අධික ලෙස වෙහෙස වී වැඩ කරන්න එපා ! වෛද්‍යවරු දැනුම් දෙයි
මේ දිනවල පැතිර යන කොවිඩ් වයිරසයේ නව ප්‍රභේදය පෙණහැල්ලට දරුණු බලපෑම් එල්ල කරන බැවින් අධික ලෙස වෙහෙස වී වැඩ කිරීමෙන් වළකින ලෙස ස්නායු රෝග විශේෂඥ වෛද්‍ය ප්‍රසන්න ගුණසේන ජනතාවට දැනුම් දී සිටියි.
කොරෝනා වසංගතය මැඬලීමට මේ මොහොත රටේ ජාතික ආපදාවක් ලෙස සලකා ජනතාව එකාමෙන් සහයෝගය දිය යුතුව ඇති බවත්, ජනතාව නිසි ලෙස සෞඛ්‍ය උපදෙස් පිළිපැදීම ඉතා වැදගත් බවත් අග‍්‍රාමාත්‍ය මහින්ද රාජපක්ෂ පවසයි.
ඉන්දියාවේ සිට බෝට්ටුවකින් පලාවිත් සැඟවී සිටි කාන්තාවන් දෙදෙනකු සහ දරුවන් දෙදෙනකු පුත්තලම, වෙප්පමඩු සහ මීගමුව, කොච්චිකඩේ, මානවේරිය යන ප්‍රදේශවලින් සොයා ගැනීමට සෞඛ්‍ය නිලධාරීන්ට හැකි වී තිබේ.
පවතින කොවිඩ් තත්ත්වය හේතුවෙන් මැයි 03 වනදා සිට මැයි 07 වනදා දක්වා අධිකරණ කටයුතු සීමා කර තිබේන බව වාර්තා වෙනවා.
ඒ අනුව සැකකරුවන් හා චූදිතයින් අධිකරණයට ඉදිරිපත් කිරීම අවශ්‍ය නොවෙන බව අධිකරණ අමාත්‍යාංශයේ ජ්‍යෙෂ්ඨ උපදේශක ජනාධිපති නීතිඥ යූ.ආර්. ද සිල්වා සදහන් කර ඇත.
-පංචාලි අබේසේකර
ලංකාව ඇතුළුව රටවල් කිහිපයකට සිංගප්පුරුවට ඇතුල්වීම තහනම් කෙරේ !
මෑතකදී සංචාරයේ නිරත පුද්ගලයන්ට සිය රටට ඇතුළුවීම තහනම් කිරීමට සිංගප්පුරු රජය තීරණය කර තිබේනවා. එම රටවල් අතරට ලංකාවද අයත්.
2020 - නිදහසින් පසු ශ්රී ලංකාවේ විශාලතම ආර්ථික කඩාවැටීම වාර්ථාවෙයි.
2020 වසරේ දී ශ්රී ලංකා ආර්ථිකය මූර්ත වශයෙන් සියයට 3.6කින් සංකෝචනය වී ඇති බවත් ඒය නිදහසින් පසු ශ්රී ලංකාවේ වාර්තා වූ විශාලතම ආර්ථික අවපාතය බවත් ශ්රී ලංකා මහ බැංකුව පවසයි. 2020 වාර්ෂික වාර්තාව නිකුත් කරමින් ශ්රී ලංකා මහ බැංකුව මේ බව සඳහන් කරන අතර වසංගතය හේතුවෙන් ගෝලීය ආර්ථිකයෙහි ඇති වූ පසුබෑම හා සමගාමීව මෙම තත්ත්වයට මුහුණ පෑමට ශ්රී ලංකාවට සිදුව ඇති බව ඒහි සඳහන් වේ. මෙහිදී වැඩිදුරටත් මහ බැංකුව මෙසේ කියා සිටී.
හොටල්, භෝජනශාලා, රාත්‍රී සමාජ ශාලාවල සංවිධානය කරනු ලබන ප්‍රිය සම්භාෂණ, රැස්වීම් හා අනෙකුත් දෛනික උත්සව අද (01) සිට රාත්‍රී 10න් පසු පැවැත්වීම තහනම් කර තිබේ.
එම තහනම සති දෙකක් පුරා පවතින බවයි යුද හමුදාපති ජෙනරාල් ශවේන්ද්‍ර සිල්වා ප්‍රකශ කරන්නේ.
මේ වන විට රට තුළ පවතින කොවිඩ් ව්‍යාප්තිය සැලකිල්ලට ගනිමින් මෙම තීරණය ගත් බව යුද හමුදාපතිවරයා වැඩිදුරටත් සදහන් කරයි.
-පංචාලි අබේසේකර
ජනතාවට දුන් පොරොන්දු ඉටු කරමින් රටේ ජාතික ආරක්ෂාවත් ,ස්වෛරීත්වයත් තහවුරු කර ඇති බව කම්කරු දිනය නිමිත්තෙන් පණිවුඩයක් නිකුත් කරමින් ජනාධිපති ගෝඨාභය රාජපක්ෂ සදහන් කර තිබෙනවා.
