගිණුම් වලින් රුපියල් මිලියන දහස් ගනනක් වෙනත් ගිණුම්වලට මාරුකරමින් පරිගණක හරහා සිදු කළ දැවැන්ත බැංකු කොල්ලයක තොරතුරු අනාවරණය කර ගැනීමට අපරාධ පරීක්ෂණ දෙපාර්තමේන්තුව සමත් වී තිබේ.

BMICH විසින් පාලනය කරන ලද රාජගිරියේ මහ බැංකු අභ්‍යාස ආයතනයට යාබදව පවත්වාගෙන ගිය සවරින්ග් හෝටලය ජූනි 15 සිට වසා දැමීමට එරෙහිව එහි සියළු සේවකයෝ ඊයේ (25) එම හෝටලය ඉදිරිපිටදී විරෝධතා ක‍්‍රියාමාර්ගවල නියැලූනි.

තම රැකියාව සුරක්ෂිත කරදෙන ඉල්ලමින් කරන ලද උද්ඝෝෂණය නිසා සේවක අර්ථ සාධක අරමුදලේ මෑන් පවර් සේවකයින් පිරිසක් සේවයෙන් නෙරපා ඇත.

එයට විරෝධය පාමින් එම සේවකයින් කොලඹ බාරොන් ජයතිලික මාවතේ පිහිටි සේවක අර්ථසාධක අරමුදල පරිශ්‍රය ඉදිරිපිට ඊයේ(25)අඛන්ඩ උපවාසයක් අැරඹුවේය.

නිමල් සිරිපාල ද සිල්වා මහතා විපක්ෂ නායකවරයා ලෙස කතානායක චමල් රාජපක්ෂ මහතා විසින් පිළිගෙන ඇතැයි නියෝජ්‍ය කතානායක චන්දිම වීරක්කොඩි මහතා පාර්ලිමේන්තුවේදි ඊයේ (25) පැවසීය.

මහ බැංකු අධිපති අර්ජූන් මහෙන්ද්‍රන් මහතා, ආන්දෝලනයකට තුඩු දුන් භාන්ඩාගාර බැඳුම්කරයට සෘජුවම දායක වී ඇති ඇති බව ඊට අදාලව පොදුව්‍යාපාර පිළිබඳ ගිණුම් කාරක සභාව (COPA) විසින් තීරණය කර ඇති බව වර්තාවේ.

හිටපු ජනාධිපතිවරයකු වන ඩී.බී. විජේතුංග මහතා කලක් පදිංචිව සිටි නිල නිවෙස ජනාධිපති මෛත්‍රීපාල සිරිසේන මහතාගේ පරිහරණය සඳහා දැනට අලුත්වැඩියා කෙරෙමින් පවතින බවත්, ජනාධිපතිතුමා එම නිවෙසේ පදිංචියට ගිය පසු දැනට එතුමා පදිංචිව සිටින නිල නිවෙස හිටපු ජනාධිපති මහින්ද රාජපක්ෂ මහතාගේ පරිහරණය සඳහා ලබා දෙන බවත්, සෞඛ්‍ය හා දේශීය වෛද්‍ය ඇමැති, කැබිනට් ප්‍රකාශක වෛද්‍ය රාජිත සේනාරත්න මහතා පවසයි.

පළාත් සභා ආණ්ඩුකාරවරුන් පස්දෙනකු ඉවත්කිරීමේ තීරණයකට අදාළ ලියකියවිලිවලට ඊයේ රාත්‍රියේ ජනාධිපතිවරයා අත්සන් තබා ඇතැයි වාර්තාවේ.

ඇමතිවරුන්ගේ නෝනලා පදනම් නිර්මාණය කරගෙන ඒ පදනම් හරහා මහත්වරුන්ගේ කොමිස් මුදල් ගිණුම්වලට බැර කරගන්නා බව එජාප පාර්ලිමේන්තු මන්ත්‍රී නලින් බණ්ඩාර මහතා පවසයි.පසුගිය රජයේ බොහෝ දේශපාලනඥයින් විවිධ ව්‍යාපාර හා ඉදිකිරීම් සඳහා තමා ලබාගත් කොමිස් මුදල් සෘජුවම ලබා නොගත් බවත්, ඒවා තම බිරිඳගේ හෝ පවුලේ සාමාජිකයෙකුගේ පෞද්ගලික ගිණුමකමකට බැරකර ඇති බවත්, එසේත් නැතිනම් හිතෛෂිවන්තයින්ගේ නමින් අටවා ගත් ව්‍යාජ සංවිධාන හෝ පදනම් වෙත එම මුදල් බැරකර ඇති බවත් මන්ත්‍රීවරයා පෙන්වාදුන්නේය.